Buzuk ka Abud’a 4:8 - Bible azumeina

⁸ Ma didina mi dum kua ala: Le a he nga gagazid’a kang nguo, le a hum nga zla manga yam vama simat ma avo’â d’uo mi ni, a mba he gagazid’a yam vama simat ma mbàna.

Buzuk ka Abud’a 4:8 ပူးပေါင်းရင်းမြစ်များ

2 Amuleina 5:7

Ata yima amul ma Israel-lâ mi dap mbaktum ndata ndumba dapma, mi haû baru mama woyo, mi er ad’um akulo ala: An nAlona ba, ni tchi sana kat mi, ni hulong zlid’im mi zu? Gola! Amul ma Siri-na mi sununï sana ka wana ala an yagam libi mama woyo! Agi wagi zla d’a sa máma mi halan ki sed’eta.

Wana ni mbaktumba hi Job-pa 5:18

Alona ni ma le sana ndaka, mi hulong mi sud’uma; ni ma ka sana mbilâ, mi hulong tchilim abom melâ mi.

Buzuk ka Abud’a 4:28

Moise mi väd’u zla d’a pet ta Ma didin ma sunuma mi dumzid’a mi Aron, kahle suma yoyou suma mi hum vuna kazi á led’ina pet mi.

Buzuk ka Abud’a 4:7

Mi dum kua ala: Ang tin abong didigang kua. Mi hulong mi tin abom didigamu. Bugol mi hlum mbeyo; abom hulong mbut blangâm ma adjeuna!

Buzuk ka Abud’a 4:9

Le a he nga gagazid’a kang nguo, le a hum nga zla manga yam ahle suma simat suma mbà ndazina d’uo mi ni, ang gul mbiyo ma kur alumina, ang vom kä yam andagad’a; mbiyo ma ang gulumî kur aluma máma mba mi mbut buzuna.

Isai 28:10

Vun ma hed’a yam ndram vun ma hed’a, vun ma hed’a yam ndram vun ma hed’a; gata yam ndrat gata, gata yam ndrat gata; ka hî nde, sä hî nde mi.

Jean 12:37

Mi lazi ahle suma ndandalâ ngola hina pî, a he nga gagazid’a kam mbi.

Gat ta a hat á mbàd’id’a 32:39

Ki tchetchemba, agi wagi woi ala ni an tu ba nAlona. Alo ma ding nga ki sed’en ndi. Ni an ba ni tchi sana; ni an ba ni ar sana karid’a; ni an ba ni ka sana mbilâ; ni an ba ni tchilim mbilim mi. Sama ndak á prut sana woi abona nga d’i.

Suma ka sariyad’a 6:17

Zedeyon mi hulong dum ala: Le ang wan hohowonu ni, ang tagan vama tak mala ni ang ba, nga dan zlad’a na.