Buzuk ka Abud’a 27:2 - Bible azumeina

² Agi pad’am kengêm ma fid’ina adivadif abo tam tu, agi gulud’umî ki kawei ma hleuna mi.

Buzuk ka Abud’a 27:2 ပူးပေါင်းရင်းမြစ်များ

1 Amuleina 1:50

Adoniya tamba nga mi le mandarâ abo Salomon, mi i mi ve abom ata yima ngal ahle suma ngat buzuna kengêm ma djedjed’engâ.

1 Amuleina 2:28

Jowap mi ni b’ranga hi Adoniya-d’a, wani mi nga ni b’ranga hi Apsalom-mba avok ki. Kid’a Jowap mi hum zlad’a hi Adoniya azi ki Abiyatar-ra, mi ring kur zlub’ud’a hi Ma didinid’a, mi vabom yam yima ngal ahle suma ngat buzuna kengêm ma djedjed’engâ.

1 Amuleina 8:64

Kur bur máma amulâ Salomon mi tin atrang nga avun gonga hi Ma didinina ped’eta irat vad’u, mi he he d’a hawa d’a ngala, mi he he d’a hawa d’a afuta ki he d’a hawa d’a mbulâ á le darigïd’a ki Ma didina ata yi máma, kayam yima ngal ahle suma ngat buzu ma kawei ma hleu ma avok Ma didinina, mi ndak nga yam ahle ndazina pet ti.

2 Amuleina 16:14

Yima ngal ahle suma ngat buzu ma kawei ma hleuna, mi nga aduk vun gong nga kud’ora hi Ma didinid’a ki yima ngal ahle suma ngat buzu ma awilina. Wani Ahas mi djogom mbei gen ma awilina abo ma norâ.

2 Sunda Hamuleinid’a 4:1

Mi min yima ngal ahle suma ngat buzuna ni ki kawei ma hleuna. Fiyagamî metred’a dogo, bubuwamî metred’a dogo, fiyagam mba akulod’a ni metred’a vahl mi.

Sawal la giled’a 118:27

Ma didina tu nAlona, ni mam ba, nga mi b’o keya. Agi tinigi luna, agi yogi hum aguna abogiya, agi igi ki sed’em gak ata yi ma ngal ahle suma ngat buzuna.

Buzuk ka Abud’a 27:3

Agi lagi yi mam ma ko butna ki pel mama, hal mama, kiyor mam ma siyam hindina kanduru ma yo akud’a. Ahle mam suma sunda pet agi lazi ni ki kawei ma hleuna.

Buzuk ka Abud’a 29:12

Ang go buzuna hamuhlîna, ang yamam ki tchitchid’ang tu yam yima ngal ahle suma ngat buzuna kengêm ma djudjungûhlâ, ang vo buzu ma arâ kä ata kawei ma kä ad’u yima ngal ahle suma ngat buzunina pet mi.

Buzuk ka Abud’a 38:30

Mi yorom mi nigim kä ad’u agu ma murguli ma avun zlub’u d’a ngaf tad’ina, mi yor kawei ma hleu ma yam yima ngal ahle suma ngat buzuna kuana ki kawei mam ma iram ndjâ ma abeyabeina kahle mam suma sunda pet,

Ezekiyel 43:15

Tin yam ma mbàna i akulo ata dabid’a hi ma hindinid’a, fiyagamî metred’a mbà mi. Yima ngal ahle suma ngat buzuna mi nakulo yam vama hindi máma, a pad’am kengêm ma fid’ina akulo djedjed’eng mi.

Sunda hi suma hi Levi-nid’a 16:18

Ata yima mi nde woi ata yima ngal ahle suma ngat buzu ma nga avogon an Ma didinina, mi mbut yima ngal ahle suma ngat buzuna yed’et, mi go buzuna hamuhlîna ki buzuna hi mbekmberenina, mi yamam akulo keng yima ngal ahle suma ngat buzu ma djedjed’engâ mi nguyum mbei d’uhl.

Sunda hi suma hi Levi-nid’a 4:18

Mi yam buzuna akulo keng yima ngal dubang ma his djivid’a ma nga avogon an Ma didina kur zlub’u d’a ngaf tad’ina, mi vo buzu máma kä kur kawei ma ad’u yima ngal ahle suma ngat buzuna ma nga avun zlub’u d’a ngaf tad’ina pet mi.

Sunda hi suma hi Levi-nid’a 4:25

Ma ngat buzuna mi nik tchitchid’am tu aduk buzuna hi vama a hum vama ngat buzuna á zlup yam tchod’a máma, mi yamam akulo keng yima ngal ahle suma ngat buzu ma a ngal he d’a hawa d’a ngala kuana, mi vo buzu máma kä kur kawei ma kä ad’uma mi.

Sunda hi suma hi Levi-nid’a 4:7

Mi do buzuna akulo keng yima ngal dubang ma his djivid’a ma nga avogon an Ma didina kur zlub’u d’a ngaf tad’ina, mi vo buzu máma kä kur kawei ma kä ad’u yima ngal ahle suma ngat buzuna ma nga avun zlub’u d’a ngaf tad’ina pet mi.

Sunda hi suma hi Levi-nid’a 8:15

Moise mi ngad’amu, mi go buzuna, mi yamam akulo ki tchitchid’am tu keng yima ngal ahle suma ngat buzuna, mi nguyum mbei d’uhl á tinim iram vamu. Bugola, mi vo buzuna kä ata kawei ma kä ad’u yima ngal ahle suma ngat buzunina á tinim iram vam á le sun nda zlup yam tchod’id’a kua.

Zakari 9:15

Ma didin ma ad’engêm kal petna mba mi ngomoziya, azi mba b’lak yina, a mba to ahina d’a kur mbiud’id’a woyo, azi mba tche, a mba le vuna gandjau d’igi suma a tche süm guguzlud’ina na, azi mba oî d’igi a oî buzuna kur angala á yamam akulo keng yima ngal ahle suma ngat buzuna na.

Ndumba 3:31

A hazi sun nda ngom zandu’â hAlonina, tabul ma a tin avungôna kama, agu lalamba, yima ngal dubang ma his djivid’ina, yima ngal ahle suma ngat buzuna, ahle suma a le ki sunda kur yima a tinim iram vama kahle suma a lum ki sunuma ki baru d’a ka ir ra kurut krovod’a kahle suma a le ki sunda kurutna pet mi.

Hebre-na 6:18

Ahle suma mbà suma bei mbut ndazina a nga, Alona mi ndak á ka zla kazi d’uo mi. Ei suma ngeyei tei atama, ei nga vei tei ad’enga á vei vama ei tini huri kam ma sä tinda avorei akulona.