Buzuk ka Abud’a 3:2 - Bible azumeina

² Malaikana hi Ma didinina mi nde tam mbei iram aduk sin akud’a aduk azlupa. Moise mi nde gola. Gol wani, azlupa vakud’a, wani ti nga d’i ngal li!

Buzuk ka Abud’a 3:2 ပူးပေါင်းရင်းမြစ်များ

Ad’u Tinda 21:17

Alona mi hum del gorâ; malaikana hAlonina mi yi Agar ei akulo, mi dat ala: Agar, vama la’î me ge? Ndak le mandar ri, kayam Alona mi hum del gorâ ata yima mi nga kuana.

Ad’u Tinda 22:11

Ata yi máma malaikana hi Ma didinina mi yumï akulo atogo zak ala: Abraham! Abraham! Abraham mi hulong dum ala: An huma!

Ad’u Tinda 48:16

ni Malaika ma pad’an ndei kur tcho d’a lara ge petna, ar mi b’e vunam kaziya. Ar a yan simiyên kazi d’igi a nga yi simiyê abun ngolo Abraham azi kabun Isak na mi; Ar azi zul ablaud’a yam andaga d’a Kanan-nda.

Sawal la giled’a 66:12

Ang ar suma a kal kami djangâ kakulumeina, ami kalami aduk akud’a ki mbina mi, wani ang pad’ami woi kur á b’lengêmi hurumiya.

Buzuk ka Abud’a 19:18

Andosâ mi rip yam ahina d’a Sinai-d’a ririp, kayam Ma didina mi tchugï asem kä aduk akud’a. Andos máma mi tchol akulo d’igi andosâ halam mba ngolina na, ahinad’a ki zla tat pet ti giget ngola.

Buzuk ka Abud’a 23:20

Ma didina mi de kua ala: Gola! An nga ni sun malaikana tu avorogi á ngomogi glovot á kalagi ata yima an minima.

Buzuk ka Abud’a 24:17

Subura hi Ma didinid’a ti nde woi ir Israel-lâ ni d’igi sin aku d’a nga d’i ngal akulo yam ahinad’id’a na.

Buzuk ka Abud’a 3:16

Ang i tok suma nglo suma Israel-lâ, ang dazi ala: Ma didina, Alona habuyogi ma nde tam mbei irana, Alona hi Abraham-ma, Alona hi Isa’â, Alona hi Jakob-ma, mi dan ala: An mba á ndjunugi gagazi, kayam an wahle suma suma a nga lagizi avo Ezipte-na.

Isai 43:2

Fata agi djagagi mbinid’a, an mba ni kak ki sed’egiya; fata agi djagagi alumid’a, aluma mba mi hlubugi d’i; fata agi kalagi aduk akud’id’a, akud’a mba d’i ngalagi d’i, sinat mba d’i trâgi d’uo mi.

Isai 63:9

Kur ndak mazid’a pet mi sun nga sama ding á ndjunuzi d’i, wani ni mam tamba ba, mi sud’uziya. Kur o mamba ki we hohou mamba mi ndjunuziya, mi hlanek mazid’a kamu, mi zizi akulo ahlabam kur tit mazi d’a fiyaka pet mi.

Daniel 3:27

Suma a yazi ala Satrap-ma, suma ngom ahlena, suma te yamba ki suma de d’alâ hamulîna a togï geveziya, a we akud’a le nga va ata sum ndazina tu d’i. Tumus sa kazid’a ki baru mazina, akud’a ti ngalazi nga d’i, akud’a nga d’i his atazi d’uo mi.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.

Malatchi 3:1

Ma didin ma ad’engêm kal petna mi dala: Agi gologiya! An mba ni sunï man ma sunda; mba mi min lovota avoronu. Ata yi máma na wat Salad’a ma agi nga halama, mba mi kal kur gong mam mba kud’ora; gola! Sama an sunumî yam vun ma djinda ma agi minima nga mi djïya.

Marik 12:26

Wani kayam zlad’a hi suma mat suma a mba tcholozi akulonid’a, agi ndumugi nga kur mbaktumba hi Moise-sa, ata yima mi de yam awei-avirina d’uo zu? D’igi Alona mi dum na ala: An nAlona hi Abraham-ma, Alona hi Isa’â, Alona hi Jakob-ma mi.

Wana ni Zla d’a Djivi d’a Luc mi b’irita 20:37

Wani Moise mi de woi pid’ak yam tchola hi suma matnid’a. Ata yima mi b’ir yam awei-avirinina, Moise mi yi Salad’a ala Alona hi Abraham-ma, Alona hi Isa’â, Alona hi Jakob-ma mi.

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Romê-na 8:3

Alona mi le vama gata hi Moise-sa ti ndak á lum mbuo na, kayam hliwi ma tchona mi mbud’ut amangeîd’a. Kayam ndata, Alona mi ka sariyad’a yam tchod’a yam sa mei ma adjeuna ata yima mi sunï Gorom ma mi hle tam dedege d’igi sama tchona na á pat tchod’a woina.

Gat ta a hat á mbàd’id’a 33:16

ki djivid’a yam andagad’id’a, kahle suma kurutna. Ar djivid’a hi Ma didin ma nde tam mbei aduk azlupina, ti mba yam Josef, yam ma a manam aduk b’oziyomina.

Gat ta a hat á mbàd’id’a 4:20

Wani agiya, Ma didina mi yogi mi buzugugï woi kur aku d’a für ra kaweina hi Ezipte-nid’a kayambala agi kagagi ni sum mama d’igi agi nga ini na d’a.

2 Tasaloni’â 1:7

Agi suma nga fagi ndakina, agi mba tugugi tagi zlapa ki sed’emiya, kayam fata Salad’a Jesus mi nde woi kur akulod’a ki malaika mam suma ad’engâ

Suma ka sariyad’a 13:13

Malaikana hi Ma didinina mi hulong de mi Manowa ala: Ar atchad’a ti d’el tat yam ahlena pet suma an dat kazina.