Buzuk ka Abud’a 32:20 - Bible azumeina

²⁰ Mi hle amuhl ma a yoroma, mi gum aku mi ngalam mbeyo, mi lud’um mbei butna, mi yagam bud’um aduk mbina, mi orom Israel-lâ kad’enga ala a tche mbiyo máma.

Buzuk ka Abud’a 32:20 ပူးပေါင်းရင်းမြစ်များ

1 Amuleina 15:13

Mi pat asum ngolo Mäka woi kur amul mata, kayam ti yor fileina malo d’a a yat ala Asera-d’a. Asa mi he vuna ala a b’lak filei máma woyo, a ngalam mbei avun toliyon nda Kedron-nda.

2 Amuleina 23:15

Josiyas mi b’lak yima ngal ahle suma ngat buzuna ki yima nding ma Jerobowam Nebat goroma mi minim avo Betel á zut ki Israel-lâ á le tchod’ina woyo, mi ngal yima nding máma woyo, mi mbud’um butna, mi ngal agu ma murguli ma a pum mi Asera-na woi mi.

2 Amuleina 23:6

Mi pat agu ma murguli ma a pum malo d’a a yat ala Asera-d’a na woi kur gong nga kud’ora hi Ma didinid’a á i ngalam mbei bugol Jerusalem avun toliyon nda Kedron-nda, mi i b’lagam mbei a mired’em bud’um kä kaseziya, a yom a yagam sä woi yam asud’a hi suma houd’ina.

2 Sunda Hamuleinid’a 34:4

A to yima ngal ahle suma ngat buzuna hi Bäl-lâ ma tetengâ kä woi avoromu, mi to filei ma afat ma nga kam akulo ma tetengâ kä woyo, mi kus agu ma murguli ma teteng ma a pum malo d’a a yat ala Asera-d’a kä woi ki filei ma teteng ma a tched’ema ki filei ma kawei ma teteng ma a yoroma kä woi mi, mi tozi woi kikizek, mi mbud’uzi d’igi andaga d’a gugud’upa na, mi tchuguzi sä woi yam asud’a hi suliyozi suma a ngad’azi buzunina.

Buzuk ka Abud’a 32:21

Moise mi de mi Aron ala: Sum ndazina a langî nana ba, ang arazi a le tcho d’a ngol ndata hina ge?

Zla d’a d’ogolâ 1:31

Kayam ndata, agi mba tagi vud’a sun magid’a, agi mba hobogi ki ndjak vun magina tamba mi.

Zla d’a d’ogolâ 14:14

Sama bateina mba mi fe ndaka yam sun mamba, wani sama djivina mba mi hop kahle suma avo hatama mi.

Gat ta a hat á mbàd’id’a 7:25

Agi ngalagi filei mazi ma a tched’em d’igi alona na na woyo, agi lagi d’od’oka yam kawei ma hapma ki lor ra a gulud’uzi ki d’a tala agi yozi yo ba á mbut dau ma vigigina d’a d’i. Kayam ahle ndazina nahle suma ndjendjed’a ir Ma didina Alo magina.

Gat ta a hat á mbàd’id’a 7:5

Wana ni vama agi lum ki sed’ezina: Agi pleyêzi yi mazi ma teteng ma ngal ahle suma ngat buzuna woyo, agi togi angus ahle mazi suma tcheta woyo, agi kuzugi filei mazi ma teteng ma nga tchola avun agre’îna woyo, agi ngalazi filei mazi ma teteng ma a tched’ema woi mi.

Gat ta a hat á mbàd’id’a 9:21

An hle gor amuhl ma lor mala ni sun nda tcho d’a agi lat kabogid’a na, an ngalam mbei kakud’a, an lud’um mbei gak ni mbud’um butna, ni tchugum mbei aduk mbiyo ma nga mi djangî kä yam ahinad’ina.