Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Buzuk ka Abud’a 24:8 - Bible azumeina

8 Moise mi go buzu ma kä kur halîna, mi yamam yam Israel-lâ, mi dazi ala: Wana ni buzu ma Ma didina mi djin vunam kam ki sed’egi yam zla d’a pet ta mam dagizid’ina.

အခန်းကိုကြည့်ပါ။ ကော်ပီ




Buzuk ka Abud’a 24:8
23 ပူးပေါင်းရင်းမြစ်များ  

An min wa yina yam zanduk ma vun ma djinda hi Ma didinina mi nga kuana. Ni vun ma djin ma Ma didina mi djinim kabuyoi ngolo ata yima mi buzuguzï woi kur Ezipte-na.


Wani vama ding mi nga kur zanduk máma d’i; nahina d’a bebed’e d’a tchet ta mbà d’a Moise mi tchugut kur ad’u ahina d’a Horep-pa ata yima Ma didina mi djin vunam ki Israel-lâ bugol la mi buzuguzï woi kur Ezipte-d’ina hol.


Wani azi nga lobom ki zla mazi d’a ded’a, azi nga kam zlad’a mi.


Moise mi go buzu ma mi vom kä kur halîna nus, mi yam buzu ma nus ma ar kä na yam yima ngal ahle suma ngat buzuna.


Andjaf suma ablaud’a a mba le atchap kamu, amuleina a mba duk vunazi yam zla mamba, kayam azi mba wäd’u vama a dazizi nga zlam yam tu d’uo na, a mba hum vama azi humum nga yazi tu d’uo na mi.


Vun ma djin máma nga ni d’igi vun ma djin ma an djinim kabuyozi ngolo kur bur ma an vazi abozi ni buzuguzï woi kur ambas sa Ezipte-nid’ina na d’i. Vun ma djin máma, an ni salazina pî, azi bud’um mbeyo. An Ma didina ni de na.


An kal gevegu, an gologu. Wana ni yi mak ma ndak á ved’ina. An barak baru man nda ngola kagu, an zlubuk gandila maka, an gunuk tanu, an djin vunan ki sed’egu, an Salad’a Ma didina ni dala: Ndak arî manda.


An mba ni yamagi mbiyo ma digil ma hirwilingâ kagiya, agi mba mbud’ugi yed’et, an mba ni mbud’ugi woi yed’et kur ndjendje magi d’a lara ge pet, kur filei magi ma lara ge pet mi.


Moise mi hle mbul ma a vom yam sumina ki buzu ma nga yam yima ngal ahle suma ngat buzunina, mi yamam yam Aron ki baru mamba. Bugola, mi yamam yam Aron groma ki baru mazina mi. Ni hina ba, mi tinizi irazi vazi mi Ma didina ki baru mazina mi.


Agi djib’eregi yam vun ma djin ma an Ma didina ni djinim ki sed’egi ata yima agi buzugugï woi kur Ezipte ma ala Muzuk mana mi nga adigagiya, ar agi lagi mandar ruo na.


Ma didina mi dala: Yam vun man ma djin ma ki sed’egi yam buzuna hi vama ngat buzunina, an mba ni tchuk magi suma a nga kä kur golong nga bei mbina ba d’ina akulo.


kayam ma wana ni buzuwanu. Ni vun ma djin ma awilina hAlonina, ni buzuwan ma mba mi djang ngei yam ablau sumina, kayambala Alona mba mi vat hurum mbei yam tcho mazid’a d’a.


Mi dazi ala: Ma wana ni buzuwanu, ni vun ma djin ma awilina hAlonina, ni buzu ma mba mi djang ngei yam ablau sumina.


Bugol tena mi hle kopma hina mi, mi dazi ala: Ma wana ni vun ma djin ma awilina hAlona ma mi djinim ki buzuwan ma mba mi djang ngei kagina.]


Bugol tena, mi hle kopma hina mi, mi dazi ala: Kop ma wana ni vun ma djin ma awilina hAlona ma mi djinim ki buzuwana. Ata yima lara ma agi nga tchagizina, ar agi lagi hina á djib’eregi kanu.


Kayam ndata, mi wurak kei ki buzuwamu, nala, hurum vat tei yam tcho meid’a. Hina, Alona mi tagei suma mam mba ngol


Ma didina Alo meina mi djin vunam ki sed’ei yam ahina d’a Horep-pa.


Wani sama gol Alona Goroma isâ ni ma gol buzuna hi vun ma djin ma Alona mi mbud’um yed’et ki sed’ema vama hawanina, ni ma las Muzuk ma sumad’a mi na. Agi djib’eregi nga ala sama hina na, Alona mba mi kam sariyad’a kam ngola kala d’uo zu?


Alo ma b’leng nga halasa mi tchol Saleina Jesus ma ngol ma pol tumiyôna akulo aduk suma matna ni yam buzuna hi vun ma djin ma didina.


Kur bur ma Josue mi gun ablaud’a kAlonina, mi hazi gata ki vun ma hed’a avo Sikem.


Agi ni suma Abui Alona managi yam min mamba avok dei á mbud’ugi sum mama yam Muzuk mama á gagi yagi kä avok Jesus Christ ma mi mbuzugi woi yed’et ki buzuwama. Ar Salad’a mi vagi sumad’a ki b’leng nga halasa avogovogo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ