Buzuk ka Abud’a 7:16 - Bible azumeina

¹⁶ Ang de mi Faron ala: Ma didina Alona hi Hebre-nina mi sununï geveng ala an dangû: Ang ar sum mama a iya, kayam a kud’urom abagei hur fulâ. Wani gak ini ang hum nga d’i.

Buzuk ka Abud’a 7:16 ပူးပေါင်းရင်းမြစ်များ

Buzuk ka Abud’a 10:3

Moise azi ki Aron a i gen Faron, a dum ala: Ma didina Alona hi Hebre-nina mi dala: Ang mba noî á ge yang kä avok an Ma didina hina gak mindja ge? Ang ar sum mana a i á kud’uronu.

Buzuk ka Abud’a 13:15

Kid’a Faron mi b’al hurum ad’enga mi min á arami á id’a d’uo d’a, Ma didina mi tchi gro suma Ezipte suma a vud’uzi avo’â woi pet, tinï ad’ud’a yam suma gak mi mba yam d’uwarâ. Gola! Ni kayam ndata ba, ami nga hami ahle suma andjof suma a vud’uzi avo’â mi Ma didina, ami nga mbud’umi yam gromi suma a vud’uzi avo’â pet wan mi.

Buzuk ka Abud’a 14:5

Suma a mba, a de mamul ma Ezipte-na ala: Israel-lâ a ring wa. Ata yi máma Faron kazungeî mama djib’er mazid’a mbut kä yam Israel-lâ, a dala: Ei lei ni me hina ba, ei arei Israel-lâ a i ge? Ni kayam me ba, ei arazi á lei sun nda magomba d’uo ge!

Buzuk ka Abud’a 3:12

Alona mi dum ala: An mba ni kak ki sed’engû. Wana ni vama simat ma ang mba wala ni an ba ni sunungû na: Fata ang buzugï sum mana woi avo Ezipte-d’a, agi mba kud’uron yam ahina d’a wanda.

Buzuk ka Abud’a 3:13

Moise mi de mAlona ala: An nga ni i ata Israel-lâ, an mba ni dazi ala: Alona habuyogina mi sununï atagiya. Wani le azi djobon ala: Simiyêm nana ge ni, an dazi nana ge?

Buzuk ka Abud’a 3:18

Azi mba humungû. Ang dazi kua ala: Mi dan kua ala: Ang ki nglo suma Israel-lâ, agi igi gen amul ma Ezipte-na, agi dum ala: Ma didina, Alona hi Hebre-na, mi nde tam mbei iramiya. Ki tchetchemba, ang arami lovota ami i tid’imi burâ hindi abagei hur fulâ á hahle suma ngat buzuna mi Ma didina Alo mamina.

Buzuk ka Abud’a 4:22

Ang i de mi Faron ala: Ma didina mi dala: Israel ni gorona, ni goron ma ngolâ.

Buzuk ka Abud’a 4:23

An nga ni dangû, ang ar gorona mi iya, kayam mi lan sunda. Le ang aram mi i nga d’uo ni, an mba ni tchang gorong ma ngolâ woyo!

Buzuk ka Abud’a 7:4

Faron mba mi humugi d’i. An mba ni ngop Ezipte-na, an mba ni buzuk man suma Israel-lâ woi kur ambas sa Ezipte-d’a ad’u adezezi ki ngop pa tchod’a.

Buzuk ka Abud’a 8:1

Ma didina mi de mi Moise kua ala: Ang de mi Aron ala: Ang hlabong akulo ki totogo manga yam toliyonda, yam apo alum ma Nil-lâ, yam golongeîna, ar greneûna mi buzuk akulo yam andaga d’a Ezipte-d’a.

Buzuk ka Abud’a 8:20

Ma didina mi le na. Mi mba kazlip ma tchona adesâ adesâ avo hi Faron, avo hazungeî mama. Ambas sa Ezipte-d’a pet ti b’lak kei abo azlipma.

Buzuk ka Abud’a 9:1

Ma didina mi de mi Moise ala: Ang i gen Faron, ang dum ala: Ma didina Alona hi Hebre-nina mi dala: Ang aran sum mana a i á kud’uronu.

Buzuk ka Abud’a 9:13

Ma didina mi de mi Moise ala: Ang tchol yorogo tcholol, ang i gen Faron, ang dum ala: Ma didina Alona hi Hebre-nina mi dala: Ang aran sum mana a i á kud’uronu.

Isai 45:13

Ma didin ma ad’engêm kal petna mi dala: Ni an ba ni tchol Sirus akulo yam d’ingêr manda, an mba ni blas lovot mamba kä avoromu. Mam mba mi minin azì man ma ngolâ akulo, mba mi tchuk man suma dangeina akulo bei wuraka bei ve he d’a hawad’a ba mi.

Jeremi 50:33

Ma didin ma ad’engêm kal petna mi dala: Israel-lâ ki suma Juda-na, a djobozi vunazi nabo tazi tu. Suma a yozi magombina a vazi kä ndinding, a min tchuguzi akulo d’i.