Buzuk ka Abud’a 24:9 - Bible azumeina

⁹ Bugola, Moise azi ki Aron a djak akulo zlapa ki Nadap, Abihu ki suma nglo suma Israel suma dok kid’iziya ndazina mi.

Buzuk ka Abud’a 24:9 ပူးပေါင်းရင်းမြစ်များ

1 Amuleina 22:19

Wani Mise mi dum ala: Ang hum zla d’a Ma didina mi data. An we Ma didina mi nga kaka yam zlam mam mba amula, azungeî mam suma sä akulona pet a nga tchola gevem yam bigam mba ndjufa ki d’a gulad’a.

Buzuk ka Abud’a 19:24

Ma didina mi de mi Moise ala: Ang tchuk aseng kä, ang hulong djagï ki Aron, wani ar suma ngat buzuna kablaud’a a b’at tazi atogo á djagï geven an Ma didina tala suma a bo woi adigazi d’uo d’a.

Buzuk ka Abud’a 24:1

Ma didina mi de mi Moise ala: Ang djagï geven yam ahinad’a akulo zlapa ki Aron, Nadap, Abihu ki suma nglo suma Israel suma dok kid’iziyana mi. Agi igi sä woi hina dei, agi grivigi kä andaga.

Buzuk ka Abud’a 28:1

Ma didina mi de kua ala: Moise, ang yoï wiyengâ Aron azi ki groma, Nadap, Abihu, Elazar ki Itamar woi geveng aduk Israel-lâ, kayam azi lan sun nda ngat buzuna.

Buzuk ka Abud’a 33:20

Mi de kua ala: Ang ndak á wan iran ndi, kayam le sana mi wanu ni, nga mi sut ti.

Isai 6:1

Kur biza d’a amulâ Oziyas mi mita, an we Ma didina mi nga kaka yam zlamba sä akulo dei. Vun baru mam mba ngola ti oî hur gong nga kud’ora.

Ezekiyel 44:3

Wani amulâ ni sama ngolâ, mi ndak á mba á te te ma a tinim iram vama avoronu. Mam mba mi kalï krovo ni ki vun agrek ma abo ma yorogona hi gong nga ngolina hol, mba mi nde woi ni ki vun agrek máma mi.

Sunda hi suma hi Levi-nid’a 10:1

Nadap azi ki Abihu, Aron groma, nge nge pî mi hleï va mam ma yo akud’a, mi yo akud’a kua, mi tchuk dubang ma his djivid’ina kua, a mbam avok Ma didina. Naku d’a ding nga Alona mi hazi nga vuna kat tuo d’a.

Ndumba 11:16

Ma didina mi de mi Moise ala: Ang togon suma nglo Israel-lâ dok kid’iziya, suma ang wazi ala ni suma nglona avok suma na, ang mba ki sed’ezi avun zlub’u d’a ngaf tad’a, ar a tchol akulo ata yi máma zlapa ki sed’engû.

Suma ka sariyad’a 13:22

Manowa mi de mamamba ala: Gagazi, ei mba boi ni woyo, kayam ei wei Alona!