Buzuk ka Abud’a 3:17 - Bible azumeina

¹⁷ Alona mi dan kua ala: An mba ni buzugugï woi avo Ezipte ata yima agi nga fagi ndaka kuana á i ki sed’egi yam ambasa hi suma Kanan-na, hi suma Het-na, hi suma Amor-râ, hi suma Peris-sâ, hi suma Hef-fâ ki d’a hi suma Jebus-sâ d’a ambira ki mbul ayuma a nga sor kä kuad’a.

Buzuk ka Abud’a 3:17 ပူးပေါင်းရင်းမြစ်များ

Ad’u Tinda 46:4

An tan mba ni tining Ezipte, an tan mba ni hulongôngî mi, wani kur mat mangâ, ni Josef ba, mba mi simed’eng irang kä.

Ad’u Tinda 50:24

Josef mi de mi b’oziyoma ala: An nga ni mit ni mid’a; wani gagazi, Alona mba mi mba á ndjunugiya, mba mi yogi woi ka hî á hulongôgi kur ambas sa mam hle vunam kat ki gun tad’a mi Abraham, mi Isak ki Jakob-pa.

Ad’u Tinda 50:25

Josef mi gun Israel groma ala: Gagazi, Alona mba mi mba á ndjunugiya; agi yon ndi asogon igi ki sed’em mbei dei ki yima ka hina.

1 Sunda Hamuleinid’a 1:15

suma Hef-fâ, suma Ara’â, suma Sin-na,

Sawal la giled’a 102:21

á hum tchina hi suma a yozi magombina, á tchuk suma a kazi sariya d’a matna kazina akulo.

Buzuk ka Abud’a 13:5

Fata Ma didina mi kalagi kur ambasa hi suma Kanan-na, hi suma Het-na, hi suma Amor-râ, hi suma Hef-fâ ki d’a hi suma Jebus-sâ d’a ambira ki mbul ayuma a nga sor kä kua d’a mi gun tam kat mabuyogi ngolo á hagizid’a, agi lagi vun til máma mi Ma didina kur til máma.

Buzuk ka Abud’a 32:34

Ki tchetchemba, ang i ki Israel-lâ ata yima an dang kama. Gola! Malaika mana mba mi tit avorongû, wani an mba ni mba bur tu, an mba ni ngobozi yam tcho mazid’a.

Buzuk ka Abud’a 33:3

Agi igi yam ambas sa ambira ki mbul ayuma a nga sor kä kuad’a. Wani an nga ni i ki sed’egi tala an dabagi woi lovot tuo d’a, kayam agi ni suma bei hum vuna.

Buzuk ka Abud’a 6:6

Kayam ndata, ang i de mi Israel-lâ ala: Alona mi dala: An Ma didina nga ni pad’agi woi kur sun nda anek ka Ezipte-na a tinigizi kagid’a, an nga ni pad’agi woi kur magom mba a nga lagizid’a mi. An mba ni ngobozi ngop pa tchod’a, an mba ni prud’ugi woi ki bigan nda zid’a kan akulo zid’a,

Jeremi 11:5

Hina wani, an mba ni ndak vun gun ta d’a an gun tan mabuyogi ngolo á hazi ambas sa ambira ki mbul ayuma a nga sor kä kuad’a d’igi agi nga wagizi ini na. An hulong dum ala: Amin, Ma didina!

Jeremi 32:22

Ang haziya wa ambas sa ang gun tang kat mabuyozi ngolo á hazizid’a. Nambas sa ambira ki mbul ayuma a nga sor kä kuad’a mi.

Ezekiyel 20:6

Kur bur máma an hlabon akulo ni gunuzi tan á buzuguzï woi yam ambas sa Ezipte-d’a, á i ki sed’ezi yam ambas sa an manat kazid’a. Nambas sa ambira ki mbul ayuma a nga sor kä kuad’a, nambas sa djif fa kal ambasa peta.

Sunda hi suma hi Levi-nid’a 20:24

An dagi ala: Ni agi ba, mba hlagi ambas mazid’a; an mba ni hagiziya. Nambas sa ambira ki mbul ayuma a nga sor kä kuad’a. An ni Ma didina Alo magi ma walagi woi kandjaf suma dingîna.

Ndumba 13:27

Wana ni zla d’a azi dat mi Moise-sa: Ami mbamiza yam ambas sa ang sunumi kata. Gagazi, ambas ndata nambas sa ambira ki mbul ayuma a nga sor kä kuad’a. Wana ni vud’agu ma katna mi.

Gat ta a hat á mbàd’id’a 26:9

Mi tini kur yima wana, mi hei ambas sa wanda nambas sa ambira ki mbul ayuma a nga sor kä kuad’a.

Gat ta a hat á mbàd’id’a 6:3

Agi Israel-lâ, agi humugiya, agi ngomogiziya, agi tid’igi kazi mi kayambala agi kagagi ki furîd’a, agi zulugi ngola d’igi Ma didina Alona habuyogi ngolona mi de na kur ambas sa ambira ki mbul ayuma a nga sor kä kuad’a d’a.

Josue 24:11

Agi djagagi alum ma Jurdê-na, agi mbagi Jeriko. Suma Jeriko-na a tchol durâ ki sed’egiya, nala, suma Amor-râ, suma Peris-sâ, suma Kanan-na, suma Het-na, suma Girgas-sâ, suma Hef-fâ ki suma Jebus-sâ. An hagizi abogiya.

Josue 5:6

Kayam Israel-lâ a le biza d’a abagei hur fulâ dok fid’i ki tita, gak suma dur ayî suma a buzugï woi avo Ezipte suma a hum nga vun Ma didina d’uo na, a dap peyo. Kayam Ma didina mi gunuzi tam ala azi mba kal kur ambas sa ambira ki mbul ayuma a nga sor kä kua d’a mi hle vunam kat mabuyozi ngolo á heizid’a d’i.

Josue 9:1

Kid’a amulei suma a nga kaka kä abo alum ma Jurdê-na woi hî yam ahinad’ina ki suma hur ful la kikid’ikina ki suma a nga kaka avun alum ma ngol ma Mediterane-na gak mba Liban-na, nala, suma Het-na, ki suma Amor-râ, ki suma Kanan-na, ki suma Peris-sâ, ki suma Hef-fâ, ki suma Jebus-sâ, a hum zla ndatid’a,