Buzuk ka Abud’a 32:4 - Bible azumeina

⁴ Mi ve ngangam ma lora aboziya, mi yoromu, mi minim gor amuhlâ. Ata yi máma Israel-lâ a er ad’uzi akulo ala: Gol alo mei ma pad’eï woi kur ambas sa Ezipte-d’ina ba wana!

Buzuk ka Abud’a 32:4 ပူးပေါင်းရင်းမြစ်များ

1 Amuleina 12:28

Ata yi máma amulâ Jerobowam mi hal djib’er ra dinga, mi yor lora gro amuzleina mbà, mi de mi sum mama ala: I d’a agi igi Jerusalem teteud’a ndagagi da’. Gola! Agi Israel-lâ, alo magi ma buzugugï woi kur Ezipte-na ba wana!

1 Amuleina 12:32

Jerobowam mi le vun tilâ kur bur ma dogo yam vahlâ hi til ma klavandina d’igi vun til ma a lum avo Juda-na na. Mam tamba mi hahle suma ngat buzuna yam yima ngal ahle suma ngat buzuna. Wana ni vama a lum avo Betel-lâ, a hahle suma ngat buzuna mamuzlei suma a yorozina. Mi tin suma ngat buzu suma ding suma mam manazina ata yima nding ma mam minima.

2 Amuleina 10:20

Jehu mi he vuna ala: Agi gagi tok ka djivid’a á läd’u Bäl. Azi yi suma,

2 Amuleina 10:29

Wan pî, Jehu mi wal nga ki tcho d’a Jerobowam Nebat goroma mi lat mi zut ki Israel-lâ á le tchod’a á kud’or amuhl ma lor ma avo Betel ki Dan-nid’a woi d’i.

2 Sunda Hamuleinid’a 11:15

Jerobowam mi man suma ngat buzuna á kud’or alo ma hawa yak ma hle tam d’igi mbekmberena d’oze amuhlâ na ma mam tinim iram vam ata yima ndingîna.

2 Sunda Hamuleinid’a 13:8

Ki tchetchemba, agi djib’eregi ala agi hlagi leu d’a Ma didina mi hat mi David andjavamba, agi yogi azigarâ ablaud’a, agi nga kamuhl ma lor ma Jerobowam mi yorogizi d’igi alona na na mi.

Nehemi 9:18

Ata yima a yor kaweina gor amuhlîna, a dala: Wana nalo mei ma buzugi woi avo Ezipte-na, a ngulung ngola heî.

Buzuk ka Abud’a 20:2

An ni Ma didina Alo mang ma pad’angî woi kur ambas sa Ezipte-d’a ata yima a lang magomba kuana.

Buzuk ka Abud’a 20:23

Ar agi yorogi vama kawei ma hap poze vama lora á mbud’um alo ma dingâ á kud’urom zlapa ki an tu d’i.

Buzuk ka Abud’a 20:4

Ar ang tchet vama hle tam ki vama akulona d’oze ki vama yam andagad’ina d’oze ki vama aduk mbina kä ad’u andagad’ina d’i.

Buzuk ka Abud’a 28:11

Agi b’irigi simiyê Israel groma kur ahina d’a mbà ndata d’igi sana mi b’ir simiyêm kur tampong mama na, agi lagi vama b’alat ki yatna ni ki lora.

Buzuk ka Abud’a 28:9

Agi yogi ahina onisa mbà, agi b’irigi simiyê Israel groma kua,

Buzuk ka Abud’a 32:1

Ata yima Israel-lâ a wala Moise yam sä d’i vakulo yam ahinad’a tua na, a tok gen Aron, a dum ala: Ang tchol akulo, ang yoromi alo ma teteng ma mba mi tit avoromina, kayam Moise ma kol ma buzugumi woi kur ambas sa Ezipte-d’ina, ami wami nga vama luma d’i.

Buzuk ka Abud’a 32:24

An dazi ala: Suma a nga ki lora humazina a pad’andjïya. A handjiya, an tchugut akua, amuhlâ nde wana!

Buzuk ka Abud’a 32:3

Israel-lâ ki zla tazi pet a pad’ï ngangam ma humazina, a mbam mi Aron.

Buzuk ka Abud’a 32:35

Ma didina mi ngop Israel-lâ, kayam azi orom Aron ala mi yorozi gor amuhlâ.

Buzuk ka Abud’a 32:5

Ata yima Aron mi we hina na, mi min yima ngal ahle suma ngat buzuna avok gor amuhl ma a yoroma, mi tchi wala akulo ala: Ndjivin vun til ma he ngola mi Ma didinina mi nga!

Buzuk ka Abud’a 32:7

Ata yi máma Ma didina mi de mi Moise ala: Ang tchuk aseng kä atogo, kayam mang suma ang buzuguzï woi kur ambas sa Ezipte-d’ina, a b’lak wa.

Buzuk ka Abud’a 32:8

A d’es wa woi atogo zak kur lovot ta an tagazizid’a, a yor wa gor amuhlâ, a grif wa kä avoromu, a hum wa ahle suma ngat buzuna, a dala: Gol alo mei ma pad’eï woi kur ambas sa Ezipte-d’ina ba wana!

Isai 30:22

Agi mba gologi kawei ma hap ma agi gulud’ugi ki filei maginina ki lora a gulud’um ki d’a nahle suma ndjendjed’a, agi mba durugi to mazi d’a kikizeka woi d’igi vama ndjendjed’a na, agi mba dagi kazi ala: Tchuguzi sä woi dei!

Isai 46:6

Gola! A nga tchuk lora kä woi kur bud’omei mazina, a nga nga kawei ma hapma ki kilona, a nga wurak sama le sunda, kayam mi yorozi alo ma azi grif kä avorom ma azi kud’uroma.

Ezekiyel 23:8

Ti nga d’i i avogovok ki gaulang mat ma ti tcholï ki sed’em Ezipte-na, kayam a zlap ki sed’et ni kid’a ndat ki gogorota dei, a lamat apot ni kid’a ndat ki gogorota dei, a le gaulang mazina ki sed’et mi.

Wana ni mbaktumba hi Oze-d’a 10:5

Suma Samari-na a mba le mandarâ abo gor amuhl ma yor ma Bet-Aven-na. Suma a mba yor tazi kamu, suma ngat buzuna a mba tchi kam kayam subur mamba dap pei da’.

Wana ni mbaktumba hi Oze-d’a 13:2

Ki tchetchemba, a nga le tchod’a, a nga i avogovogo, a nga yor angus ahlena ki kawei ma hapma, a nga yor fileina ki lem mazid’a pet. Ni sun nda sama d’alâ mi lat kabomba. A nga de kat ala: Ar suma a nga mba kahle suma ngat buzunina a sop vun gor amuhl ma a yorom máma.

Sunda hi suma a sunuzinid’a 17:29

Le ei nAlona groma ni, ar ei djib’erei ala Alona ni d’igi filei ma lora d’oze ma kawei ma hapma d’oze ma ahina ma sana mi tched’em kur d’al mamina na d’i.

Sunda hi suma a sunuzinid’a 7:41

Kur bur máma a yor vama d’igi gor amuhlâ na na. A mba ki vama ngat buzuna mi filei máma, a le furîd’a yam sun nda a lat kabozid’a.

1 Korente-na 10:7

Ar ei tuwalei fileina d’igi suma dingâ adigazi a le na d’i, d’igi mbaktumba hAlonid’a ti de na ala: Azi kak kä á ted’a, á tched’a. Bugola, a tchol akulo á luna.

Gat ta a hat á mbàd’id’a 9:16

An gol wani, agi lagi wa tchod’a avok Ma didina Alo magina, agi yorogiya wa gor amuhlâ, agi d’ezegi woi atogo hina zak kur lovot ta Ma didina mi tagagizid’a.

Suma ka sariyad’a 8:24

Zedeyon mi dazi kua ala: An nga ni tchenegi va tu. Ar nge nge pî adigagi mi han ngangam ma mi hurumumina tutu. Kayam suma djangûna a nga ki ngangam ma lora, kayam azi ni suma hi Ismael-lâ.

Suma ka sariyad’a 8:27

Zedeyon mi yo fileina ki ngangam ma lor máma, mi tinim kur aziyam avo Ofra. Israel-lâ pet a nga mba, a kud’or filei máma, mi mbut ni dauna yam Zedeyon ki sum mama mi.