Buzuk ka Abud’a 23:8 - Bible azumeina

⁸ Ar agi vagi he d’a hawa d’a mbut ira abo sa d’i, kayam he d’a hawa d’a mbut ira nga d’i duk ir suma wäd’u zlad’ina woyo, nga d’i b’lak zlad’a hi suma d’ingêrîd’a woi mi.

Buzuk ka Abud’a 23:8 ပူးပေါင်းရင်းမြစ်များ

Sawal la giled’a 15:5

Ni sama nga mi he bege mamba á mbina d’uo na, ni sama nga mi ve beged’a abo sa á b’lak sariyad’a hi sama d’ingêrîd’a woi d’uo na. Sama nga mi le hina na, mba mi puk kä d’i.

Sawal la giled’a 26:10

Ni suma abozi nga zid’a akulo kazi zi á le tchod’ina; abozi ma ndjufâ nga tinda á ve wurak ka yam sumid’a.

Zla d’a d’ogolâ 15:27

Sama mi le d’od’oka á fe bege d’a mbut irina mi mba ni ki ndaka yam aziyamu, wani sama nga mi noî he d’a hawa d’a mbut ira woina, mba mi kak karid’a.

Zla d’a d’ogolâ 17:23

Sama asa’atna mi ve ni he d’a hawa d’a gumunda á b’lak sariya d’a d’ingêra woyo.

Zla d’a d’ogolâ 17:8

He d’a hawa d’a mbut ira ti ni d’igi kumana na ir suma a nga hatna, ata yima a mbut irazi kuana a nga fe djivid’a!

Zla d’a d’ogolâ 19:4

Sama ndjondjoîna buniyôma a nga zul kam kua kam kua, wani sama kid’aka banama nga mi but tei ki sed’emu.

Ma tchi wala 7:7

Djop vuna nga mi mbut sama ned’a lilid’a, he d’a hawa d’a gumunda nga d’i b’lak yam sana mi.

Isai 1:13

Ar agi mbagi ki he magi d’a hawa d’a hawa yaka d’i. Andosâ hi dubang magi ma his djivid’ina ni vama ndjendjed’a iranu. Ar agi mbagi kahle magi suma ngat buzuna kur bur ma deîd’a hi tilîna d’oze kur bur ma sabatna d’oze kur bur ma vun til ma teteng ma a ngama d’i. Kayam an nga ni min kud’or ra zlapa ki mat ma tchid’id’a d’i.

Isai 1:23

Mang suma nglona a mbut suma bei hum vuna, a ndjak vunazi tu ki suma kula. Azi pet a min ni he d’a hawa d’a mbut ira, azi nga ring bugol wuraka, azi nga ka ir zlad’a hi ma hokuyod’id’a d’i, azi nga djib’er yam zlad’a hatcha d’a modonod’id’a d’uo mi.

Isai 33:15

Sama nga mi tit d’ingêr ma nga mi de zla d’a iratina, ma nga mi noî vama a b’ad’am abo suma kad’enga ma nga mi ve d’a hawa d’a mbut ira d’uo na, ma nga mi duk humam mbei á hum zla d’a tchi matna ki humam mbuo ma nga mi duk iram mbei á we tchod’a ki iram mbuo mi na,

Isai 5:22

Ni zla d’a hohoud’a yam suma a nga kad’enga á tche süm guguzlud’ina, yam suma a nga kad’enga á hlum süm ma ayîna iram tetengâ!

Isai 5:23

Azi nga pat zlad’a woi yam sama zlad’a kama á fe bege d’a mbut ira, a nga mbut zlad’a hi sama d’ingêrîd’a tchod’a mi.

Ezekiyel 22:12

Suma a nga ve beged’a gumun á tchi matnina a nga kurungû, suma a nga hal beged’a ki mbinina a nga kurungû, suma a nga b’at ahlena abo ndrozinina a nga kurung mi. Wani a mar rei kanu. An Salad’a Ma didina ni de na.

Wana ni mbaktumba hi Oze-d’a 4:18

Ata yima abozi mi dap tche mazid’ina, a he tazi á le gaulangâ, amulei mazina huruzi mi ve nahle mazi suma zulona mi.

Amos 5:12

Kayam an we tchila magid’a tablaud’a, tcho magid’a ti kal ngola heî mi; agi nga kid’eyêgi ir ma d’ingêrâ, agi nga vagi bege d’a mbut ira abomu, agi nga d’elegi suma ka sariyad’a á ka sariyad’a hi suma houd’id’a.

Mise 7:3

Abozi mi hat á le tchod’a, suma nglona ki suma ka sariyad’a a halî he d’a hawad’a abo suma, sama ngolâ nga mi tak d’od’ok mamba woyo, a ndjak vunazi tu á le sun ndata.

Gat ta a hat á mbàd’id’a 10:17

Kayam Ma didina Alo magina nAlo ma yam alona petna, ni Sala d’a yam suliyod’a peta, nAlo ma ngolâ, ni ma ad’eng ma kal papana, ni ma nga mi pat sana yam iram go d’uo na, ni ma nga mi ve he d’a hawa d’a mbut ira abo sa d’uo na,

Gat ta a hat á mbàd’id’a 16:19

Ar agi b’lagagi sariya d’a d’ingêra d’i, ar agi managi sana yam iram go d’i. Ar agi vagi he d’a hawa d’a mbut ira abo sa d’i, kayam he d’a hawa d’a mbut ira nga d’i duk ir suma ned’a woi á b’lak zlad’a hi suma d’ingêrîd’a.

1 Samuel 12:3

Gola! An nga tchola avorogi avok Ma didina kamul ma mam manama wana. Agi dagi woi yam vama tcho ma an lagizina; an vamuhl hi sa d’oze koro hi sa zu? An mbut ir sa zu? An le vama tcho mi sa zu? An ve he d’a hawad’a gumun á duk iran ndei yam zla hi sa zu? Le nga ni, an hulongôgiziya.

1 Samuel 8:3

Wani groma a nga tit d’igi abuzi na d’i, a nga le d’od’ok beged’a, a nga ve he d’a hawad’a gumun abo suma á ka sariya d’a ata yat tuo d’a.