Buzuk ka Abud’a 32:30 - Bible azumeina

³⁰ Tcha ndjivinda Moise mi de mi Israel-lâ ala: Agi lagi tcho d’a ngola. Ki tchetchemba, an nga ni djak gen Ma didina. Dam mam mba mi humunu, mba mi zlup yam tcho magid’a kla.

Buzuk ka Abud’a 32:30 ပူးပေါင်းရင်းမြစ်များ

2 Samuel 12:9

Ni kayam me ba, ang gol zlad’a hi an Ma didinid’a is ba, ang lahle suma tchona avoron nge? Ang ar suma Amon-na a tchi Uri ma Het-na avun ayîna, ang vamamba, ang gat ad’ung atchad’a.

2 Samuel 16:12

Dam Ma didina mba mi ngomon kur hohou manda, mba mi vrak djivid’a balum ge vun mam ma inina kanu.

2 Amuleina 17:21

Ata yima Ma didina mi prut leud’a hi Israel-lîd’a abo suma hi David-na woina, Israel-lâ a tin Jerobowam Nebat goroma amula. Mam walazi woi ki Ma didina, mi tinizi á le tcho d’a ngola.

Sawal la giled’a 99:6

Moise azi ki Aron a nga aduk mam suma ngat buzuna, Samuel mi nga aduk suma a yum simiyêma mi. A yi Ma didina, mi humuzi mi.

Buzuk ka Abud’a 32:29

Moise mi dazi ala: Agi tinigi wa ini tagi iragi vagi mi Ma didina, kayam nge nge pî adigagi mi ngat wiyema d’oze goroma. Kayam ndata, ar Ma didina mi b’e vunam kagi ini.

Amos 5:15

Ar agi noyôgi tchod’a woyo, agi lagi yam djivid’a, ar agi tinigi sariya d’a d’ingêra. Hina wani, dam Ma didina Alo ma ad’engêm kal petna mba mi we hohowa andjafâ hi Josef ma arâ kla.

Jonas 3:9

Ni nge mi we ge, dam Alona mba mi djok djib’er mamba kei mba mi ar ayî mama bibiliuna tala ei boi woi d’uo d’a kla ni ge?

Ndumba 16:47

Aron mi hle vama yo aku ma kaweina d’igi Moise mi dum na, mi ring aduk ablaud’a mi. Gol wani, tugud’ei d’a tcho d’a tchi matna ti tin wa ad’ud’a aduk suma da’. Mi ngal dubang ma his djivid’ina á zlup yam tchod’a hi sumid’a.

Ndumba 25:13

Vun ma djin máma mi arî kam kandjavam ma a mba vud’um bugolâ, a mba ka’î suma ngat buzuna gak didin, kayam mam tak yungôr mama woi yam an Alo mama, kayamba mi zlup yam tchod’a hi Israel-lîd’a.

Wana ni Zla d’a Djivi d’a Luc mi b’irita 15:18

An mba ni tchola, ni i gen abunu, ni dum ala: Abunu, an le tchod’a avok Alona, avogong ang mi.

Wana ni Zla d’a Djivi d’a Luc mi b’irita 7:47

Kayam ndata, an nga ni dangû, an vat wa hurun ndei yam tcho mat ta ablaud’a, kayam o mat ta ngola, wani sama an vat nga hurun ndei kam akid’eid’ina, o mamba nakid’eid’a mi.

Romê-na 9:3

An tan min ala le ni vama nda’â ni, an mbut sama vun ma ged’a hAlonina kama á wal lei ki Christ yam b’oziyon suma ala nandjavanu na.

Galat-na 3:13

Ata yima Christ mi mbut sama Alona mi gum vuna keina, mam pad’ei woi ad’u vun ma ge ma gata ti geizina. Kayam mbaktumba hAlonid’a ti dala: Sama a gabam akulo ata agunina, ni sama Alona mi gum vunina.

2 Timote 2:25

ni ma nga mi gat suma tchila yam zlad’a ki lulumad’ina, dam Alona mba mi mbud’uzi huruzi á we zla d’a gagazid’a tetet kla ge.

Jacques 5:16

Ar agi dagi tcho magid’a woi aduk tagiya, ar agi tchenegi yam tagi mi, kayam agi fagi lafiya. Tchenda hi sama d’ingêrid’a ti nga kad’enga á le sunda ngola.

1 Samuel 12:17

Ei ni kur yima ze gemena d’uo zu? An nga ni tchen Ma didina mam mba mi sunï ini alona mba mi se mi breî mi. Hina agi mba wagi ini ala agi halagi amulâ doli agi lagi ni tcho d’a ngola avok Ma didina.

1 Samuel 12:19

a de mi Samuel ala: Ang tchen Ma didina Alo mangâ yam ami azungeî mangâ, kayam ami bomi woi d’i; ami lami tcho d’a ngola yam ndrata kua, kayamba ami halami amulîd’a.

1 Samuel 12:20

Samuel mi hulong dazi ala: Agi lagi mandar ri; agi lagi tchod’a gagazi, wani ar agi walagi woi ki Ma didina d’i, ar agi lúm sunda ki hurugi pet.

1 Samuel 12:23

Wani an nga ni ve tan ad’enga ped’et á tchen Ma didina kagiya. Le d’uo ni, an le ni tchod’a avoromu. Wani an mba ni tagagi lovot ta djivi d’a d’ingêra.

1 Samuel 2:17

Ni hina ba, Eli groma a nga le tcho d’a ngola avok Ma didina, kayam azi nga b’lak he d’a hawa d’a a nga mbamzid’a.