Buzuk ka Abud’a 3:18 - Bible azumeina

¹⁸ Azi mba humungû. Ang dazi kua ala: Mi dan kua ala: Ang ki nglo suma Israel-lâ, agi igi gen amul ma Ezipte-na, agi dum ala: Ma didina, Alona hi Hebre-na, mi nde tam mbei iramiya. Ki tchetchemba, ang arami lovota ami i tid’imi burâ hindi abagei hur fulâ á hahle suma ngat buzuna mi Ma didina Alo mamina.

Buzuk ka Abud’a 3:18 ပူးပေါင်းရင်းမြစ်များ

Ad’u Tinda 12:1

Ma didina mi de mi Abram ala: Ang nde woi kur andaga manga, ang nde woi aduk simiyêngû, ang nde woi kur azina habungâ, ang i kur andaga d’a an mba ni tagangzid’a.

Ad’u Tinda 14:13

Sama ringî avun ayînina, mi mba, mi de zla ndata mi Abram ma Hebre ma nga kaka ad’u agu ma nglona hi Mamre ma Amor-rîna. Mamre azi ki b’oziyoma Eskol ki Aner a ve banad’a ki Abram.

Ad’u Tinda 15:1

Bugol ahle suma lena, Ma didina mi nde tam mbei ir Abram, mi dum ala: Abram, ang le mandar ri; an ni mbarei manga, wurak manga mba d’i zul avok ngola.

Ad’u Tinda 17:1

Kid’a Abram bizam ndak dok zlengâ yam zlengîd’a, Ma didina mi nde tam mbei iramu, mi dum ala: An nAlo ma ad’engên kal petna; ang tit avoron d’ingêr ndak memet.

Ad’u Tinda 48:3

Jakob mi de mi Josef ala: Alo ma ad’engêm kal petna, mi nde tam mbei iran avo Lus kur ambas sa Kanan-nda, mi b’e vunam kanu,

2 Sunda Hamuleinid’a 30:12

Alona mi le sunda ki suma Juda-na, mi hazi hur ma tuna á le sunda yam vun ma hed’a hamulîna ki ma hi mam suma nglo suma sundina d’igi Ma didina mi de na.

Sawal la giled’a 110:3

Kur bur ma ang tok b’rang mangina, mang suma huruzi vangâ a tap ki sed’eng mi, gro azungeî mangâ a mba mba geveng yam ahuniyô suma a tinizi irazi vazina d’igi mbad’ïd’a ti ge pipir na.

Buzuk ka Abud’a 10:3

Moise azi ki Aron a i gen Faron, a dum ala: Ma didina Alona hi Hebre-nina mi dala: Ang mba noî á ge yang kä avok an Ma didina hina gak mindja ge? Ang ar sum mana a i á kud’uronu.

Buzuk ka Abud’a 17:5

Ma didina mi hulong de mi Moise ala: Ang kal avok sum ndazina, ang yo suma nglo suma Israel-lâ ki sed’engû, ang hle totogo mang nga ang wat kalum ma Nil-lîd’a abongû, ang kal avogo.

Buzuk ka Abud’a 19:1

Kur til ma hindi ma Israel-lâ a buzuk kei kur ambas sa Ezipte-d’ina, kur bur máma a mba hur ful ma Sinai-na.

Buzuk ka Abud’a 25:22

Nata yi máma ba, an mba ni ngavang akulo yam zandu’â vunam ma duka aduk tcherebê suma mbà suma agi tinizi akulo yam zanduk manina. Ni kua ba, an mba ni hang vun man ma hed’a pet ma yam Israel-lîna.

Buzuk ka Abud’a 3:12

Alona mi dum ala: An mba ni kak ki sed’engû. Wana ni vama simat ma ang mba wala ni an ba ni sunungû na: Fata ang buzugï sum mana woi avo Ezipte-d’a, agi mba kud’uron yam ahina d’a wanda.

Buzuk ka Abud’a 3:16

Ang i tok suma nglo suma Israel-lâ, ang dazi ala: Ma didina, Alona habuyogi ma nde tam mbei irana, Alona hi Abraham-ma, Alona hi Isa’â, Alona hi Jakob-ma, mi dan ala: An mba á ndjunugi gagazi, kayam an wahle suma suma a nga lagizi avo Ezipte-na.

Buzuk ka Abud’a 30:36

Ang bihl nde giligimu, ang tinim kä avok zanduk man ma nga kur zlub’u d’a ngaf tad’ina ata yima an mba ni ngavang kuana. Mam mba mi mbut ni va magi ma yed’et ma kal teglesâ.

Buzuk ka Abud’a 30:6

Agi tinigi yima ngal dubang ma his djivid’ina avok baru d’a ka ir ra nga avok zanduk manid’a, avok zandu’â vunam ma duk ma nga tinda akulo yam zanduk man mámina. Ni yima an mba ni ngavagi kuana.

Buzuk ka Abud’a 4:1

Moise mi hulong de mi Ma didina ala: A mba he gagazid’a kan ndi, a mba hum zla manda d’uo mi. A mba dan ala: Ma didina mi nde nga tam mbei irang ngi!

Buzuk ka Abud’a 4:23

An nga ni dangû, ang ar gorona mi iya, kayam mi lan sunda. Le ang aram mi i nga d’uo ni, an mba ni tchang gorong ma ngolâ woyo!

Buzuk ka Abud’a 4:24

Kid’a Moise mi nga kur titid’a, mi mba kur yima dingâ tu, mi bur kä. Ata yi máma Ma didina mi mba atamu, nga mi halam á tchid’a.

Buzuk ka Abud’a 4:31

Sum ndazina a he gagazid’a, a wala Ma didina mi mba wa gevezi á ndjunuziya, mi wazi wa ndak mazid’a. A tchuk guguvazi kä, a kud’uromu.

Buzuk ka Abud’a 5:1

Bugol ahle ndazina, Moise azi ki Aron a i gen Faron, a dum ala: Ma didina Alona hi Israel-lîna mi dala: Ang ar sum mana a iya, kayam azi i le vun tilâ á gilen simiyên abagei hur fulâ.

Buzuk ka Abud’a 5:3

Moise azi ki Aron a dum ala: Alona hi Hebre-nina mi nde tam mbei iramiya. Kayam ndata, ami nga tchenengû, ang arami lovota á tita burâ hindi abagei hur fulâ á hahle suma ngat buzuna mi Ma didina Alo mamina, kayam mi ar tugud’ei d’a tcho d’a tchi matna ti tchami d’oze mi dabami woi avun ayîna d’uo mi.

Buzuk ka Abud’a 7:16

Ang de mi Faron ala: Ma didina Alona hi Hebre-nina mi sununï geveng ala an dangû: Ang ar sum mama a iya, kayam a kud’urom abagei hur fulâ. Wani gak ini ang hum nga d’i.

Buzuk ka Abud’a 8:1

Ma didina mi de mi Moise kua ala: Ang de mi Aron ala: Ang hlabong akulo ki totogo manga yam toliyonda, yam apo alum ma Nil-lâ, yam golongeîna, ar greneûna mi buzuk akulo yam andaga d’a Ezipte-d’a.

Buzuk ka Abud’a 8:20

Ma didina mi le na. Mi mba kazlip ma tchona adesâ adesâ avo hi Faron, avo hazungeî mama. Ambas sa Ezipte-d’a pet ti b’lak kei abo azlipma.

Buzuk ka Abud’a 8:23

Mbeî ami i tid’imi gak burâ hindi abagei hur fulâ á hami ahle suma ngat buzuna mi Ma didina Alo mamina d’igi mi hami vuna na.

Buzuk ka Abud’a 9:1

Ma didina mi de mi Moise ala: Ang i gen Faron, ang dum ala: Ma didina Alona hi Hebre-nina mi dala: Ang aran sum mana a i á kud’uronu.

Buzuk ka Abud’a 9:13

Ma didina mi de mi Moise ala: Ang tchol yorogo tcholol, ang i gen Faron, ang dum ala: Ma didina Alona hi Hebre-nina mi dala: Ang aran sum mana a i á kud’uronu.

Isai 64:5

Ami pet mbud’umi ni d’igi vama ndjendjed’a na, sun mami d’a d’ingêra pet ti mbut ni d’igi baru ma zozota na, ami pet nga yagami woi d’igi hum aguna mi yak kei na, tcho mamid’a nga d’i felemi woi d’igi simetna nga mi fel ahlena woi na mi.

Jeremi 2:2

Ang i de mi suma Jerusalem-ma ala: Ma didina mi dala: Humun gan yam o mak ka ndak nga ki sed’et ki weyek ata yima ndak tit blogon kid’a an kaka, ata yima ndak tit blogon kur ful ma gangras ma bei sa mi zumum ba na.

Jeremi 2:6

A de nga ala: Ma didin ma mi buzugï woi kur ambas sa Ezipte-d’a ma mi tit ki sed’ei abagei hur fulâ ma mi tit hur ful ma d’ad’au ma angrifâ nga kua na ma mi tit ki sed’ei kur andaga d’a so d’a matna nga kua d’a ma mi tit ki sed’ei kur andaga d’a sa nga mi tit kua d’oze d’a sa nga mi kak kua d’uo d’ina, mi nga ni lara ge d’uo zu?

Jeremi 26:5

le agi humugi nga zlad’a hazungeî man suma djok vun suma an nga ni sunugizï sä kur bur ma lara ge suma agi min humuzi zla mazid’a d’uo na mi ni,

Ndumba 17:4

Ang tchuk tutuguyo ndazina kä kur zlub’u d’a ngaf tad’a avok zanduk mana ata yima an nga ni ngavagi kuana.

Josue 1:17

Ami mba gami yami kä avorong d’igi ami gami yami kä avok Moise na. Ar Ma didina Alo mangâ mi kak ki sed’eng d’igi mi kak ki Moise adjeu na mi.