Buzuk ka Abud’a 24:4 - Bible azumeina

⁴ Moise mi b’ir ahle suma Ma didina mi dumzina pet. Mi tchol ki yorogo tcholola, mi min yima ngal ahle suma ngat buzuna ad’u ahinad’a kä, mi ndjar ahinad’a dogo yam mbà akulo kad’ut ngad’a yam andjafâ hi Israel ma dogo yam mbàna.

Buzuk ka Abud’a 24:4 ပူးပေါင်းရင်းမြစ်များ

Ad’u Tinda 12:7

Ma didina mi nde tam mbei ir Abram, mi dum ala: An mba ni handaga ndata mi grong ngolona. Kayam ndata, Abram mi min yima ngal ahle suma ngat buzuna mi Ma didin ma nde tam mbei irama.

Ad’u Tinda 28:18

Jakob mi tchol akulo yorogo tcholol, mi hlahina d’a mam d’igal yam kata, mi tinit akulo kad’ut á ge humba, mi vot mbulâ kad’u, mi tinit irat vat yam Alona.

Ad’u Tinda 28:22

Ahina d’a an tinit akulo kad’ut á ge humba wanda mba d’i mbut ni gonga hAlonid’a. Ahlena pet suma mam mba mi handjina, dogo an mba ni pad’am tu, dogo an mba ni pad’am tu.

Ad’u Tinda 31:45

Jakob mi hlahinad’a, mi tcholot akulo kad’ud’u.

1 Amuleina 11:30

mi yot mi hawât tei aduk dogo yam mbà,

1 Amuleina 18:31

Mi yo ahinad’a dogo yam mbà, ngad’a yam andjaf ma dogo yam mbàna hi Jakob ma Ma didina mi dum ala: Bugol hî a mba yang ala Israel-lu na.

Esdras 6:17

A hamuzlei suma andjofâ kis, gamlâna kikis mbà ki tumiyôna kikis fid’i he d’a hawad’a yam tin nda a tin gong nga kud’ora hAlonid’a irat vata. A he mbekmberena he d’a hawad’a dogo yam mbà ngad’a yam andjafâ hi Israel ma dogo yam mbàna á zlup yam tchod’a hi Israel-lîd’a avok Alona.

Nehemi 10:1

Suma a tin simiyêzi kur mbaktumbina ba wana: Ma te yamba Nehemi Hakaliya goroma,

Buzuk ka Abud’a 17:14

Ma didina mi de mi Moise ala: Ang b’ir ahle ndazina kur mbaktumba d’igi vama ge humba na, ang de mi Josue ala an mba ni dap Amale’â woyo; sa mba mi djib’er kazi d’uo d’a.

Buzuk ka Abud’a 17:15

Moise mi min yima ngal ahle suma ngat buzuna, mi yum ala: Ma didina ni Bangâ mana.

Buzuk ka Abud’a 21:1

Ma didina mi de kua ala: Wana ni vun ma he ma ang mba tinizizi avorozina:

Buzuk ka Abud’a 24:7

Mi hle mbaktum mba a djin vunazi kua ki Ma didinid’a, mi ndumut avok Israel-lâ. Azi de woi ala: Ami mba lami ahlena pet suma Ma didina mi damizina, ami mba humum vunam mi.

Buzuk ka Abud’a 28:21

Ahina d’a lara pî agi b’irigi simiyê Israel grom suma dogo yam mbàna kua tutu pet d’igi sana mi b’ir simiyêm kur tampong mama na, mba d’i mbut ni vama taka yam andjafâ hi Israel ma dogo yam mbàna.

Buzuk ka Abud’a 34:27

Ma didina mi de mi Moise ala: Ang b’ir zla d’a an djin vunan ki sed’eng ki Israel-lîd’a kä kur mbaktumba.

Isai 19:19

Kur bur máma a mba min yima ngal ahle suma ngat buzuna yam ambas sa Ezipte-d’a mi Ma didina, a mba tin vama ge humba avun dabid’a hi hagad’id’a mi Ma didina mi.

Sunda hi suma hi Levi-nid’a 24:5

Ma didina mi de mi Moise kua ala: Ang yo afut ta adiged’id’a, ang gavungôna dogo yam mbà. Avungô ma lara pî afut mamba ni kilona karagaya karagaya.

Ndumba 17:2

Ang i de mi Israel-lâ ala a hang totogod’a yam andjavazi gagang, nala, totogod’a dogo yam mbà abo mazi suma nglo suma avok andjavazina, ang b’ir simiyê nge nge pî ata totogo mamba.

Wana ni Zla d’a Djivi d’a Luc mi b’irita 22:30

kayam agi tagi agi tchagi ki sed’en kur leu manda. Agi mba kagagi yam zlumiyô suma amula á ka sariyad’a yam andjafâ hi Israel ma dogo yam mbàna.

Galat-na 2:9

Wani Jacques azi ki Pierre ki Jean, ni suma suma a golozi d’igi suma avok suma na na, ata yima azi wala Alona mi van wa sumad’a na, ami ki Barnabas, azi gami depa kabozi ma ndjufâ á tak kei ala azi le darigïd’a ki sed’emiya, kayam ami mba imi tchami wala mandjaf suma dingâ, azi mba i tchi wala mi Juif-fâ mi.

Gat ta a hat á mbàd’id’a 31:9

Moise mi b’ir gat ndata, mi hat mi suma ngat buzuna andjafâ hi Levi suma a nga zi zanduk ma vun ma djinda hi Ma didinina mi nga kuana ki suma nglona hi Israel-lîna pet.

Josue 4:20

Josue mi ndjar ahuniyô suma dogo yam mbà suma a yozï kur alum ma Jurdê-nina akulo kad’uzi avo Gilgal.

Josue 4:5

mi dazi ala: Agi kalagi avok zandu’â hi Ma didina Alo maginina kä kur alum ma Jurdê-na; nge nge pî mi hlahinad’a kelemu, ngad’a yam andjafâ hi Israel ma dogo yam mbàna,

Vama ndum mbeina 21:14

Gulumuna hi azì mámina a gum ad’umî kahinad’a dogo yam mbà. A b’ir simina hi suma a sunuzi suma dogo yam mbàna hi Gor timinina atad’u.