Buzuk ka Abud’a 4:22 - Bible azumeina

²² Ang i de mi Faron ala: Ma didina mi dala: Israel ni gorona, ni goron ma ngolâ.

Buzuk ka Abud’a 4:22 ပူးပေါင်းရင်းမြစ်များ

Sawal la giled’a 89:27

Mam mba mi yan ala: Angî abunu! Alo mana, angî ahina d’a sud’unda!

Buzuk ka Abud’a 6:11

Ang i de mi Faron amul ma Ezipte-na ala mi ar Israel-lâ a buzuk kei yam ambas mamba.

Buzuk ka Abud’a 7:16

Ang de mi Faron ala: Ma didina Alona hi Hebre-nina mi sununï geveng ala an dangû: Ang ar sum mama a iya, kayam a kud’urom abagei hur fulâ. Wani gak ini ang hum nga d’i.

Isai 63:16

Kayam angî Abumiya. Abraham mi wami nga d’i, Israel ko mi wami nga d’ala ami ni na d’a d’uo mi. Ni ang Ma didina tu ba, nAbumiya, ni ang ma yang kad’u tinda dedei ala Mami ma sutä na.

Isai 64:8

Ma didina, ar hurung zal kal lei kang ngi, ar ang djib’er yam tcho mamid’a teteu d’uo mi. Ar ang wami ala ami pet ni sum mangâ.

Jeremi 2:14

Na ni Israel-lâ a ni magumeina zu? A vud’uzi ni kur magomba hina zu? Ni kayam me ba, a mbut vama hurumba mi suma ge?

Jeremi 31:9

Azi mba mba ki tchina. An mba ni b’lengêzi huruziya, an mba ni i ki sed’ezi avun toliyon nda mbina ki lovot ta papana d’a azi mba puk kä kua d’uo d’a. Kayam an ni Israel Abumu, Efraim ni goron ma ngolâ mi.

Wana ni mbaktumba hi Oze-d’a 11:1

Ata yima Israel mi gogora tua na, an le kamu, an yi gorona woi kur Ezipte.

Malatchi 1:6

Ma didin ma ad’engêm kal petna, mi de mi suma ngat buzuna ala: Gorâ nga mi hu abumu, azongâ nga mi hu salama mi. Wani le an nabugiya ni, hu manda nara mi ge? Le an ni Salagina ni, ge yam mba kä avoronda nga ni lara? Agi nga lazan simiyênu, wani agi nga dagi ala: Ami nga lazang simiyêngî ki me ge?

Matiye 2:15

Mi kak sä kua gak matna hi Herot-na, kayam zla d’a Salad’a mi dat avun mam ma djok vuna d’a ala: An yi gorona woi kur Ezipte d’a, ti ndak memet.

Romê-na 9:4

Azi nandjafâ hi Israel-lâ. Alona mi mbud’uzi groma, mi kak adigazi kur subur mamba, mi djin vunam ki sed’eziya, mi hazi gat mamba, mi tagazi lovot ta kud’uromba, azi ve vun ma hled’a hAlonina mi.

2 Korente-na 6:18

Ma didin ma ad’engêm kal petna mi dala: An mba ni ka’î Abugiya, agi mba kagagi gron suma andjofâ ki gron suma aropma mi.

Gat ta a hat á mbàd’id’a 14:1

Moise mi de kua ala: Agi ni Ma didina Alo magina groma, agi ngad’agi tagi kahle suma sïna d’oze welegi yagi woi yam mat ma tchid’a d’i.

Gat ta a hat á mbàd’id’a 32:6

Agi suma lilid’a, agi suma bei wad’ud’a, ni hina ba, agi tid’igi avok Ma didina zu? Mi nga nabugi ma lagina d’uo zu? Ni mam ba, mi lagi mi siragi mi d’uo zu?

Hebre-na 12:23

Agi mbagi go ki Tok ka furîd’a hAlona grom suma a vut avok suma simiyêzi sä b’ira akulona. Agi mbagi go gen Alo ma ka sariyad’a yam suma petna ki muzu’â hi suma d’ingêr suma a bo suma Alona mi mbud’uzi ndak memetna.

Jacques 1:18

Kur min mamba mi hei arid’a yam zla mam mba gagazid’a, kayam ei mbud’i suma avo’â hahle suma mam lazina pet.