Buzuk ka Abud’a 3:10 - Bible azumeina

¹⁰ Ki tchetchemba, ang mbeya, an sunung gen Faron, ang buzugunï man suma Israel-lâ woi avo Ezipte.

Buzuk ka Abud’a 3:10 ပူးပေါင်းရင်းမြစ်များ

Ad’u Tinda 15:13

Ma didina mi dum ala: Ang we woi tetet ala andjavang mba mi i mbeid’a yam andaga d’a nga ni mazid’a d’uo d’a; azi mba laziziya, a mba lazi magomba bizad’a kikis fid’i.

Ad’u Tinda 15:14

An mba ni ka sariyad’a yam andjaf ma ding ma mba mi lazi magombina, wani sum mangâ a mba buzuk kei ki beged’a ngola.

Sawal la giled’a 105:26

Mi sun azong mama Moise azi ki Aron ma mam manama ataziya.

Sawal la giled’a 77:20

Ang ge lovot manga kur alum ma nglona, ang kal tita kä kur galileina; sa nga mi wang balum aseng ngi.

Buzuk ka Abud’a 12:40

Israel-lâ a le bizad’a avo Ezipte ni kikis fid’i yam dok hindi.

Buzuk ka Abud’a 12:41

Kid’a biza d’a kikis fid’i yam dok hindi ndata ndaka, kur bur máma tamba, suma hi Ma didinina pet a buzuk kei yam ambas sa Ezipte-d’a.

Buzuk ka Abud’a 33:12

Moise mi de mi Ma didina ala: Gola! Ni ang ba, dan ala: Ang buzuk sum ndazina woyo, wani ang tagan nga sama ang mba sunum ki sed’ena d’i. Wani ang dan ala: An wang ki simiyêngû, an wang hohowongû mi.

Buzuk ka Abud’a 33:13

Ki tchetchemba, le ang wan hohowonu ni, ang tagan lovot manga. Ata yi máma an mba ni wala ang wan hohowonu. Gola! Andjaf sum ndazina ni sum mangâ.

Buzuk ka Abud’a 6:26

Ni Aron azi ki Moise ndazina ba, Ma didina mi hazi vuna ala: Agi buzugugi Israel-lâ woi kur Ezipte ad’u andjavaziya na.

Wana ni mbaktumba hi Oze-d’a 12:13

Jakob mi ring yam andaga d’a Aram-mba, mi le sunda yam atchad’a, ni yam atchad’a ba, mi pol aho’â.

Mise 6:4

Kayam an buzugugï woi kur ambas sa Ezipte-d’a, an wurak kagi kur yima a lagi magomba kuana, an sun Moise azi ki Aron ki Miriyam avorogiya.

Sunda hi suma a sunuzinid’a 7:34

Gagazi, an we djop vuna hi man suma avo Ezipte-nina. An hum zam ta mazid’a, an tchugï asen kä á pad’azi woyo. Ki tchetchemba, ang mbeya, an sunung kur Ezipte.

Sunda hi suma a sunuzinid’a 7:36

Ni Moise ba, mi buzuk Israel-lâ woi yam ambas sa Ezipte-d’a, mi lahle suma ndandalâ kahle suma simata kur andaga d’a Ezipte-d’a, kur alum ma ngol ma Tchereuna, kur fulâ bizad’a dok fid’i mi.

Sunda hi suma a sunuzinid’a 7:6

Alona mi dum ala: Andjavang mba mi kak yam andaga d’a dinga, a mba lazi magomba, a mba lazi ndaka bizad’a kikis fid’i.

Sunda hi suma a sunuzinid’a 7:7

Wani Alona mi dala: Andjaf suma a mba lazi magombina, an mba ni kazi sariyad’a kaziya. Bugola, azi mba buzuk keyo, a mba suburun ata yima wana.

Suma ka sariyad’a 6:14

Ma didina mi mbut iram atam mi dum ala: Ang i kad’eng nga ang nga ki sed’eta, ang mba sut Israel-lâ woi abo suma Madiyan-na. Ni an ba ni sunung nguo zu?

1 Samuel 12:6

Samuel mi hulong dazi kua ala: Ma didin ma le ki Moise azi ki Aron a buzugï abuyogi ngolo woi Ezipte-na ni glangâs mana mi.

1 Samuel 12:8

Bugol la Jakob ki sum mama a i Ezipte-d’a, abuyogi ngolo a fe djop vuna, a yï Ma didina á ndjunuziya. Ma didina mi sun Moise azi ki Aron a buzuguzi woi kur Ezipte á tinizi kur ambas sa wanda.