Buzuk ka Abud’a 38:21 - Bible azumeina

²¹ Moise mi he vuna á ndum lora ki kawei ma hapma ki kawei ma hleuna. Nahle suma a le ki suna zlub’u d’a ngaf ta d’a a nga ngom zanduk ma a ngom vun ma djinda hAlonina kuana mi nga kuad’a. Suma hi Levi-na a ndumuzi ni azi ad’u vun ma hed’a hi Itamar ma ngat buzuna Aron goroma.

Buzuk ka Abud’a 38:21 ပူးပေါင်းရင်းမြစ်များ

1 Sunda Hamuleinid’a 6:3

Amram groma ba wana: Aron, Moise ki Miriyam. Aron groma ba wana: Nadap, Abihu, Elazar ki Itamar.

2 Sunda Hamuleinid’a 24:6

Amulâ mi yi ma ngol ma ngat buzuna Jehojada, mi dum ala: Ni kayam me ba, ang nga de mi suma hi Levi-na á i ve beged’a abo suma Juda-na ki suma Jerusalem-ma d’uo ge? Ni bege d’a Moise azongâ hi Ma didinina mi ngat yam ablaud’a hi Israel-lîd’a á min ki zlub’u d’a zandu’â hi Ma didinina nga kuad’a d’uo zu?

Wana ni mbaktumba hi Job-pa 11:4

Ang nga de mAlona ala: An ni ma bei zlad’a kana, an ni ma yed’etna avorongû!

Wana ni mbaktumba hi Job-pa 22:23

Le ang hulongî gen Ma ad’engêm kal petna, le ang wal tchod’a woi ki zlub’u manga deyu ni, ang mba hulong ata yang ma avo’â.

Wana ni mbaktumba hi Job-pa 26:1

Job mi de kua ala:

Sawal la giled’a 15:1

Ni sawal la David mi hlata. Ma didina, ni nge ba, mi ndak á kal kur gong manga ge? Ni nge ba, mi ndak á kak yam ahina mang nga ang tinit irat vata ge?

Buzuk ka Abud’a 25:16

Ang tchuk ahina d’a bebed’e d’a tchet ta mbà d’a an mba ni hangzi d’a an b’ir vun man ma djinda kuad’a kä kur zanduk máma.

Buzuk ka Abud’a 26:33

Agi djinigi baru d’a ka ir ndata kä ad’u kawei ma vunam gundina. Agi tinigi zanduk mana sä krovo bugol baru d’a ka ira. Baru ndata mba d’i wal ir yima a tinim iram vama ki yima a tinim iram vam ma kal teglesâ mi.

Buzuk ka Abud’a 38:20

Tcheble ma b’al ki zlub’u d’a ngaf tad’a kä na pet ki ma hi gulumunina pet ni kawei ma hleuna.

Buzuk ka Abud’a 38:22

Besalel Uri gorom ma Hur gorom ngolo ma ad’u andjafâ hi Juda-nina, mi lahlena pet d’igi Ma didina mi he vuna mi Moise na.

Buzuk ka Abud’a 40:3

Ang tin zanduk mana kuru, ang walam iram mbei ki baru d’a ka ira.

Buzuk ka Abud’a 6:23

Aron mi ve Eliseba Aminadap gorom mba Nason wiyembid’a. Ti vud’um Nadap, Abihu, Elazar ki Itamar.

Ndumba 1:50

Ang hazi sunda hi zlub’u d’a vun ma djinda mi nga kuad’a aboziya, kahle mat suma sunda kahle suma kurutna pet. Azi yo zlub’ud’a kahle suma kurutna pet, azi lat sunut ni aziya, azi nguyut ki kang mazina mi.

Ndumba 1:53

Wani suma hi Levi-na a ngui zlub’u d’a vun ma djinda nga kuad’a ki kang mazina kayambala hurun zal yam ablaud’a hi Israel-lîd’a d’uo d’a. Suma hi Levi-na a ngom zlub’u ndata.

Ndumba 10:11

Kur bur ma dok mbàna hi til ma mbàna ma kur biza d’a mbà d’a azi buzugï woi kur Ezipte-d’ina, d’ugula tan ndei yam zlub’u d’a zandu’â hAlonina mi nga kuad’a.

Ndumba 18:2

Ang mba hud’ï b’oziyong suma hi Levi suma ad’u andjafâ habungâ, kayam azi kak ki sed’eng á ndjunung ata yima agi ki grongâ agi mba igi avun zlub’u d’a zanduk mana nga kuad’ina.

Ndumba 24:5

Agi Israel-lâ, zlub’u magid’a ti ni djif heî, agi andjafâ hi Jakob-ma, yi magi ma kaka mi ni djif heî mi.

Ndumba 9:15

Kur bur ma a ve zlub’u d’a ngaf tad’a akulona, d’ugula ti kulubut yat b’eb’et. Ti nga kat d’igi akud’a na ki fladeged’a dei gak tcha yorogo.

Matiye 17:4

Pierre mi hulong de mi Jesus ala: Salamina, djivid’a ei kagei ka hî. Le ang mina ni, an mba ni ve zlub’ud’a hindi, tu kangû, tu yam Moise, tu yam Elie mi.

Sunda hi suma a sunuzinid’a 7:44

Abuyoi ngolo a nga ki zlub’ud’a á le glangâsâ yam Alona hur fulâ. Azi minit ni d’igi Alona mi de mi Moise na ala: Ang le dedege d’igi vama ang wuma na.

2 Korente-na 5:1

Ami wami ala le zlub’u mami d’a yam andaga d’a ka hid’a ti b’lak keyo ni, Alona nga mi ngomomi yami ma kak ma sä akulona, ni ma mam tam minima, ni ma mba mi kak didina, ni ma sa mi minima d’i.

Hebre-na 8:2

Nga mi le sun nda ngat buzuna ata yima Alona mi tinim iram vam ma kal teglesâ, nala, zlub’u d’a gagazi d’a Salad’a mi minita, nga ni sana d’i.

Hebre-na 9:11

Wani Christ mi mba d’igi ma ngol ma ngat buzuna hahle suma djivi suma a mba wa da na na. Zlub’u d’a mam nga mi le sun mam mba djivi d’a kal teglesa kuad’a, ni d’a bei sana mi minit kabomba, nala, ni vama yam andagad’a ka hina d’i.

2 Pierre 1:13

An djib’er ala ni vama djivina á zlid’igi á gagi humagi teteu kid’a an nga ki iran tua d’a.

Vama ndum mbeina 11:19

Ata yi máma, a mal vun gong nga kud’ora hAlona d’a akulod’a woyo, a we zanduk ma vun ma djinda hAlonina mi nga tinda kur gong mamba. Ata yi máma, alona mi wile, dela ti de zlad’a, alona mi breyâ, andagad’a ti yira, alona mi se mogoina ngola mi.

Vama ndum mbeina 15:5

Bugol ahle ndazina, an we vun gong nga kud’ora hAlona d’a akulod’a ti mal leyo, zlub’u d’a glangâsa hAlonid’a ti nga kua.

Vama ndum mbeina 21:3

An hum del la ngola ti tcholï akulo ata yima zlam mba amula ti dala: Ki tchetchemba, yima kaka hAlonina mi nga aduk suma, mba mi kak ki sed’eziya, azi mba mbut sum mama. Alona tamba mba mi kak ki sed’eziya, mam mba arî Alo mazina.