Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Buzuk ka Abud’a 32:10 - Bible azumeina

10 Ki tchetchemba, an hurun zal atazi heî. Ang aran lovota, an i ni dabazi woyo, an mba ni mbud’ung andjaf ma ngolâ.

အခန်းကိုကြည့်ပါ။ ကော်ပီ




Buzuk ka Abud’a 32:10
21 ပူးပေါင်းရင်းမြစ်များ  

An mba ni zulung andjavang ngola, an mba ni b’e vunan kangû, simiyêng mba mi yï ngola; ang mba arî sedeî b’e vuna.


Ma didina mi dala mi dabazi woyo; ni Moise ma mam manama hol ba, mi tchol avorom ir hod’ola hi gulumunid’a á d’el vun ayî mama tala mi dabazi woi d’uo d’a.


Hurun mba mi zal kagiya, an mba ni hagi woi abo suma; a mba tchagi woi avun ayî ma durâ; amiyôgina a mba ar modonod’a, grogina a mba ar hokuyod’a mi.


Wani Moise mi tchen Ma didina Alo mama ki hud’a, mi dum ala: Ma didina, ni kayam me ba, hurung zal ngola ata mang suma ang pad’azï woi kur ambas sa Ezipte-d’a kad’eng mang nga ngola ki sib’ik mangina ge?


Kid’a mi mba go ki kangîd’a, mi we amuhl ma azi yoroma ki suma a nga lü ndjongîna. Moise hurum ka woi kamas, mi tchuk ahina d’a tchet ta bebed’e d’a abomba woyo, ti to woi kä ad’u ahinad’a.


Agi igi yam ambas sa ambira ki mbul ayuma a nga sor kä kuad’a. Wani an nga ni i ki sed’egi tala an dabagi woi lovot tuo d’a, kayam agi ni suma bei hum vuna.


Ang Jeremi, ang tchenen yam sum ndazina d’i, ang tchi kan ndoze ang tchenen tchen nda hud’a kazi d’uo, kayam an mba ni humuzi ata yima ndaka mba d’i mba kazi azi mba yan á ndjunuzina d’i.


Ma didina mi dan ala: Ar ang tchenen yam sum ndazina ala an lazi djivid’a d’i.


Ma didina mi dan ala: Le Moise azi ki Samuel a mba avoron á tchenen yam sum ndazina ni azi pî, tan mba d’i lan djivid’a yam sum ndazina d’i. Ang digizi sä woi dei avoronu, arazi a iya!


Ma didina mi dala: Ang Jeremi, ar ang tchenen yam sum ndazina d’i. Ar ang mal vunang á tchi d’oze á tchenen kazi d’oze á tchenen tchen nda hud’a kazi d’uo mi, kayam an nga ni humung ngi.


Wani Israel-lâ a tchol huneîd’a ki sed’en hur fulâ. Azi tit nga yam gat manda d’i. Azi ar vun man ma hed’a woyo. Nahle sumala mbeî sana le mi le sunda kaziya ba, mi kak karid’a na. Azi mbut bur man ma sabatna ndjendjed’a ngola kala. An djib’er ala an mba ni zal hurun kazi gak ni dabazi woi hur fulâ.


An nga ni tumuzi ki tugud’ei d’a tcho d’a tchi matna ni dabazi woyo, an mba ni lang andjaf ma ngol ma kalazi kablaud’ina, ma kalazi ki sib’ikina mi.


Agi walagi tagi woi kablau sum ndazina, kayam an nga ni ngalazi woi ka tchetchem!


Moise azi ki Aron a grif kä andaga ki iraziya, a dala: Alo mamina, angî ma he arid’a mi suma petna, sama tuna mi le tchod’a ni mamu; ang hurung zal yam ablaud’a hina pet tchu?


Aran an i ni dabazi woyo, ni tchazi simiyêzi woi yam andagad’a, an mba ni lang andjaf ma kalazi ki sib’ika, ma kalazi kablaud’ina mi.


Kayam an le mandarâ yam hur ma zal ma guguluk ma Ma didina zalam kagi gak mi min dabagi woi na. Wani Ma didina mi hum tchen manda kua.


Ar agi dagi tcho magid’a woi aduk tagiya, ar agi tchenegi yam tagi mi, kayam agi fagi lafiya. Tchenda hi sama d’ingêrid’a ti nga kad’enga á le sunda ngola.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ