Buzuk ka Abud’a 24:3 - Bible azumeina

³ Moise mi mba, mi de zla d’a Ma didina mi dumzid’a ki vun ma he ma mi humzina pet mi Israel-lâ. Israel-lâ ki zla tazi pet a hulongôm zla d’a ded’a ki vun ma tuna ala: Ami mba lami ahlena pet suma Ma didina mi dami kazina.

Buzuk ka Abud’a 24:3 ပူးပေါင်းရင်းမြစ်များ

2 Sunda Hamuleinid’a 15:14

A gun tazi avok Ma didina ki delezi akulo, a tum sora, a bu aduveina kadif fa ngola mi.

2 Sunda Hamuleinid’a 15:15

Suma Juda-na ki zla tazi pet a le furîd’a yam gun nda azi gun tazid’a, kayam azi gun tazi ni ki hur ma tuna, a hal Ma didina ni ki furîd’a, mi arazi a fum mi, kayam Ma didina mi hazi lovota á tuk tad’a ata yima lara ge pet mi.

Sawal la giled’a 50:5

Mi dala: Agi togogï man suma d’engzeng suma a djin vunazi ki sed’en ki buzu ma ngatina.

Buzuk ka Abud’a 19:8

Israel-lâ ki zla tazi pet a hulong dum ala: Ami mba lami ahlena pet suma Ma didina mi de kazina. Moise mi hulong zla d’a ded’a hi Israel-lîd’a mi Ma didina mi.

Buzuk ka Abud’a 24:2

Ni ang Moise tu ba, ang hud’ï geven an Ma didina. Suma dingâ a hud’ï go d’i, suma ablauna a djagï yam ahinad’a ki sed’eng nguo mi.

Buzuk ka Abud’a 24:7

Mi hle mbaktum mba a djin vunazi kua ki Ma didinid’a, mi ndumut avok Israel-lâ. Azi de woi ala: Ami mba lami ahlena pet suma Ma didina mi damizina, ami mba humum vunam mi.

Jeremi 11:4

Ni vun ma djin ma an djinim kabuyogi ngolo ata yima an buzuguzï woi kur ambas sa Ezipte-d’a d’igi für ma kaweina na na, an dazi ala: Agi humugi vama an hagi vuna kama, agi tid’igi yam vama an hagi vuna kama mi. Hina wani, agi mba mbud’ugi sum mana, an mba ni arî Alo magina mi.

Jeremi 34:13

An Ma didina Alona hi Israel-lîna ni djin vunan kabuyogi ngolo kur bur ma an buzuguzï woi kur ambas sa Ezipte-d’a kur yima a lazi magomba kuana, an dazi ala:

Wana ni mbaktumba hi Aze-d’a 2:5

Agi djib’eregi yam vun ma djin ma an Ma didina ni djinim ki sed’egi ata yima agi buzugugï woi kur Ezipte ma ala Muzuk mana mi nga adigagiya, ar agi lagi mandar ruo na.

Malatchi 2:10

Na ni ei pet abui ni tu d’uo zu? NAlo ma tu máma ba, mi lei d’uo zu? Ni yam me ba, ei nga mbud’i ir tei á b’lak vun ma djin ma Alona djinim kabuyoina ge?

Gat ta a hat á mbàd’id’a 11:1

Moise mi de kua ala: Agi lagi yam Ma didina Alo magina, agi tid’igi kur lovot mamba burâ ki burâ yam zla mamba, yam gat mamba, yam vun mam ma hed’a mi.

Gat ta a hat á mbàd’id’a 4:1

Moise mi dazi kua ala: Agi Israel-lâ, agi humugiya! Agi tid’igi yam gata ki vun ma he ma an nga ni hagizina, kayam agi kagagi karid’a, agi kalagi kur ambas sa Ma didina Alona habuyogi ngolona mi hagizid’a mi.

Gat ta a hat á mbàd’id’a 4:45

Wana ni gata ki vun ma hed’a suma Moise mi djogozi woi mi Israel-lâ bugol buzuk ka a buzugï woi kur Ezipte-d’a.

Gat ta a hat á mbàd’id’a 4:5

Agi wagiya, an had’agi gata ki vun ma hed’a d’igi Ma didina Alo mana mi han vuna na kayambala fata agi kalagi kur ambas sa agi mba hlat á kagagi kura, agi tid’igi kaziya d’a.

Gat ta a hat á mbàd’id’a 5:1

Moise mi yi Israel-lâ pet, mi dazi ala: Agi Israel-lâ, agi humugi gata ki vun ma he d’a suma an nga ni dagizi inina, agi ngomogiziya, agi tid’igi kazi mi.

Gat ta a hat á mbàd’id’a 5:31

Wani ang ar ka hî ki sed’enu. An mba ni dang zlad’a yam vun ma hed’a ki gat ta teteng nga ang mba had’azizid’a, tala azi le sunda azi tit kazi kur ambas sa an nga ni hazizid’a d’a.

Gat ta a hat á mbàd’id’a 6:1

Moise mi dazi kua ala: Wana ni vun ma hed’a ki gat ta teteng nga Ma didina Alo magina mi hagi vuna kazi á had’agizi tala agi tid’igi kazi kur ambas sa agi mba kalagi kur á hlagizi wanda d’a,

Josue 24:21

A hulong de mi Josue ala: Hawa yak! Ami lami ni sunda mi Ma didina.

Josue 24:22

Josue mi dazi ala: Agi tagi lagi glangâsâ yam tagi ni agi tagid’a ala agi managi ni Ma didina á lum sunda. A hulong dum ala: Ami tami lami glangâsâ yam tami ni amiya.

Josue 24:24

A hulong de mi Josue ala: Ami mba lami sunda mi Ma didina, ami mba gami yami kä ad’u zla mamba mi.