Buzuk ka Abud’a 6:3 - Bible azumeina

³ An nde tan ndei ir Abraham, ir Isak, ir Jakob ni ki simiyên ma ala Alo ma ad’engêm kal petna na, wani a we nga simiyên ma ala Ma didina na d’i.

Buzuk ka Abud’a 6:3 ပူးပေါင်းရင်းမြစ်များ

Ad’u Tinda 13:18

Ata yi máma Abram mi hô zlub’u mamba, mba mi kak ad’u agu ma nglona hi Mamre ma nga Hebron-na, mi min yima ngal ahle suma ngat buzuna mi Ma didina kua.

Ad’u Tinda 17:1

Kid’a Abram bizam ndak dok zlengâ yam zlengîd’a, Ma didina mi nde tam mbei iramu, mi dum ala: An nAlo ma ad’engên kal petna; ang tit avoron d’ingêr ndak memet.

Ad’u Tinda 22:14

Abraham mi yi yi máma ala Ma didina nga mi he. Kayam ndata gak ini suma a nga dala: Ni yam ahinad’a hi Ma didinid’a ba, mam mba mi he.

Ad’u Tinda 28:3

Ar Alo ma ad’engêm kal petna mi b’e vunam kangû, ang vut grona ablaud’a, ang zul ndjondjoî, kayam ang mbut nandjaf ma ngolâ.

Ad’u Tinda 35:11

Mi dum kua ala: An nAlo ma ad’engên kal petna; ang vud’a, andjavang zul ngola; andjaf suma kablaud’a hi sumid’a a mba buzugï ni kurungû, amuleina a mba buzugï ni kurung mi.

Ad’u Tinda 48:3

Jakob mi de mi Josef ala: Alo ma ad’engêm kal petna, mi nde tam mbei iran avo Lus kur ambas sa Kanan-nda, mi b’e vunam kanu,

Sawal la giled’a 68:4

Wani suma d’ingêrâ a le furîd’a, a aî avok Alona, a nga lü ndjongâ ki hur ma hapma mi.

Sawal la giled’a 83:18

Ar azi mbut zulona, ar azi mbut mandarâ ki irazi fafat, ar a mang ngei avun nga hur mazina, ar a dap pei mi.

Buzuk ka Abud’a 15:3

Ma didina ni ma gangrang ma dur ayîna, simiyêm Ma didina mi ndaga.

Buzuk ka Abud’a 23:21

Agi gologi tagi djivi avoromu, agi humum vunamu, agi som vunam mbi, kayam mam mba mi vat hurum mbei yam tcho magid’a d’i. Kayam mam le sunda ni ki simiyên anu.

Buzuk ka Abud’a 3:14

Alona mi de mi Moise ala: AN NI MA NGA NA. Mi dum kua ala: Wana ni zla d’a ang mba hulongôt ded’a mi Israel-lîd’a: Ma yi tam ala AN NGA na, mi sununï gevegi ni mamu.

Isai 42:8

An ni Ma didina. Wana ni simiyênu! An mba ni he subur manda malo ma ding ngi, an mba ni ar hu manda mi fileina d’uo mi.

Isai 44:6

Ma didina amulâ hi Israel-lâ ma mi wurak kazi ma ad’engêm kal petna, mi dala: An tu ni Ma avo’â, an ni Ma danana. Alo ma ding nga woi keng vam mbi.

Jeremi 16:21

Ma didina mi dala: Ki tchetchem wanda, an mba ni tagazi ad’eng manda ki sib’ik manda. Ata yi máma azi mba wala simiyên ala Ma didina.

Jeremi 33:2

An Ma didin ma landagad’a ni minit ni tinit ma a yan ala Ma didina na, an nga ni dangû:

Ezekiyel 20:5

Ang dazi ala: Salad’a Ma didina mi dala: Kur bur ma adjeuna an man Israel-lâ, an hlabon akulo ni gun tan mandjafâ hi Jakob-ma, an tagazi tan ndei yam ambas sa Ezipte-d’a. An hlabon akulo ni gunuzi tan ala: An ni Ma didina Alo magina.

Ezekiyel 37:13

Agi sum mana, fata an mal vun asu magid’a woi ni buzugugï woi akulo kur asu magid’id’a, agi mba wagi ala an ni Ma didina.

Ezekiyel 37:6

An mba ni mba ki sideina atangû, an mba sang hliwingû, an mba ni zlubung babaka atangû, an mba ni hang muzu’â, ang mba zlit akulo, ang mba wala an ni Ma didina.

Jean 8:58

Jesus mi dazi ala: Gagazi, an nga ni dagiya, avok bei a vut Abraham-mba, an nga.

Vama ndum mbeina 1:4

An Jean nga ni b’ir mbaktumba mi agi Tok ka kid’iziya d’a kur ambas sa Asi-d’id’a. Alo ma nga na, ma nga adjeu deina, ma nga mi mbana azi ki muzuk mam ma kid’iziya ma nga avok zlam mba amulina zlapa ki Jesus Christ ma glangâs ma d’engzengâ, ni Gor ma a vud’um avok ma tchol akulo avok kikidji aduk suma matna karid’ina, mam mi amul ma kal teglesâ hamulei suma yam andagad’ina, a vagi sumad’a ki b’leng nga halasa. Christ ni ma le keina, ni ma pad’ei woi kur tcho meid’a ki buzuwama.

Wana ni mbaktum mba a b’irit yam Rut-ta 1:20

Ti dazi ala: Ar agi yan ala Naomi d’uo d’a, wani agi yan ala Mara, kayam nAlo ma ad’engêm kal petna ba, mi tinin hat hur ma ngolâ kanu.