Buzuk ka Abud’a 3:1 - Bible azumeina

¹ Moise nga mi pol aho’â hakunoma Jetro ma ngat buzu ma Madiyan-na. Mi i kaho’â sä abo fulâ abo hî, mi i yam ahinad’a hAlonid’a, nala, Horep.

Buzuk ka Abud’a 3:1 ပူးပေါင်းရင်းမြစ်များ

1 Amuleina 19:19

Elie mi iya, mi fe Elise Safat goroma nga mi zum kä kamuzleina kakapa dogo yam mbà. Elise tamba ba nga mi zum ki yazi d’a dogo yam mbàd’a. Elie mi hut go gen Elise, mi tchugum baru mam mba ngola kamu.

1 Amuleina 19:8

Elie mi tchol akulo, mi te, mi tche, mi fad’enga ki te máma, mi tit gagak burâ dok fid’i falei kandjege, mi mbaza yam ahinad’a hAlona d’a Horep-pa.

Sawal la giled’a 106:19

Ad’u ahina d’a Horep-pa a yor gor amuhlâ, a grif kä avok kawei ma a yorom máma.

Buzuk ka Abud’a 17:6

Gola! An nga ni tchol sä avorong sä hî yam ahina d’a Horep-pa. Ang mba wat ahinad’a, mbina mba mi djang ngei irad’u, suma a mba tchumu. Moise mi le hina ir suma nglo suma Israel-lâ.

Buzuk ka Abud’a 18:12

Jetro Moise akunoma mi yo he d’a hawa d’a ngala ki he d’a hawa d’a ngat buzuna á hed’a mAlona. Aron azi ki suma nglo suma Israel-lâ pet a mba, a te tena ki Moise akunoma avok Alona.

Buzuk ka Abud’a 19:11

Ar azi min tazi gak burâ hindi, kayam kur bur ma hindi máma an Ma didina mba ni tchugï asen kä yam ahina d’a Sinai-d’a ir Israel-lâ pet.

Buzuk ka Abud’a 19:2

Azi tchol Refidim, a mba hur ful ma Sinai-na, a vanguvora hur fulâ, a ve kang mazina ngagad’a yam ahinad’a d’ar.

Buzuk ka Abud’a 19:3

Moise mi djak á i gen Alona. Ma didina mi yumï akulo yam ahinad’a, mi dum ala: Wana ni vama ang i dum mi Israel-lîna, nala andjafâ hi Jakob-ma:

Buzuk ka Abud’a 2:16

Ma ngat buzu ma Madiyan-na grom suma yuguneina a nga kid’iziya. A mba á gul mbina, a oî alum mba del golonga kä d’a ki mbina á hed’a mi d’uwarâ habuzina.

Buzuk ka Abud’a 2:18

Kid’a a hulong gen abuzi Rewel-la, mi dazi ala: Ni nana ba, agi mbagi ini atogo hina zak ke?

Buzuk ka Abud’a 2:21

Moise mi nga hurum á kaka avo hi Rewel; Rewel mi hum goromba Sefora atchad’a.

Buzuk ka Abud’a 24:13

Moise mi tchol kazong mama Josue, a nde djak akulo yam ahinad’a hAlonid’a.

Buzuk ka Abud’a 3:12

Alona mi dum ala: An mba ni kak ki sed’engû. Wana ni vama simat ma ang mba wala ni an ba ni sunungû na: Fata ang buzugï sum mana woi avo Ezipte-d’a, agi mba kud’uron yam ahina d’a wanda.

Buzuk ka Abud’a 3:5

Alona mi dum ala: Ang hud’ï ka hî d’i, ang pat atuguruna woi asengû, kayam yima ang nga tchola kua wana nandaga d’a an tinit irat vata.

Buzuk ka Abud’a 33:6

Ata yima Israel-lâ a wal lei kahina d’a Horep-pina, a yo ahle mazi suma djif suma atazina woyo.

Buzuk ka Abud’a 4:18

Moise mi hulong avo gen akunoma Jetro, mi dum ala: Ang aran an i gen b’oziyona avo Ezipte á golozi na ni a nga ni hawa ko zu? Jetro mi hulong dum ala: Ang i lafiya.

Buzuk ka Abud’a 4:27

Ma didina mi de mi Aron ala: Ang i hur fulâ á ngaf Moise. Mi i ngaf Moise yam ahinad’a hAlonid’a, mi bed’em kok.

Amos 1:1

Wana ni zlad’a hi Amos ma aduk suma pol d’uwarâ avo Tekowa-nid’a. Ahlena a nde tazi woi iram yam Israel-lâ kur atchogoid’a hi Oziyas amul ma Juda-nid’a katchogoid’a hi Jerobowam Jowas goroma amul ma Israel-lîd’a mi. Ahle suma a nde tazi irama a le ni bizad’a mbà tua ba, andagad’a ti giged’a.

Ndumba 10:29

Moise mi de mi Hobap Rewel ma Madiyan ma akunoma goromina ala: Ami nga imi yam ambas sa Ma didina mi hle vunam kat ala: An mba hagiziya d’a, ang mbei i ki sed’emiya. Ami mba lang djivi d’a Ma didina mba mi lat mi Israel-lîd’a.

Ndumba 10:33

A tchol yam ahinad’a hi Ma didinid’a a i á tit burâ hindi. Zandu’â hi Ma didinina nga mi i avorozi á hal yima azi tuk tazi kuana.

Wana ni Zla d’a Djivi d’a Luc mi b’irita 2:8

Kur andaga ndata, suma pola a nga abageya, a nga ngom tumiyô mazina andjege.

Sunda hi suma a sunuzinid’a 7:30

Kid’a mi le bizad’a dok fid’id’a, malaikana mi nde tam mbei iram hur fulâ go kahina d’a Sinai-d’a, aduk sin aku d’a nga d’i ngal aduk azlupid’a.

Gat ta a hat á mbàd’id’a 1:2

A tcholï Horep, a hle lovot ta yam ahina d’a Seir-ra gak a mba Kades-Barneya, a le burâ ni dogo yam tu.

Gat ta a hat á mbàd’id’a 1:6

Moise mi de mi Israel-lâ ala: Ma didina Alo meina mi dei zlad’a sä Horep ala: Agi kagagi burâ ablaud’a yam ahina d’a wanda.

Gat ta a hat á mbàd’id’a 4:10

Agi djib’eregi yam bur ma agi tchologi avok Ma didina Alo magina yam ahina d’a Horep-pina. Ata yi máma Ma didina mi dan ala: Ang togonï suma; an min ala a hum zla manda tala azi hat á lan mandaran burâ ki burâ yam andagad’a ka hî, a had’at mi grozina mi d’a.

Suma ka sariyad’a 4:11

Heber ma ad’u andjafâ hi Ken ma wal tam mbei kandjafâ hi Ken ma dingîna, azi nandjafâ hi Hobap ma Moise atanamina, mi ve zlub’u mamba kur yi máma gak mbaza ad’u sen ma Sänanim ma go ki Kedes-sâ.

1 Samuel 16:11

Bugola, mi djop Jesse ala: Grongâ ni hina go zu? Jesse mi hulong dum ala: Ma tobona ar nga, mi sä pol tumiyôna. Samuel mi dum kua ala: Ang ge sunda halamïya; bei mam mba ba ni, ei mba kagei kä á tei te ma ngat buzuna d’i.