Buzuk ka Abud’a 6:6 - Bible azumeina

⁶ Kayam ndata, ang i de mi Israel-lâ ala: Alona mi dala: An Ma didina nga ni pad’agi woi kur sun nda anek ka Ezipte-na a tinigizi kagid’a, an nga ni pad’agi woi kur magom mba a nga lagizid’a mi. An mba ni ngobozi ngop pa tchod’a, an mba ni prud’ugi woi ki bigan nda zid’a kan akulo zid’a,

Buzuk ka Abud’a 6:6 ပူးပေါင်းရင်းမြစ်များ

1 Amuleina 8:42

kayam mi wala simiyêng ni Ma kal teglesâ, abongî ma ad’engâ, bigang nga zid’a akulo kang zi mi, le mi tcheneng kur gong nga wanda ni,

2 Amuleina 17:36

Wani ar agi lagi ni mandaran an Ma didin ma ni buzugugï woi kur ambas sa Ezipte-d’a ki sib’ik man nda kal teglesa ki bigan nda zid’a woi akulo kan zid’a, ar agi grivigi ni kä navoron an tu, ar agi han ahle suma ngat buzuna mi.

1 Sunda Hamuleinid’a 17:21

Andjaf ma ding ma yam andagad’a ma d’igi Israel-lâ na na nga d’i. Ni mam ba, ang i pad’am mbei abo Ezipte suma a nga djobom vunama, ang mbud’um andjaf mangâ á suburung simiyêngû, ang lahle suma atchapma kahle suma mandarâ kam kur ambas manga á dik andjaf suma dingâ woi avorom mi.

Nehemi 1:10

Ami nazungeî mangâ, ami ni sum mang suma ang pad’ami woi kad’eng mang nga kal teglesa kabong ma ad’engîna.

Sawal la giled’a 77:16

Ni kad’eng manga ba, ang prut sum mangâ Jakob groma ki Josef groma woyo. Tchol ndjö

Sawal la giled’a 81:11

An ni Ma didina Alo magina! Ni an ba ni pad’agï woi avo Ezipte. Agi ngogi vunagi woyo, an mba ni oyôgiziya.

Sawal la giled’a 81:6

Wana ni vun ma he ma mi hum mi Josef simiyêma ata yima mi nde woi á dur ambas sa Ezipte-d’ina. An hum del la an humut nga yan tu d’uo d’a ala:

Sawal la giled’a 81:7

An hlaneka woi kangû, ang tchuk abong ngei ata gagalagad’a mi.

Buzuk ka Abud’a 1:11

Ata yi máma a tin suma a golozi ata yima sundina kazi á kid’eyêzi irazi ki sun nda aneka. Ni hina ba, a min azì ma Pitom ki Ramses-sâ á tchuk ahlena hi Faron-na kua.

Buzuk ka Abud’a 12:41

Kid’a biza d’a kikis fid’i yam dok hindi ndata ndaka, kur bur máma tamba, suma hi Ma didinina pet a buzuk kei yam ambas sa Ezipte-d’a.

Buzuk ka Abud’a 12:51

Kur bur máma tamba, Ma didina mi buzuk Israel-lâ woi kur ambas sa Ezipte-d’a, ad’u adezezi ad’u adezeziya.

Buzuk ka Abud’a 13:14

Fata grogina a mba djobogi avin ala: Ad’u zla ndata nana ge d’a, agi mba dazi ala: Ni Ma didina kad’eng mamba ba, mi buzugumï woi kur Ezipte kur yima a lami magomba kuana.

Buzuk ka Abud’a 13:16

Bur ma ngat buzu máma mba mi mbut ni d’igi vama taka na djinda del abogiya, ni d’igi vama djib’era na djinda avorogi mi. Kayam ni Ma didina kad’eng mamba ba, mi buzugugï woi kur Ezipte.

Buzuk ka Abud’a 13:3

Moise mi de mi Israel-lâ ala: Agi djib’eregi yam bur ma agi buzugugï woi kur Ezipte kur yima a lagi magomba kuana. Kayam ni Ma didina kad’eng mamba ba, mi buzugugï woi kua. Ar sa mi tavungô ma a lum kangufina kur bur ma ge hum máma d’i.

Buzuk ka Abud’a 15:13

Yam we hohou manga, ang tin mang suma ang prud’uzi woina; yam ad’eng manga, ang nga izi ata yi mang ma ang tinim iram vama.

Buzuk ka Abud’a 16:6

Moise azi ki Aron a de mi Israel-lâ pet ala: Ini fladege agi mba wagi ala ni Ma didina ba, mi buzugugï woi yam ambas sa Ezipte-d’a.

Buzuk ka Abud’a 18:1

Jetro ma ngat buzu ma Madiyan-na, Moise akunoma, mi hum ahlena pet suma Alona mi lazi yam Moise ki mam suma Israel-lîna ala: Ma didina mi buzuk wa Israel-lâ woi kur Ezipte.

Buzuk ka Abud’a 2:11

Kur atchogoi ndata, Moise mi djeng sana, mi i gen b’oziyoma á golozi kur sun mazi d’a ndaka. Mi we ma Ezipte-na nga mi to ma Hebre-na aduk b’oziyoma.

Buzuk ka Abud’a 3:17

Alona mi dan kua ala: An mba ni buzugugï woi avo Ezipte ata yima agi nga fagi ndaka kuana á i ki sed’egi yam ambasa hi suma Kanan-na, hi suma Het-na, hi suma Amor-râ, hi suma Peris-sâ, hi suma Hef-fâ ki d’a hi suma Jebus-sâ d’a ambira ki mbul ayuma a nga sor kä kuad’a.

Buzuk ka Abud’a 3:8

An tchugï asen kä á pad’azi woi abo Ezipte-na á buzuguzi woi kur ambas sa wanda á izi kur ambas sa djivi d’a bubu d’a ambira ki mbul ayuma a nga sor kä kuad’a. Nambas sa suma Kanan-na, suma Het-na, suma Amor-râ, suma Peris-sâ, suma Hef-fâ ki suma Jebus-sâ a nga kaka kuad’a.

Buzuk ka Abud’a 32:11

Wani Moise mi tchen Ma didina Alo mama ki hud’a, mi dum ala: Ma didina, ni kayam me ba, hurung zal ngola ata mang suma ang pad’azï woi kur ambas sa Ezipte-d’a kad’eng mang nga ngola ki sib’ik mangina ge?

Buzuk ka Abud’a 6:2

Alona mi de mi Moise kua ala: An ni Ma didina.

Buzuk ka Abud’a 6:29

mi dum ala: An ni Ma didina. Ang hulong de mi Faron amul ma Ezipte-na ahlena pet suma an hang vuna kazina.

Buzuk ka Abud’a 6:8

An mba ni kalagi kur ambas sa an gun tan kat á hat mi Abraham Isak ki Jakob-pa, an Ma didina mba ni hagizi djona.

Buzuk ka Abud’a 7:4

Faron mba mi humugi d’i. An mba ni ngop Ezipte-na, an mba ni buzuk man suma Israel-lâ woi kur ambas sa Ezipte-d’a ad’u adezezi ki ngop pa tchod’a.

Buzuk ka Abud’a 7:5

Ata yima an mba ni ngop Ezipte-na, ni buzugï Israel-lâ woi adigazina, azi mba wala an ni Ma didina.

Isai 9:12

Hina pî, Israel-lâ a hulongî nga gen ma nga mi ngobozina d’i, a hal nga Ma didin ma ad’engêm kal petna d’uo mi.

Isai 9:17

Kayam asa’ata nga d’i ngal d’igi aku d’a nga d’i ngal kekerezeuna azi kaweid’a woi d’a nga d’i ngal agu d’a ndindika woid’a na, andozot nga mi i akulo mi d’ugula gongzong.

Jeremi 21:5

Kayam an tanda mba ni durugi ayîna kabon ma zid’a kan akulo zina ki bigan nda ad’enga ki hur ma zala ki hur ma zal ma gugulu’â ki hur ma zal ma kal lei teglesâ mi.

Jeremi 27:5

An ni ma landagad’a ki suma kazurei suma a nga yam andagad’ina ki sib’ik man nda kal teglesa ki bigan nda nga zid’a kan akulo zid’a, an nga ni handagad’a mi suma tan lan djivid’a kazina.

Jeremi 32:21

Ang buzugï mang suma Israel-lâ woi kur ambas sa Ezipte-d’a kahle suma yoyouna kahle suma atchapma ki sib’ik mang nga kal teglesa ki bigang nga zid’a kang akulo zid’a, ang lahle suma mbut suma mandarâ mi.

Ezekiyel 20:33

An Salad’a Ma didin ma bei matna mba ni te kagi kabon ma ad’engâ ki bigan nda zid’a akulo kan zid’a ki hur man ma zal ma gugulu’â.

Sunda hi suma a sunuzinid’a 13:17

Alona hi Israel-lîna, mi man abuyoi ngolo. Kid’a azi nga angoyogeina kur ambas sa Ezipte-d’id’a, mi zuluziya. Bugola, mi pad’azi woi kur ambas sa Ezipte-d’a kad’eng mamba.

Gat ta a hat á mbàd’id’a 11:2

Agi wagi ini ala mi hazi nga ni mi grogi suma a wazi nga d’uo na d’i. Wani mi hazi ni mi agi suma wagi ngopa hAlo maginid’a ki ngol mamba kabom ma ad’engâ ki bigam mba nga zid’a kam akulo zid’ina.

Gat ta a hat á mbàd’id’a 15:15

Agi djib’eregi ala adjeu agi ei ni magomba kur ambas sa Ezipte d’a Ma didina Alo magina mi tchugugï woi akulo kura. Ni kayam ndata ba, an hagi ini vun ma he ma wana wana.

Gat ta a hat á mbàd’id’a 26:8

Ma didina mi buzugï woi avo Ezipte kabom ma ad’engâ ki bigam mba zid’a kam akulo zid’a, kahle suma yoyou suma mandarâ, kahle suma simata, kahle suma atchapma, kahle suma ndandalâ mi.

Gat ta a hat á mbàd’id’a 4:23

Agi gologi tagi djiviya, agi maragi yam vun ma djin ma Ma didina Alo magina mi djinim ki sed’egina d’i. Ar agi tched’egi va d’oze angus vama lara ma Ma didina Alo magina mi d’elegi kama d’i.

Gat ta a hat á mbàd’id’a 4:34

Alo ma ding ma mba, mi prut andjaf ma ding ma nga aduk andjaf ma dingâ á mbud’um sum mama kahle suma kuka, kahle suma simata, kahle suma yoyouna, kayî ma durâ, kabom ma ad’engâ ki bigam mba zid’a kam akulo zid’a, kahle suma ndandal suma mbut suma mandarâ hina pet d’igi Ma didina Alo magina mi le ki sed’egi avo Ezipte hina na nga zu?

Gat ta a hat á mbàd’id’a 5:15

Ang djib’er ala ang ei ni magomba kur ambas sa Ezipte-d’a, ni an Ma didina Alo mangâ ba, ni ndangî woi kabon ma ad’engâ ki bigan nda zid’a kan akulo zid’a mi. Ni kayam ndata ba, an Ma didina Alo mangâ ni hang vuna á tuk tad’a wana.

Gat ta a hat á mbàd’id’a 6:12

fata agi tagizi agi hobogi ki sed’ezid’a, agi gologi tagi djiviya! Ar agi maragi yam Ma didin ma pad’agi woi kur ambas sa Ezipte-d’a kur yima a lagi magomba kuana d’i.

Gat ta a hat á mbàd’id’a 7:19

kahle suma nglo suma kuk suma agi wazi ki iragina, kahle suma simata, kahle suma atchapma, kabom ma ad’engâ ki bigam mba zid’a kam akulo zi ata yima mi buzugugï woina. Ma didina Alo magina mba mi le ki suma pet suma a nga avorogi suma agi lazi mandarazi wana ni na mi.

Gat ta a hat á mbàd’id’a 7:8

Wani Ma didina mi le kagiya, mi ndak vun gun tad’a mi gun tam mabuyogi ngolod’a. Kayam ndata, mi pad’agi woi kad’eng mamba, mi tchugugi akulo woi kur yima a lagi magomba kuana abo Faron amul ma Ezipte-na.

Gat ta a hat á mbàd’id’a 9:29

Hina pet pî, azi ni mang suma ang tazi djonina, ni suma ang buzuguzï woi avo Ezipte ki sib’ik mang nga kal teglesa ki bigang nga nga zid’a kang akulo zid’ina.