Buzuk ka Abud’a 3:12 - Bible azumeina

¹² Alona mi dum ala: An mba ni kak ki sed’engû. Wana ni vama simat ma ang mba wala ni an ba ni sunungû na: Fata ang buzugï sum mana woi avo Ezipte-d’a, agi mba kud’uron yam ahina d’a wanda.

Buzuk ka Abud’a 3:12 ပူးပေါင်းရင်းမြစ်များ

Ad’u Tinda 15:1

Bugol ahle suma lena, Ma didina mi nde tam mbei ir Abram, mi dum ala: Abram, ang le mandar ri; an ni mbarei manga, wurak manga mba d’i zul avok ngola.

Ad’u Tinda 15:8

Abram mi hulong dum ala: Salad’a Ma didina, ni nana ba, an mba ni wala ti mba d’i mbut andaga manda ge?

Ad’u Tinda 26:3

Ang kak kua; an mba ni kak ki sed’engû, an mba ni b’e vunan kang kandjavangû; an mba ni hagi andaga ndata pet, kayam an tcholî yam gun nda an gun tan mabung Abraham-mba.

Ad’u Tinda 31:3

Ma didina mi de mi Jakob ala: Ang hulong yam andagad’a habuyonga, aduk simiyêngû; an mba ni kak ki sed’engû.

2 Amuleina 19:29

Isai mi de mi Ezekiyas kua ala: Ar zla d’a wanda ti ka’î vama simata: Kur biza d’a wanda ang ki sum mangâ agi mba tagi nawu ma yak kä woina, dama agi mba tagi nawu ma magorâ, wani kur biza d’a hindid’a agi mba zaragi awuna, agi mba dud’umu, agi mba pagi guguzlud’a, agi mba tagazi vud’ut mi.

1 Sunda Hamuleinid’a 9:20

Fines Elazar goroma ni ma avogozi adjeuna, kayam Ma didina mi nga ki sed’emu.

Sawal la giled’a 86:17

Ang le vama tak ma djivina kanu; ar man suma djangûna a we, a mbut zulona, kayam ang Ma didina ni ma ndjununa, angî ma b’lengên huruna mi.

Buzuk ka Abud’a 18:5

Jetro mi i ki Moise grom suma mbàna kasuziya, a i gen Moise hur fulâ ata yima mi zlup nga kua gen ahinad’a hAlonid’ina.

Buzuk ka Abud’a 3:1

Moise nga mi pol aho’â hakunoma Jetro ma ngat buzu ma Madiyan-na. Mi i kaho’â sä abo fulâ abo hî, mi i yam ahinad’a hAlonid’a, nala, Horep.

Buzuk ka Abud’a 3:13

Moise mi de mAlona ala: An nga ni i ata Israel-lâ, an mba ni dazi ala: Alona habuyogina mi sununï atagiya. Wani le azi djobon ala: Simiyêm nana ge ni, an dazi nana ge?

Buzuk ka Abud’a 33:14

Ma didina mi hulong dum ala: An tanda mba ni tit ki sed’engû, an mba ni kalang kur yima tuk tad’a.

Buzuk ka Abud’a 4:12

Ki tchetchemba, ang iya. An mba ni mbut vunangû, an mba ni had’ang vama ang mba duma.

Buzuk ka Abud’a 4:15

Ang i dum zlad’a, ang vum ad’u zla d’a an dangzi wanda. An mba ni mbut vunang ki vunam mi, an mba ni had’agi vama agi mba luma.

Buzuk ka Abud’a 8:27

Ma didina mi le d’igi Moise mi tchenem na. Azlipma mi buzuk kei avo hi Faron, avo hazungeî mama, avo hi sum mama pet mi; azlip tu pî mi ar ri.

Isai 37:30

Isai mi de mi Ezekiyas kua ala: Ar zla d’a wanda ti ka’î vama simata: Kur biza d’a wanda ang ki sum mangâ agi mba tagi nawu ma yak kä woina, dama agi mba tagi nawu ma ma gorâ, wani kur biza d’a hindid’a agi mba zaragi awuna, agi mba dud’umu, agi mba pagi guguzlud’a, agi mba tagizi vud’ut mi.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Isai 43:2

Fata agi djagagi mbinid’a, an mba ni kak ki sed’egiya; fata agi djagagi alumid’a, aluma mba mi hlubugi d’i; fata agi kalagi aduk akud’id’a, akud’a mba d’i ngalagi d’i, sinat mba d’i trâgi d’uo mi.

Isai 7:14

Kayam ndata, Salad’a ki yam mba mi hagi vama taka: Gola! Gor weid’a mba d’i ve wirâ, mba d’i vut gorâ, ti mba d’i yum ala Emanuel.

Jeremi 1:8

Ma didina mi dan kua ala: Ar ang lazi mandarazi d’i, kayam an nga zlapa ki sed’eng á sud’ung ngeyo.

Ndumba 16:28

Moise mi dazi ala: Agi mba wagi ini tetet ala ni Ma didina ba, mi sununï á ndak vun sunda pet wana; an nga ni lat ni yam tan van ndi.

Ndumba 23:21

Mi we nga tchod’a ata andjafâ hi Jakob-ma d’i. Mi we nga bei d’ingêra ata Israel-lâ d’uo mi. Ma didina Alo mazina mi nga ki sed’eziya. A nga hum del la subur amulâ nadigaziya.

Matiye 28:20

Agi had’azi á ngom ahlena pet suma an hagi vuna kazina. Gola! An nga ki sed’egi teteu gak dabid’a hi duniyad’id’a mi.

Marik 16:20

Hina, mam suma hata a buzuk i ata yina pet, a tchi wal Zla d’a Djivid’a. Salad’a nga mi le sunda ki sed’eziya, nga mi tak zla ndata woi ala ni zla d’a gagazid’a kahle suma atchap suma azi nga lazina mi.]

Sunda hi suma a sunuzinid’a 11:21

Ad’enga hi Salad’id’a ti nga ki sed’eziya, suma ablaud’a a he gagazid’a, a mbut huruzi yam Salad’a.

Sunda hi suma a sunuzinid’a 7:7

Wani Alona mi dala: Andjaf suma a mba lazi magombina, an mba ni kazi sariyad’a kaziya. Bugola, azi mba buzuk keyo, a mba suburun ata yima wana.

Romê-na 8:31

Ei mba dei nana yam zla ndata ge? Le Alona mi nga ki sed’eya ni, sama ndak á kak djangûna ki sed’ei ni nge ge?

Gat ta a hat á mbàd’id’a 31:23

Bugola, Ma didina mi he vuna mi Josue Nun goroma, mi dum ala: Ang ve tang ad’enga, ang so tangû! Ni ang ba, mba kal Israel-lâ kur ambas sa an hlazi vunan kat á hazizid’a, an tanda mba ni tit ki sed’engû.

Hebre-na 13:5

Ar d’od’oka hi beged’id’a kal kagi d’i. Ar agi kagagi tchugot ki vama nga abogina, kayam Alona mi dala: An mba ni arang vang ngi, an mba ni arang ngei d’uo mi.

Josue 1:5

Ata yima ang nga ki irang yam andagad’ina, sama mba mi tchol avorongâ nga d’i, kayam an nga ki sed’eng d’igi an nga ki Moise adjeu na. An mba ni arang vang ngi, an mba ni arang ngei d’uo mi.

Suma ka sariyad’a 6:12

Malaikana hi Ma didinina mi nde tam mbei iramu, mi dum ala: Ma dur ma gangrangâ, Ma didina mi nga ki sed’engû!

Suma ka sariyad’a 6:16

Ma didina mi dum ala: An nga ki sed’engû; ang mba dur suma Madiyan-na ni d’igi ang durî sama tuna na.

Suma ka sariyad’a 6:17

Zedeyon mi hulong dum ala: Le ang wan hohowonu ni, ang tagan vama tak mala ni ang ba, nga dan zlad’a na.

Suma ka sariyad’a 6:21

Malaikana hi Ma didinina mi hle totogo d’a abomba, mi do hliuna kavungô ma a lum bei angufina ki vunat ma telewetna. Akud’a ti tcholï ata ahinad’a, ti ngal hliuna kavungôna woyo. Ata yi máma malaikana hi Ma didinina mi vit iramu.

Suma ka sariyad’a 7:11

Sä hî ang mba hum zla d’a azi mba data. Bugola, ang mba fad’enga á duruziya. Zedeyon mi i kazong mama Pura gak a mbaza avun kang ma avok kikidjina.

1 Samuel 14:10

Wani le azi dei ala: Agi mbeyegï atamiya ni, ei ïya, kayam ni vama taka woi ala Ma didina heizi wa aboya.