Buzuk ka Abud’a 30:34 - Bible azumeina

³⁴ Ma didina mi de kua ala: Ang yo mbul ma his ma afufuîna, nala, mbul estaktena, mbul onisâ ki mbul galbanuma. Ang nga dubang ma his djivid’a ma d’igila hirwiling ma kal teglesâ dedeged’a tu, ang vom kam kua.

Buzuk ka Abud’a 30:34 ပူးပေါင်းရင်းမြစ်များ

Buzuk ka Abud’a 37:29

Mi gizeî mbul ma a tinim iram vam á vom yam suma ata yima a mba tinizi ki kur sundina ki dubang ma his djivid’a ma a tinim iram vama, mi hlumum d’igi sama d’al ma yor mbulâ mi hlumum na.

Sunda hi suma hi Levi-nid’a 2:15

Ang vo mbulâ kat zlapa ki dubang ma his djivid’ina. Wana ni he d’a hawa d’a afuta.

Buzuk ka Abud’a 30:23

Agi yogi andjaf mbul ma his ma afufuî ma kal teglesâ teteng: Mir ma nga mi djang kä na kilona vahl, sinamoma kilona mbà ki nusa, kanelâ kilona mbà ki nusa,

Buzuk ka Abud’a 25:6

mbul ma yam lalambina, mbul ma his ma djivi ma a tolom aduk mbul ma a vom yam suma á tinizi ki irazi vazina ki dubang ma his djivid’a ma ngala,

Matiye 2:11

Ata yima azi tchuk klavina, a we gorâ azi kasum Marie. A grif kä, a kud’uromu. A mal vun bud’omei mazi suma beged’a, a hum he d’a hawad’a, nala, lora ki lubana ki mirâ mi.

Sawal la kal teglesa 3:6

Ti dala: Ni nge mi djï hur fulâ d’igi andos ma pat akulona na, d’igi hisâ hi mirâ ki mbul ma his ma afufuî ma lara ge ma hi suma mbut abozina na ge?

Nehemi 13:5

mi hum hur gong nga ngol la avok a nga tchuk he d’a hawad’a kuad’a, nala, ahle suma a pad’azi vunazi yam suma ngat buzunina, dubang ma his djivid’ina, ahle suma sun suma kur gong nga kud’ora hAlonid’ina, dim ma awuna, süm ma bei ned’a ki mbulâ. Azi nahle suma a he vuna kazi á hazi mi suma hi Levi-na ki suma hle sawala ki suma ngom vun gongîyonina.

Sunda hi suma hi Levi-nid’a 24:7

Ang vo dubang ma his djivid’a ma d’igila hirwilingâ yam djirdi d’a lara ge. Dubang máma mi mbut ni vama ge humba d’igi he d’a hawa d’a ngala na avogon an Ma didina.

Sunda hi suma hi Levi-nid’a 5:11

Le mi nga ki va á gus gugu bed’egera mbà d’oze gugu d’a avo d’a gureid’a mbà d’uo ni, mi hafut ta adiged’id’a kilona fid’i á zlup yam tcho mam mba mi lata, mi vo mbulâ kat tuo, mi vo dubang ma his djivid’ina kat tuo mi, kayam ni he d’a hawa d’a a hat á zlup yam tchod’id’a.

Sunda hi suma hi Levi-nid’a 2:1

Ma didina mi de kua ala: Le sana mi he he d’a hawa d’a afuta mi an Ma didina ni, ar mi he ni afut ta adiged’id’a, mi vo mbulâ kat zlapa ki dubang ma his djivid’ina,

Buzuk ka Abud’a 30:33

Sama lara ma yor andjaf mbul ma d’igi mbul máma na na d’oze ma mi vom yam sama nandjaf Aron nduo nina, a mba pad’am mbei aduk sum mama.

Buzuk ka Abud’a 30:35

Ar sama le suna mbul ma his ma afufuînina mi gizeyêzi ki ndjuvuna á mbud’uzi dubang ma yed’et ma a tinim iram vama á ngala.

Buzuk ka Abud’a 31:11

mbul ma a tinim iram vam á vom yam sumina ki dubang ma his djivid’a ma yam zlub’u d’a kud’orina. Azi mba lazi pet d’igi an hang vuna na.

Buzuk ka Abud’a 35:15

yima ngal dubang ma his djivid’ina ki karangâli mama, mbul ma a vom yam suma á tinizi ki irazi vazina ki dubang ma his djivid’a ma ngala, baru d’a ka ir ra avun zlub’ud’id’a,

Sunda hi suma hi Levi-nid’a 16:12

Mi hle vama yo akud’a, mi oyôm ki gordjo ma hîhîk ma akulo yam yima ngal ahle suma ngat buzuna avogon an Ma didinina, mi yo dubang ma his djivid’a ma a giligima hur abom tutuk mbà, mi i ki sed’em bugol baru d’a ka ira.

Ndumba 4:16

Elazar ma ngat buzuna Aron goroma mba mi ngom mbul ma ngal akud’a, dubang ma his djivid’ina, he d’a hawa d’a a nga hat teteud’a ki mbul ma a vom yam suma á tinizi ki kur sundina. Mba mi ngom yima a tinim iram vam ma kal teglesâ kahle suma kuruma pet ki yima a tinim iram vama kahle suma kuruma pet mi.

Isai 43:23

Agi han nga gro tumiyô magina he d’a hawa d’a ngala d’i, agi suburun nga kahle magi suma ngat buzuna d’i. An lagi nga kad’enga á han he d’a hawad’a d’i, an kawagi nga á han andosâ hi dubang magi ma his djivid’ina d’uo mi.

Buzuk ka Abud’a 30:7

Yorogo d’a lara pî, Aron mba mi ngal dubang ma his djivid’ina ata yima mi min lalambina.