Buzuk ka Abud’a 37:9 - Bible azumeina

⁹ Tcherebê suma mbà ndazina, mi tinizi gigingâzi akulo á duk yam zandu’â vunam ma duka, mi tinizi irazi ngrufa ir taziya, mi arazi irazi ped’a kä yam zandu’â vunam ma duka.

Buzuk ka Abud’a 37:9 ပူးပေါင်းရင်းမြစ်များ

Ad’u Tinda 28:12

Adïd’a nga d’i dumu, mi wägu ma djak kakulona mi nga tinda kä yam andagad’a gak yam mbi do hur alona. Malaikana hAlonina a nga djaga akulo, a nga hulongî kä ata agu máma.

Ad’u Tinda 3:24

Kid’a mi digim mbei dad’a, mi tin tcherebêna abo ma yorogona hasine ma Eden-na ki mbigeu d’a fiyak ka siyat ngal d’igi sïna akud’a na d’a á ngom lovot ta i ata agu ma he arid’ina.

1 Amuleina 6:27

Salomon mi tchol tcherebêna kur gong nga zandu’â mi nga kuad’a. Gigingâzi nga ganga woyo, kayam giging ma avo’â mi do gonga, giging ma mbàna mi do gonga abo hî mi, giging ma mbà hina, mi ngruf hur gonga d’ad’ar yam yi máma mi.

Buzuk ka Abud’a 25:20

Tcherebê suma mbà ndazina, agi tinizi gigingâzi iram akulo á duk yam zandu’â vunam ma duka, agi tinizi irazi ngrufa ir taziya, agi arazi irazi ped’a kä yam zandu’â vunam ma duka.

Buzuk ka Abud’a 37:10

Besalel mi min tabulâ kagu kasiyana; fiyagam metred’a tu, bubuwam nus metred’a, fiyagam mba akulod’a santimetred’a dok kid’iziya yam vahl mi.

Buzuk ka Abud’a 37:8

Mi tin tcherebêna tu abo hî, tu abo hî. Tcherebê suma mbà ndazina a mbut ni vama tuna ki zandu’â vunam ma duka.

Isai 6:2

Serafêna a nga tchola kam akulo. Ma lara pî, mi nga ki gigingâ karagaya karagaya, mbà á zlup iraziya, mbà á zlup aseziya, mbà á pir ki mi.

Jean 1:51

Jesus mi dazi kua ala: Gagazi, an nga ni dagiya, agi mba wagi akulod’a mal leyo, malaikana hAlonina a nga djagï akulo a mba hulongî kä kan an Gor Sana mi.

2 Korente-na 3:18

Wani ei suma a yoi baru d’a ka ira woi ireina, ei nga golei subura hi Ma didinid’a, ni d’igi sana mi gol iram kur kotroma na. Muzu’â hi Ma didinina nga mi mbud’i dedege d’igi Ma didina na kur subura kam kua kam kua kala.

Efes-sâ 3:10

wani ki tchetchemba, yam Toka, suma te yamba ki suma ad’eng suma sä akulona a we ne d’a tetenga hAlonid’a.

Filip-ma 3:8

An gol ahle ndazina pet ni d’igi vama hawana na, wani vama djivi ma kal tegles ma an halama ná we Jesus Christ Salana, mam ma an ar ahlena woi pet kama. An gol ahle ndazina pet ni d’igi siligitna na á fe Christ,

1 Timote 3:16

Gagazi, sama ndak á tchi tuguyod’a yam zla d’a muduri d’a ngola hAlona d’a ei tini huri kata nga d’i: Mi nde tam mbei d’igi sana na, Muzu’â hAlonina mi tagam mbei ala ni Ma d’ingêrâ, malaikana a wum mi. Suma a tchum walam mbei aduk andjaf suma dingâ, a hum gagazid’a kur duniyad’a ka hî, Alona mi hlum sä akulo ata yima subura mi.

Hebre-na 1:14

Malaikana pet ni muzuk ma le sunda mAlona, azi ni suma Alona mi sunuzi á ndjun suma a mba fe sutina d’uo zu?

1 Pierre 1:12

Alona mi tak mam suma djok vuna ala sun nda azi nga lata ni kayam azi tazid’a d’i, wani ni yam agiya. Wani ki tchetchemba, agi humugi ahle ndazina nata suma a tchagi wal Zla d’a Djivid’a yam ad’enga hi Muzuk ma bei tchod’a ba ma sunumï akulona. Malaikana pî a min ngola á wäd’u ahle ndazina mi.