Buzuk ka Abud’a 24:16 - Bible azumeina

¹⁶ Subura hi Ma didinid’a ti nde woi yam ahina d’a Sinai-d’a, d’ugula dugut yat b’eb’et gak burâ karagaya. Kur bur ma kid’iziyana Ma didina nga mi yï Moise kur d’ugula.

Buzuk ka Abud’a 24:16 ပူးပေါင်းရင်းမြစ်များ

Sawal la giled’a 99:7

Mam nga mi dazi zlad’a kur d’ugul la tchola gongzonga. Azi nga ngom vun mam ma hed’a ki gat mam mba mi hazizid’a mi.

Buzuk ka Abud’a 16:10

Kid’a Aron nga mi de zlad’a mablaud’a hi Israel-lîd’a tua d’a, a mbut irazi abo ma hur fulîna. Gol wani, subura hi Ma didinid’a ti ndeï woi kur d’ugula.

Buzuk ka Abud’a 19:11

Ar azi min tazi gak burâ hindi, kayam kur bur ma hindi máma an Ma didina mba ni tchugï asen kä yam ahina d’a Sinai-d’a ir Israel-lâ pet.

Buzuk ka Abud’a 19:9

Ma didina mi de mi Moise ala: Anu, an nga ni mbeï geveng aduk d’ugul la wura d’a i’îlika, kayambala, ata yima an dang zlad’ina, ablaud’a pî a huma, a tin huruzi kang mi d’a. Moise mi hulong zla d’a ded’a hi Israel-lîd’a mi Ma didina kua.

Buzuk ka Abud’a 20:10

Wani bur ma kid’iziyana ni bur ma sabat ma ang tinim iram vam yam an Ma didina Alo mangîna. Ar ang le sunda kua d’i, nala, ang tanga, gorongâ, goronga, azong mangâ, wei manga, d’uwar mangâ d’oze angei ma nga kaka avo hatangâ.

Buzuk ka Abud’a 24:17

Subura hi Ma didinid’a ti nde woi ir Israel-lâ ni d’igi sin aku d’a nga d’i ngal akulo yam ahinad’id’a na.

Isai 4:5

Bugola, Ma didina mba mi tin d’ugul la tchola gongzonga kandosâ faleya, mba mi tin aku d’a ngal bibiliu d’a b’o yina andjege yam ahina d’a Siyon-nda ki yi mat ma taka, kayam subura hi Ma didinid’a mba d’i mbut ni vama ngomozina.

Ezekiyel 1:28

B’o d’a wile d’a nguyum mbei d’uhl ndata, ti hle tat ni d’igi virâ mi b’al alona ata yima nga mi sena na, ni vama hle tam d’igi subura hi Ma didinid’a na na. Ata yima an huma, an ge tan kä avoromu. Bugola, an hum dela hi sanid’a ti dan zlad’a.

Sunda hi suma hi Levi-nid’a 9:23

Moise azi ki Aron a tchuk kur zlub’u d’a ngaf tad’a. Ata yima a buzuk kei abuna, a b’e vunazi yam suma. Ata yi máma Ma didina mi tak subur mamba woi avok suma pet.

Sunda hi suma hi Levi-nid’a 9:6

Moise mi dazi ala: Wana ni vama Ma didina mi he vuna kama; agi lagiziya. Hina wani, mba mi tak subur mamba woi avorogiya.

Ndumba 14:10

Ablau d’a peta ti dala: Ei duruzi kahinad’a á tchazi woyo. Ata yi máma na wat subura hi Ma didinid’a ti b’o woi ir Israel-lâ yam zlub’u d’a ngaf tad’a.

Ndumba 16:42

Ata yima ablaud’a a tok tazi á gureî yam Moise azi ki Aron-na, a mbut irazi a nga gol zlub’u d’a ngaf tad’a. Gol wani, d’ugula ti dugut yad’u, subura hi Ma didinid’a ti nde woi abua.

2 Korente-na 4:6

Kayam Alo ma dala: Ar b’od’a ti b’o kur nduvunda na, ni ma nga b’o kuri kayam ei wei subura hAlona d’a nga d’i b’o avok Christ-sa.

Vama ndum mbeina 1:10

Kur burâ hi Salad’ina, Muzuk ma bei tchod’a ba na mi vanu. An hum del la ngola ei blogonu; ti tchi d’igi adifa na.