Buzuk ka Abud’a 40:34 - Bible azumeina

³⁴ Ata yi máma d’ugula oî kur zlub’u d’a ngaf ta d’a a tinit irat vata, subura hi Ma didinid’a ti oî kurut mi.

Buzuk ka Abud’a 40:34 ပူးပေါင်းရင်းမြစ်များ

2 Samuel 7:6

Kid’a an yoï Israel-lâ woi kur ambas sa Ezipte-d’a deid’a, an nga bei kak kur gonga tua. An tid’ï ni kur zlub’u d’a baru d’a a vat kabo agunid’a.

2 Sunda Hamuleinid’a 5:13

Suma bu aduveina ki suma hle sawala, a tok tu á gile Ma didina, a subur Ma didina kaduveina ki tchigiyeud’a kahle suma bu suma dingâ teteng. A nga gile Ma didina kayam mam mi sama djivina, kayam o mamba nga d’i dap pi. Ata yi máma d’ugula ti oî hur gonga, gong nga kud’ora hi Ma didinid’a.

2 Sunda Hamuleinid’a 7:2

Suma ngat buzuna a fe nga lovota á kal kur gong nga kud’ora hi Ma didinid’a d’i, kayam subura hi Ma didinid’a ti oî hur gong mamba.

Sawal la giled’a 26:8

Ma didina, hurun ve yima ang nga kaka kuana, yima subur manga nga kuana mi.

Buzuk ka Abud’a 14:24

Ki yorogo tcholola, Ma didin ma nga aduk d’ugul la aku d’a nga tchola gongzongina, mi gol kangâ hi Ezipte-na, mi mbud’um batuwak.

Buzuk ka Abud’a 16:10

Kid’a Aron nga mi de zlad’a mablaud’a hi Israel-lîd’a tua d’a, a mbut irazi abo ma hur fulîna. Gol wani, subura hi Ma didinid’a ti ndeï woi kur d’ugula.

Buzuk ka Abud’a 25:8

Azi minin zlub’u d’a kud’ora tala an kak adigaziya d’a.

Buzuk ka Abud’a 29:43

Ni kua ba, an mba ni ngaf ki Israel-lâ; yi máma mba mi mbut ni yima a tinim iram vama abo wile man nda wiwilika.

Buzuk ka Abud’a 33:9

Ata yima Moise mi kal kur zlub’ud’ina, d’ugul la tchola gongzonga mba d’i duk vun zlub’ud’a b’eb’et. Ma didina mi de zlad’a ki Moise.

Isai 57:15

Ma sä akulo ma kal tegles ma nga kaka gak didin ma simiyêm ala Ma bei tchod’a ba na na, mi dala: An nga ni kaka ata yima sä akulo dei ma didina ata yima an tinim iram vama. Wani an nga ki sama hurum b’lak ma mi hulong yam kä á b’leng hur suma a hulong yazi kä lulumana, á b’leng hur suma huruzi mi b’la’â mi.

Isai 6:4

Agu ma vun gongina mi yir abo delezi d’a de zlad’a, andosâ mi rip kur gonga ririp.

Ezekiyel 10:4

Subura hi Ma didinid’a ti ndeï woi akulo yam tcherebêna, ti i irat avun yima kala hi gong nga kud’ora hAlonid’ina. Gonga ti oî ki d’ugula, subura hi Ma didinid’a wile mata ti oî hur atranga mi.

Sunda hi suma hi Levi-nid’a 16:2

Ma didina mi de mi Moise ala: Ang i de mi wiyengâ Aron, ar mi kal ata yima a tinim iram vam ma kal tegles ma nga bugol baru d’a ka ira ma nga avok yima we hohou ma nga akulo yam zandu’îna teteu tala mi mit tuo d’a. Kayam an mba ni nde woi kur d’ugula yam yima we hohou ma nga akulo yam zandu’îna.

Wana ni mbaktumba hi Aze-d’a 2:7

An mba ni mbut andjaf suma pet batuwak; ahle mazi suma ndjondjoîna pet a mba mba ki sed’ezi ka hî, an mba ni subur gong nga kud’or ra wanda.

Wana ni mbaktumba hi Aze-d’a 2:9

Ni kayam ndata ba, subura hi gong nga danandid’a mba d’i kal la avoka. Ni kur yima wana ba, an mba ni hagi b’leng nga halasa. Wana ni zla d’a an Ma didin ma ad’engên kal petna ni data.

Ndumba 7:89

Ata yima Moise mi kal kur zlub’u d’a ngaf tad’a á de zlad’a ki Ma didinina, mi hum del la nga d’i dum zlad’a ei akulo yam yima we hohou suma ma nga tinda yam zandu’â hAlonina aduk tcherebêna mbà, ti dum zlad’a mi.

Romê-na 9:4

Azi nandjafâ hi Israel-lâ. Alona mi mbud’uzi groma, mi kak adigazi kur subur mamba, mi djin vunam ki sed’eziya, mi hazi gat mamba, mi tagazi lovot ta kud’uromba, azi ve vun ma hled’a hAlonina mi.

Vama ndum mbeina 15:8

Andosâ nga oîd’a kur gong nga kud’ora hAlonid’a ki subura kad’enga hAlonid’a. Sana mi ndak á kal kur gong ndata d’i, gak tugud’ei d’a tcho d’a kid’iziya d’a malaikana vat abozid’a ti dap tua.

Vama ndum mbeina 21:3

An hum del la ngola ti tcholï akulo ata yima zlam mba amula ti dala: Ki tchetchemba, yima kaka hAlonina mi nga aduk suma, mba mi kak ki sed’eziya, azi mba mbut sum mama. Alona tamba mba mi kak ki sed’eziya, mam mba arî Alo mazina.