Buzuk ka Abud’a 6:7 - Bible azumeina

⁷ an mba ni yogi á mbud’ugi sum mana, an mba ni arî Alo magina mi. Agi mba wagi ala an ni Ma didina Alo magi ma pad’agi woi kur sun nda anek ka Ezipte-na a tinigizi kagid’ina.

Buzuk ka Abud’a 6:7 ပူးပေါင်းရင်းမြစ်များ

Ad’u Tinda 26:3

Ang kak kua; an mba ni kak ki sed’engû, an mba ni b’e vunan kang kandjavangû; an mba ni hagi andaga ndata pet, kayam an tcholî yam gun nda an gun tan mabung Abraham-mba.

Ad’u Tinda 28:13

Gola! Ma didina mi nga akulo yam agu máma, mi dum ala: An ni Ma didina, Alona habung ngolo Abraham-ma, Alona habung Isa’â. Andaga d’a ang nga burâ kat wanda, an mba ni hangzi mi ang kandjavangû.

1 Amuleina 20:28

Wani ma djok vun máma mi mba gen amul ma Israel-lâ kua, mi dum ala: Gola! Ma didina mi sununï ala: Suma Siri-na a dala: Ma didina nalo ma ahinad’a, mi nga nalo ma pid’a’â d’i. Kayam ndata, an nga ni hang azigar suma ablau ndazina pet abongû. Ata yi máma agi mba wagi ala an ni Ma didina.

1 Amuleina 8:60

Hina wani, suma yam andagad’ina pet a mba wala Ma didina tu nAlona; ma ding ma d’igi mam na na nga d’i.

Nehemi 1:10

Ami nazungeî mangâ, ami ni sum mang suma ang pad’ami woi kad’eng mang nga kal teglesa kabong ma ad’engîna.

Sawal la giled’a 100:3

Ar agi wagi ala Ma didina nAlona. Mi lei ni mamu, ei ni sum mama, ei nades tumiyô mam suma mi poleina.

Sawal la giled’a 81:6

Wana ni vun ma he ma mi hum mi Josef simiyêma ata yima mi nde woi á dur ambas sa Ezipte-d’ina. An hum del la an humut nga yan tu d’uo d’a ala:

Buzuk ka Abud’a 13:14

Fata grogina a mba djobogi avin ala: Ad’u zla ndata nana ge d’a, agi mba dazi ala: Ni Ma didina kad’eng mamba ba, mi buzugumï woi kur Ezipte kur yima a lami magomba kuana.

Buzuk ka Abud’a 13:3

Moise mi de mi Israel-lâ ala: Agi djib’eregi yam bur ma agi buzugugï woi kur Ezipte kur yima a lagi magomba kuana. Kayam ni Ma didina kad’eng mamba ba, mi buzugugï woi kua. Ar sa mi tavungô ma a lum kangufina kur bur ma ge hum máma d’i.

Buzuk ka Abud’a 14:18

Ata yima an mba ni mbut vama subura yam Faron ki pus mama ki mam suma djang akulumeinina, Ezipte-na a mba wala an ni Ma didina.

Buzuk ka Abud’a 14:4

An mba ni b’al hur Faron kiki. Mam mba mi digigi ad’ugiya, wani an mba ni mbut ni vama subura yam Faron ki azigar mama. Hina wani, azi mba wala an ni Ma didina. Israel-lâ a lahle suma Ma didina mi hazi vuna kazina.

Buzuk ka Abud’a 15:16

Vunadigazi mba d’i pat fek, mandarâ mba mi lazi ngola. Yam ad’eng mang nga ang tagat teid’a, azi mba ngel lei d’igi ahinad’a na gak sum mangâ a mba kal tua, gak suma ang prud’uzi woina a kal tua mi.

Buzuk ka Abud’a 15:2

Ma didina nad’eng manda; ni mam ba, an ni gilemu. Ni ma sud’una; NAlo mana, an mba ni suburumu. Mam mi Alona habuna, an mba ni hum ngola.

Buzuk ka Abud’a 16:12

An hum gureîd’a hi Israel-lîd’a. Ang dazi ala: Ini fladege d’a afata i á nikid’a, agi mba mud’ugi hliuna, avin yorogo agi mba hobogi kavungôna, agi mba wagi ala an ni Ma didina Alo magina.

Buzuk ka Abud’a 16:6

Moise azi ki Aron a de mi Israel-lâ pet ala: Ini fladege agi mba wagi ala ni Ma didina ba, mi buzugugï woi yam ambas sa Ezipte-d’a.

Buzuk ka Abud’a 2:11

Kur atchogoi ndata, Moise mi djeng sana, mi i gen b’oziyoma á golozi kur sun mazi d’a ndaka. Mi we ma Ezipte-na nga mi to ma Hebre-na aduk b’oziyoma.

Buzuk ka Abud’a 6:6

Kayam ndata, ang i de mi Israel-lâ ala: Alona mi dala: An Ma didina nga ni pad’agi woi kur sun nda anek ka Ezipte-na a tinigizi kagid’a, an nga ni pad’agi woi kur magom mba a nga lagizid’a mi. An mba ni ngobozi ngop pa tchod’a, an mba ni prud’ugi woi ki bigan nda zid’a kan akulo zid’a,

Buzuk ka Abud’a 7:17

Ni kayam ndata ba, Ma didina mi dala: Nata vama simat ma wana ba, ang mba wala an ni Ma didina. Gola! An nga ni wat mbiyo alum ma Nil-lâ ki totogo d’a abonda, mbina mba mi mbut buzuna!

Isai 41:20

kayambala suma pet a gola, a we, a we woi tetet ala Ni an Ma didina ba, ni lahle ndazina kabonu, ni an Ma tin tan irat vat yam Israel-lîna ba, ni laziya.

Isai 49:23

Amuleina a mba mbut nabuyok suma a wulu’â, amulei suma aropma a mba mbut nasuyok suma a wulu’â, a mba grif kä avorok ki irazi andaga, a mba trâk gugum ma huyok ase’â woyo. Ndak mba d’i wala an ni Ma didina. Suma a tin huruzi kana a mba mbut zulona d’i.

Isai 49:26

Suma a nga djobok vuna’â, an mba ni hazi hliwizi tamba á mutna, a mba gurut ki buzuwazi d’igi sana mi gurut ki süm guguzlu d’a ayîna na. Suma pet a mba wala an ni Ma didin ma sud’uk ma ad’engêm kal petna hi Jakob ma mi wurak ka’â.

Isai 51:15

An ni Ma didina Alo mang ma nga ni hlalum ma ngolâ akulo ma nga ni labil mamina. Simiyên ala Ma didin ma ad’engên kal petna.

Isai 60:16

Andjaf suma kamulei mazina a mba wulugu. Ata yi máma ndak mba d’i wala an Ma didina ni ma sud’u’â, an ni ma sib’ika hi Jakob-ma, an ni ma wurak ka’â mi.

Isai 63:8

Adjeu mi dala: Gagazi, azi ni sum mana, azi ni gro suma bei ka zlad’a ba na. Kayam ndata, mam mi ma sud’uzina.

Jeremi 30:22

Ata yi máma agi mba mbud’ugi sum mana, an mba ni arî Alo magina mi.

Jeremi 31:33

Ma didina mi de kua ala: Wana ni vun ma djin ma an mba ni djinim ki Israel-lâ bugol bur mámina: An mba ni tin gat manda kuruziya, an mba ni b’irit krovo kur mugulazi mi. An mba ni ka’î Alo mazina, azi mba ka’î sum mana mi.

Ezekiyel 20:19

An ni Ma didina Alo magina. Agi tid’igi yam vun man ma hed’a, agi ngomogi gat manda, agi lagi sunda kat mi.

Sunda hi suma hi Levi-nid’a 11:44

An ni Ma didina Alo magina; agi mba mbud’ugi tagi yed’et, agi mba kagagi suma yed’etna, kayam an ni Ma bei tchod’a ba na. Ar agi mbud’ugi tagi ndjendjed’a kahle suma gurei suma a dram kä yam andagad’ina d’i.

Sunda hi suma hi Levi-nid’a 11:45

An ni Ma didin ma ni buzugugi woi kur ambas sa Ezipte-d’a á mbut Alo maginina. Agi mba kagagi ni suma yed’etna, kayam an ni Ma bei tchod’a ba na.

Zakari 13:9

An mba ni tchuk suma kur abo ma hindi mámina akua, an mba ni yorozi d’igi a yor kawei ma hapma na, an mba ni kuguzi d’igi a kuk lora na, a mba tchenenu, an mba ni humuzi mi. An mba ni dala: Sum ndazina a ni sum mana; azi mba dala: Ma didina nAlo meina mi.

Ndumba 15:41

An ni Ma didina Alo magi ma buzugugï woi kur Ezipte á Alo maginina. Gagazi, an ni Ma didina Alo magina.

Matiye 22:32

An nAlona hi Abraham-ma, Alona hi Isa’â, Alona hi Jakob-ma mi d’a d’uo zu? Alona nAlona hi suma arinina, nga nAlona hi suma matnina d’i.

Romê-na 8:31

Ei mba dei nana yam zla ndata ge? Le Alona mi nga ki sed’eya ni, sama ndak á kak djangûna ki sed’ei ni nge ge?

Gat ta a hat á mbàd’id’a 14:2

Kayam agi ni suma a tinigi iragi vagi mi Ma didina Alo maginina, Ma didina Alo magina mi managi á kak sum mama tazid’a aduk suma pet suma yam andagad’ina.

Gat ta a hat á mbàd’id’a 26:18

Ma didina mi hlagi vuna ini ala agi mba aragi ni sum mama tata d’igi mi dagi na, agi ngomogi vun mam ma hed’a mi.

Gat ta a hat á mbàd’id’a 29:12

Agi mbagi ka hî á djinigi vunagi ki Ma didina yam vun ma djin ma mam nga mi djinim ini ki sed’egi ki gun tad’a wana

Gat ta a hat á mbàd’id’a 29:13

tala agi mbud’ugi ini sum mama, mam arî Alo magina d’igi mam dagi na d’a, d’igi mam gun tam mabuyogi ngolo, nala, Abraham, Isak ki Jakob na mi d’a.

Gat ta a hat á mbàd’id’a 29:5

Mi tid’ï ki sed’egi abagei hur fulâ bizad’a dok fid’i. Baru magi mi tumus nga woi atagi d’uo mi na, atuguru magi mi b’lak nga woi asegi d’uo mi.

Gat ta a hat á mbàd’id’a 4:20

Wani agiya, Ma didina mi yogi mi buzugugï woi kur aku d’a für ra kaweina hi Ezipte-nid’a kayambala agi kagagi ni sum mama d’igi agi nga ini na d’a.

Gat ta a hat á mbàd’id’a 7:6

Kayam agi ni suma a tinigi iragi vagi mi Ma didina Alo maginina. Mi managi ni kayambala agi kagagi ni sum mama tazid’a aduk suma yam andagad’a ka hina ped’u d’a.

Hebre-na 11:16

Wani azi nga hat huruzi yam andaga d’a djivi d’a kala, nala, ta akulod’a. Kayam ndata, Alona nga mi le zulona kazi ata yima azi nga yum ala Alo mazina na d’i, kayam mam min wa azì ma ngolâ kazi da’.

1 Pierre 2:10

Adjeu agi ni suma hAlonina d’i, wani ki tchetchemba, agi ni sum mama. Adjeu mi wagi nga hohowogi d’i, wani ki tchetchemba, mi wagi wa hohowogiya.

Vama ndum mbeina 21:3

An hum del la ngola ti tcholï akulo ata yima zlam mba amula ti dala: Ki tchetchemba, yima kaka hAlonina mi nga aduk suma, mba mi kak ki sed’eziya, azi mba mbut sum mama. Alona tamba mba mi kak ki sed’eziya, mam mba arî Alo mazina.

Vama ndum mbeina 21:7

Suma a mba kus ayînina, an mba ni hazi he d’a hawad’a, an mba narî Alo mazina, azi mba mbut grona.