Buzuk ka Abud’a 6:8 - Bible azumeina

⁸ An mba ni kalagi kur ambas sa an gun tan kat á hat mi Abraham Isak ki Jakob-pa, an Ma didina mba ni hagizi djona.

Buzuk ka Abud’a 6:8 ပူးပေါင်းရင်းမြစ်များ

Ad’u Tinda 14:22

Abram mi hulong de mamul ma Sodom-ma ala: An hlabon akulo avok Ma didina Alo ma sä akulo ma kal tegles ma lakulod’a kandagad’ina.

Ad’u Tinda 15:18

Ni kur bur máma ba, Ma didina mi djin vunam ki Abram, mi dum ala: An hambas sa wanda ni mandjavangû; tinï ad’ud’a navun toliyon nda Ezipte-d’a dei gak mba avun alum ma Efrat-na,

Ad’u Tinda 26:3

Ang kak kua; an mba ni kak ki sed’engû, an mba ni b’e vunan kang kandjavangû; an mba ni hagi andaga ndata pet, kayam an tcholî yam gun nda an gun tan mabung Abraham-mba.

Ad’u Tinda 28:13

Gola! Ma didina mi nga akulo yam agu máma, mi dum ala: An ni Ma didina, Alona habung ngolo Abraham-ma, Alona habung Isa’â. Andaga d’a ang nga burâ kat wanda, an mba ni hangzi mi ang kandjavangû.

Ad’u Tinda 35:12

Andaga d’a an hat mi Abraham ki Isak-ka, an mba ni hangziya, an mba ni hat mandjavang ma a mba vud’um blogongâ mi.

Nehemi 9:15

Ata yima meid’a tchazina, ang hazi avungô ma ei akulona; ata yima vunazi sona, ang hazi mbiyo ma buzugï aduk ahinad’ina. Ang dazi ala a i hlambas sa ang hle vunang kat á hazizid’a.

Buzuk ka Abud’a 13:5

Fata Ma didina mi kalagi kur ambasa hi suma Kanan-na, hi suma Het-na, hi suma Amor-râ, hi suma Hef-fâ ki d’a hi suma Jebus-sâ d’a ambira ki mbul ayuma a nga sor kä kua d’a mi gun tam kat mabuyogi ngolo á hagizid’a, agi lagi vun til máma mi Ma didina kur til máma.

Buzuk ka Abud’a 32:13

Ang djib’er yam Abraham azi ki Isak ki Israel, azungeî mang suma ang dazi ala: An gun tan ki an tanda, an mba ni zulugi andjavagi d’igi tchitchiud’a na, an mba ni hazi andaga d’a pet ta an de kata, azi mba tat djona burâ ki burâ na.

Buzuk ka Abud’a 6:2

Alona mi de mi Moise kua ala: An ni Ma didina.

Buzuk ka Abud’a 6:4

An djin vunan ki sed’ezi á hazi ambas sa Kanan nda azi kak adjeu kat d’igi angoyogeina na d’a.

Buzuk ka Abud’a 6:6

Kayam ndata, ang i de mi Israel-lâ ala: Alona mi dala: An Ma didina nga ni pad’agi woi kur sun nda anek ka Ezipte-na a tinigizi kagid’a, an nga ni pad’agi woi kur magom mba a nga lagizid’a mi. An mba ni ngobozi ngop pa tchod’a, an mba ni prud’ugi woi ki bigan nda zid’a kan akulo zid’a,

Ezekiyel 20:15

Ni an ba ni hlabon akulo hur fulâ, ni gunuzi tan ala an mba ni izi yam ambas sa an hazizi d’a ambira ki mbul ayuma a nga sor kä kua d’a djif fa kal ambas sa ding nga peta d’i.

Ezekiyel 20:23

Ni an ba ni hlabon akulo hur fulâ, ni gun tan ala an mba ni b’rawazi woi aduk andjaf suma, an mba ni ndjoyôzi woi yam ambas sa dinga mi,

Ezekiyel 20:28

An i ki sed’ezi yam ambas sa an hlabon akulo ni gun tan kat á hazizid’a. Ata yi máma azi we yima ndingâ kagu ma d’ufa. Ni kua ba, azi nga ngat ahle suma ngat buzu mazina, a nga he he d’a hawad’a kua á zalan ki hurunu, a nga ngal mbul ma his ma afufuîna, a nga he he d’a hawa d’a süm guguzlud’a mi.

Ezekiyel 20:42

Fata an igi yam andaga d’a Israel-la kur ambas sa an hlabon akulo ni gun tan á hat mabuyogi ngolod’a, agi mba wagi ala an ni Ma didina.

Ezekiyel 36:7

An Salad’a Ma didina ni dala: An hlabon akulo ni gun tan ala: Gola! Nandjaf suma ding suma a nguyugina ba, a mba mbut zulona!

Ezekiyel 47:14

Agi mba b’rawagi djona aduk tagi tu. Kayam an gun tan mabuyogi ngolo á hazi ambas ndata djona, ti mba d’i arî djo magina.

Ndumba 10:29

Moise mi de mi Hobap Rewel ma Madiyan ma akunoma goromina ala: Ami nga imi yam ambas sa Ma didina mi hle vunam kat ala: An mba hagiziya d’a, ang mbei i ki sed’emiya. Ami mba lang djivi d’a Ma didina mba mi lat mi Israel-lîd’a.

Ndumba 11:12

Na ni sum ndazina pet an vazi wirizi ni an ndju? An vud’uzi ni anu ba ang ala an zizi didigan d’igi atcha d’a wul gorâ nga d’i zim adigat na gak ni izi yam ambas sa ang tang hat mabuyozi á haziziya d’a ge?

Ndumba 14:30

An gun tanu, agi mba kalagi kur ambas sa an hle vunan kat ala agi kalagi kuad’a d’i. Ni Kalep Jefune goroma ki Josue Nun goroma hol ba, a mba kal kua.

Ndumba 23:19

Alona mi nga ni sana á ka zlad’a d’i, mi nga ni sana á mbut djib’er mamba kä d’uo mi. Vama mi duma, mba mi lum mbuo zu? Vama mi de kama, mba mi ndagam vunam mbuo zu?

Gat ta a hat á mbàd’id’a 32:40

An hlabon akulo hur alona, an gun tan ala: An ni ma nga kaka ki iran gak didina!

Gat ta a hat á mbàd’id’a 4:31

Kayam Ma didina Alo magina nAlo ma we hohowa sumina; mba mi aragi woi d’i, mba mi dabagi woi d’i, mba mi mar yam vun ma djin ma mi gun tam kam mabuyogi ngolona d’uo mi.

Josue 24:13

An hagi ambas sa agi kawagi nga kat tuo d’a kazì ma nglo ma agi minim nga ni agi d’uo na; agi kagagi kua mi. An hagi guguzlud’a kagu olif ma agi pum nga ni agi d’uo na; agi nga tum mi.

Vama ndum mbeina 10:6

Mi gun tam ki simiyê Alo ma nga kaka karid’a gak didin ma lakulod’a kahle suma kurutna pet kandagad’a kahle suma kurutna pet kalum ma ngolâ kahle suma kuruma pet mi na. Mi de woi ala: Djupa nga d’uo d’a.

1 Samuel 15:29

Ma didin ma subura hi Israel-lîna nga mi ka zlad’a d’i, nga mi djok djib’er mamba d’igi sana na d’uo mi.