Buzuk ka Abud’a 7:7 - Bible azumeina

⁷ Ata yima Moise azi ki Aron a de zlad’a mi Faron-na, Moise bizamî dok klavandi, Aron bizamî dok klavandi yam hindi mi.

Buzuk ka Abud’a 7:7 ပူးပေါင်းရင်းမြစ်များ

Ad’u Tinda 41:46

Ata yima Josef mi tchol avok Faron-na, bizamî dok hindi. Josef mi nde woi gen Faron, mi tit yam ambas sa Ezipte-d’a pet.

Sawal la giled’a 90:10

Bizami ni dok kid’iziya, suma ad’engâ, mazid’a ni dok klavandi mi. Hina pet pî, sun mat ta led’a ni ndaka ki hohoud’a; nga d’i kal lei atogo; ami nga bomi mi.

Buzuk ka Abud’a 2:23

Bugol la biza d’a ablaud’a kala, amul ma Ezipte-na mi mid’a. Israel-lâ a nga zam tazi abo magom mba a nga lazizid’a, a nga tchi mi. Tchi mazi ma abo magombina mi i gak mi fAlona.

Buzuk ka Abud’a 7:8

Ma didina mi de mi Moise azi ki Aron ala:

Ndumba 33:39

Ata yima Aron mi mit akulo yam ahina d’a Hor-rina, bizamî kis yam dok mbà yam hindi.

Sunda hi suma a sunuzinid’a 7:23

Kid’a Moise bizam ndak dok fid’id’a, mi djib’er ala mi i gol b’oziyom Israel-lâ.

Sunda hi suma a sunuzinid’a 7:30

Kid’a mi le bizad’a dok fid’id’a, malaikana mi nde tam mbei iram hur fulâ go kahina d’a Sinai-d’a, aduk sin aku d’a nga d’i ngal aduk azlupid’a.

Gat ta a hat á mbàd’id’a 29:5

Mi tid’ï ki sed’egi abagei hur fulâ bizad’a dok fid’i. Baru magi mi tumus nga woi atagi d’uo mi na, atuguru magi mi b’lak nga woi asegi d’uo mi.

Gat ta a hat á mbàd’id’a 31:2

Mi dazi ala: Ini bizan ni kis kam dok mbà, an ndak á i ki sed’egi ni hulong ki sed’egi d’uo mi. Ma didina mi dan ala: Ang mba djak alum ma Jurdê-na d’i.

Gat ta a hat á mbàd’id’a 34:7

Ata yima Moise mi mitna, bizamî kis kam dok mbà, mi mit ni kad’engêm bei iram mbi mbut zizimit ba.

Josue 24:5

An sun Moise azi ki Aron, an tum Ezipte-na ki tugud’ei d’a tchod’a teteng, an buzugugï woi avo Ezipte.