Buzuk ka Abud’a 28:9 - Bible azumeina

⁹ Agi yogi ahina onisa mbà, agi b’irigi simiyê Israel groma kua,

Buzuk ka Abud’a 28:9 ပူးပေါင်းရင်းမြစ်များ

Ad’u Tinda 2:12

Lora yam ambas ndatid’a ti djivid’a heî; bedeliyum kahina onisa a nga kua mi.

1 Sunda Hamuleinid’a 29:2

An he tan kad’engên pet á min ahlena yam gong nga kud’ora hAlo manid’a, nala, lora ngad’a yam ahle suma a mba lazi ki lorina, kawei ma hapma ngad’a yam ahle suma a mba lazi ki kawei ma hapmina, kawei ma hleuna ngad’a yam ahle suma a mba lazi ki kawei ma hleunina, kawei ma wurana ngad’a yam ahle suma a mba lazi ki kawei ma wuranina, aguna ngad’a yam ahle suma a mba lazi kagunina kahina onisa kahina d’a a dugut yat kä kahlenid’a kahina d’a ngal wiwilika kahina d’a d’udjo mata tetenga kahina d’a guzut kal tegles sa tetenga kahina d’a a yat ala marbre d’a hapa ablaud’a mi.

2 Sunda Hamuleinid’a 2:7

Ki tchetchemba, ang sununï sama d’al ma mi we suna lora, kawei ma hapma, kawei ma hleuna, kawei ma wurana, ki baru d’a hleu d’a sisila ki d’a hleu d’a kekenga ki d’a botlozid’a, ni ma we d’udjo ahlena á le sunda ki suma d’al suma a nga geven ka hî avo Jerusalem suma abun David mi manazina.

Wana ni mbaktumba hi Job-pa 28:16

Lor ra Ofir-ra d’oze ahina onis sa guzut kal teglesa d’oze ahina safira d’oze lora d’oze verâ a ndak nga á ngazi ki sed’et ti, sana ndak nga á mbud’ut ki dei ma a minim ki lor ra kal teglesina d’uo mi.

Buzuk ka Abud’a 25:7

ahina onisa kahina d’a ding nga guzut kal teglesa yam baru d’a efod’a ki d’a didik ka yam ma ngol ma ngat buzunid’a.

Buzuk ka Abud’a 28:10

karagaya ata d’a hid’a, karagaya ata d’a hid’a, ad’u vut mazid’a.

Buzuk ka Abud’a 28:20

Djirdi d’a fid’id’a agi tinigi d’a a yat ala krisolita tu, d’a a yat ala onisa tu, d’a a yat ala jasped’a tu mi. Ahuniyô ndazina agi lagi vama b’alazi ki yazina ni ki lora.

Buzuk ka Abud’a 28:36

Agi yorogi lor ra kal tegles sa bebed’ed’a, agi b’irigi kua d’igi sana mi b’ir simiyêm kur tampong mama na ala: Ma didina ni Ma bei tchod’a ba na.

Buzuk ka Abud’a 28:8

Tali ma djinim yam efod’ina, agi tchilimî ki baru d’a par ra a tchil ki baru d’a efod’id’a mi, nala, lora hlumba ki baru d’a par ra botlozi d’a hleu d’a sisila ki d’a hleu d’a kekenga ki d’a luluî d’a lalavata, agi mbud’uzi baru d’a efod’a tu.

Buzuk ka Abud’a 31:5

á tchet ahina d’a guzut kal teglesa á b’alat yat kä ki lora, á tchet aguna, á le sun nda lara ge pet mi.

Buzuk ka Abud’a 39:13

Djirdi d’a fid’id’a mi tin nda a yat ala krisolita tu, d’a a yat ala onisa tu, d’a a yat ala jasped’a tu mi. Ahuniyô ndazina mi le vama b’alazi ki yazina ni ki lora.

Buzuk ka Abud’a 39:6

Mi yo ahina onisa mbà, mi b’ir Israel groma simiyêzi kua d’igi sana mi b’ir simiyêm kur tampong mama na, mi le vama b’alat ki yatna ni ki lora.

Sawal la kal teglesa 8:6

Ang tinin kurung d’igi tampongâ na, ang tinin bigang d’igi tampongâ na mi, kayam od’a tad’enga d’igi matna na, yungôrâ mad’enga d’igi yima azuleina na mi. Vat mam mba dudunuka takud’a d’igi sin akud’a hi Ma didinid’a na.

Isai 49:16

Gola! An b’irik nga ni hur abon ma biyarâ, iran nga tinda yam gulumun ma’â teteu.

Ezekiyel 28:13

Ang nga kur Eden asinena hi an Alonina, ang tchuk ahina d’a guzut kal tegles sa lara ge atangû, nala, d’a sarduwanda, d’a topasa, d’a diyamanda, d’a krisolita, d’a onisa, d’a jasped’a, d’a safira, d’a eskarbukled’a, d’a emerota ki lora. Daliyâd’a ki taulâd’a a nga lang sunda. A minizi kangî kur bur ma a langâ dei.

Zakari 9:16

Kur bur máma Salad’a Alo mazina mba mi sud’uzi d’igi ma pola mi sut d’uwar mama na, azi mba wile yam ambas mamba d’igi ahina d’a guzut kal tegles sa ata kadamulid’a na.