Buzuk ka Abud’a 4:31 - Bible azumeina

³¹ Sum ndazina a he gagazid’a, a wala Ma didina mi mba wa gevezi á ndjunuziya, mi wazi wa ndak mazid’a. A tchuk guguvazi kä, a kud’uromu.

Buzuk ka Abud’a 4:31 ပူးပေါင်းရင်းမြစ်များ

Ad’u Tinda 17:3

Abram mi ge tam kä ki iram andaga avoromu. Alona mi hulong dum ala:

Ad’u Tinda 24:26

Sa máma mi grif kä avok Ma didina, mi kud’uromu,

Ad’u Tinda 29:32

Lea ti ve wirâ, ti vut gor mandjufâ, ti yum ala Ruben, kayam ti dala: Ma didina mi we las manda; ki tchetchemba, ndjuvun mba mi le kanu.

Ad’u Tinda 50:24

Josef mi de mi b’oziyoma ala: An nga ni mit ni mid’a; wani gagazi, Alona mba mi mba á ndjunugiya, mba mi yogi woi ka hî á hulongôgi kur ambas sa mam hle vunam kat ki gun tad’a mi Abraham, mi Isak ki Jakob-pa.

1 Sunda Hamuleinid’a 29:20

Ata yi máma David mi de mablaud’a kua ala: Ki tchetchemba, agi lagi mersi mAlo magina! Ablau d’a peta a le mersi mi Ma didina Alona habuyozi ngolona, a hud’o kä, a grif kä andaga avok Ma didina, avok amulâ David mi.

2 Sunda Hamuleinid’a 20:18

Josafat mi grif kä ki iram andaga, suma Juda-na pet ki suma Jerusalem-ma a grif kä avok Ma didina á kud’urom mi.

2 Sunda Hamuleinid’a 32:8

Suma a nga ki sed’ema a ni suma hawa, wani ma nga ki sed’eina ni Ma didina Alo meina. Ni mam ba, mba mi ndjuni kur ayî ma durâ. Ablau suma pet a he gagazid’a yam zla d’a Ezekiyas amul ma Juda-na mi data mi.

2 Sunda Hamuleinid’a 7:3

Israel-lâ pet a waku d’a tcholï akulod’a ki subura hi Ma didina d’a yam gongid’a, a hud’o kä, a grif kä ki irazi andaga hur gonga, a kud’or Ma didina, a gilem ala: Mam mi Ma djivina. O mamba nga d’i dap pi.

Nehemi 8:6

Esdras mi subur Ma didina Alo ma ngolâ. Suma pet a yo abozi akulo, a hulong humba ala: Amin! Amin! A tchok yazi kä, a kud’or Ma didina ki irazi kulupa kä andaga.

Wana ni mbaktumba hi Job-pa 1:20

Ata yi máma Job mi tchol akulo, mi haû baru mam mba ngola woi atamu, mi kar yam mbei karb’ahl, mi ge tam kä andaga mi grif kä,

Buzuk ka Abud’a 12:27

agi hulong dazi ala: Ni vun til ma Pak ma a ngat buzuna á he ngola mi Ma didin ma kal yam azina hi Israel-lâ avo Ezipte-na. Ata yi máma mi tchi Ezipte-na, mi ngomomi amiya. Ata yi máma Israel-lâ a grif kä andaga a kud’or Ma didina.

Buzuk ka Abud’a 14:31

Israel-lâ a wad’enga hi Ma didina d’a mi dur ki Ezipte-na kazid’a, a ring mandara Ma didina, a he gagazid’a yam Ma didina kazong mama Moise mi.

Buzuk ka Abud’a 19:8

Israel-lâ ki zla tazi pet a hulong dum ala: Ami mba lami ahlena pet suma Ma didina mi de kazina. Moise mi hulong zla d’a ded’a hi Israel-lîd’a mi Ma didina mi.

Buzuk ka Abud’a 19:9

Ma didina mi de mi Moise ala: Anu, an nga ni mbeï geveng aduk d’ugul la wura d’a i’îlika, kayambala, ata yima an dang zlad’ina, ablaud’a pî a huma, a tin huruzi kang mi d’a. Moise mi hulong zla d’a ded’a hi Israel-lîd’a mi Ma didina kua.

Buzuk ka Abud’a 2:25

Alona mi we Israel-lâ, mi djib’er kaziya.

Buzuk ka Abud’a 3:16

Ang i tok suma nglo suma Israel-lâ, ang dazi ala: Ma didina, Alona habuyogi ma nde tam mbei irana, Alona hi Abraham-ma, Alona hi Isa’â, Alona hi Jakob-ma, mi dan ala: An mba á ndjunugi gagazi, kayam an wahle suma suma a nga lagizi avo Ezipte-na.

Buzuk ka Abud’a 3:18

Azi mba humungû. Ang dazi kua ala: Mi dan kua ala: Ang ki nglo suma Israel-lâ, agi igi gen amul ma Ezipte-na, agi dum ala: Ma didina, Alona hi Hebre-na, mi nde tam mbei iramiya. Ki tchetchemba, ang arami lovota ami i tid’imi burâ hindi abagei hur fulâ á hahle suma ngat buzuna mi Ma didina Alo mamina.

Buzuk ka Abud’a 3:7

Mi dum kua ala: An we djop vuna hi man suma avo Ezipte-na, an hum tchi mazi ma abo suma a nga djobozi vunazina, kayam an we ta mazi d’a ted’a.

Buzuk ka Abud’a 33:10

Suma pet a we d’ugul la tchola gongzong nga nga duka avun zlub’ud’a b’eb’eta. Ata yi máma suma pet a tchol akulo, nge nge pî mi grif kä avun zlub’u mamba, mi kud’or Alona.

Buzuk ka Abud’a 34:8

Moise mi grif kä atogo zak, mi kud’or Ma didina.

Buzuk ka Abud’a 4:5

Ma didina mi dum kua ala: Ang i le hina, wani azi mba he gagazid’a kang ala an Ma didina Alona habuyozi ngolona, Alona hi Abraham-ma, Alona hi Isa’â, Alona hi Jakob-ma, ni nde tan ndei irangû.

Sofoni 2:7

Vun alum máma mba mi arî mandjafâ hi Juda ma arâ, ni kua ba, a mba pol d’uwar mazina, a mba tuk tazi fladege kur azì ma Askalon-na, kayam Ma didina Alo mazina mba mi mar kazi d’i, mba mi yozï woi kur magomba.

Wana ni Zla d’a Djivi d’a Luc mi b’irita 1:68

Ar ei gileigi Ma didina Alona hi Israel-lîna, kayam mi djib’er yam sum mama á wurak kaziya.

Wana ni Zla d’a Djivi d’a Luc mi b’irita 8:13

Andjaf ma mi nde ata yima alakina ni suma a hum zlad’a, azi vat ki furîd’a, wani sidiyezi mi i nga kä ngol luo na. Azi he gagazid’a, a le burâ tcha. Ata yima kuka mbana, azi ar zlad’a hAlonid’a woyo.

Wana ni mbaktum mba a b’irit yam Rut-ta 1:6

Naomi ti hum sä Mowap ala: Ma didina mi we wa hohowa sum mama, mi hazi wa tena ngola mi. Ata yi máma ti min tat á hulong yam ambas mata kakuniyôtna.