Buzuk ka Abud’a 23:2 - Bible azumeina

² Ar agi zlabagi tagi ki suma ablauna á le tchod’a d’i, agi zlabagi tagi ki suma ablauna á b’lak sariya d’a d’ingêra woi d’i,

Buzuk ka Abud’a 23:2 ပူးပေါင်းရင်းမြစ်များ

Ad’u Tinda 19:4

Kid’a azi bur nga kä d’uo tua d’a, suma Sodom-ma, nala, azungeîna ki momorogeina pepet, a mba, a ngui azina hi Lot-na,

Ad’u Tinda 6:12

mi wazi a mbut vama b’laka, kayam azi pet a we nga lovot ta a tit kua yam andagad’id’a d’i.

Ad’u Tinda 7:1

Ma didina mi de mi Noe ala: Ang kal kur batod’a ki sum mangâ pet, kayam an wang angî sama d’ingêrâ avoron kur atchogoi d’a wanda.

1 Amuleina 19:10

Elie mi dum ala: Tan nga d’i lan zlezleû yam ang Ma didina Alo ma ad’engêng kal petna, kayam Israel-lâ a noî vun ma djin ma ang djinim ki sed’ezina woyo, a to yi mang ma teteng ma ngal ahle suma ngat buzuna woyo, a tchi mang suma djok vuna woi mi. An arî an van tu, azi nga halan á tchid’a mi!

Wana ni mbaktumba hi Job-pa 31:34

An le nga mandara ablaud’a, d’oze an le nga mandarâ abo gol la sum mana a nga golon isa, d’oze an sile nga tan avo kä bei ni nde woi avun agre’â d’i.

Sawal la giled’a 72:2

Ar mi ka sariyad’a yam sum mangâ ki d’ingêra, yam mang suma hohoud’a ki gagazid’a mi.

Zla d’a d’ogolâ 1:15

gorona, ang tit zlapa ki sum ndazina kur lovot ta tud’a d’i. Ang hle lovot ta azi hlata d’i.

Zla d’a d’ogolâ 18:5

Nga djivid’a á ndjak vunang ki sama asa’atna á b’lak sariyad’a hi sama d’ingêrîd’a woi d’i.

Zla d’a d’ogolâ 4:14

Ang tchila kur lovot ta gora hi suma asa’atnid’a d’i, ang tit kur lovota hi suma a le tchod’ina d’uo mi.

Jeremi 37:15

Suma nglona huruzi mi zal ata Jeremi, a tomu, a gum dangeina avo hi Jonatan ma b’ir mbaktumba, kayam a mbud’um gong mamba gong nga dangeina.

Jeremi 37:21

Amulâ Sedekiyas mi he vuna ala a ngom Jeremi kur gulumuna hi suma ngom yinina, ar a hum avungôna hi suma le avungôna ir palumbina gak avungô ma kur azì ma ngolîna mi dap tua. Ni hina ba, Jeremi mi ar kaka kur gulumuna hi suma ngom yinina.

Jeremi 38:9

Salana amul mana, sum ndazina a le ni sun nda tchod’a ki ma djok vun Alona Jeremi kayam a gum kur golonga. Mam mba mi mit kua, kayam avungô nga kur azì ma ngolâ d’uo d’a!

Ezekiyel 9:9

Mi dan ala: Tchod’a hi Israel-lîd’a ki d’a hi suma Juda-nid’a, ti kal ngolâ heî. Ambasa ti oî ki suma tchi matna, azì ma ngolâ mi oî ki batranga mi. Kayam azi nga dala: Ma didina mi ar wa ambas sa wanda woyo. Ma didina nga mi we d’i.

Sunda hi suma hi Levi-nid’a 19:15

Agi kagi sariyad’a bei gagazid’a kur sariya magi d’a kad’a d’i. Ang we hohowa ma houd’a ata yima ka sariyad’a d’i, ang ndjun sama ngola ata yima ka sariyad’a d’uo mi, wani ang ka ni sariya d’a d’ingêra mi ndrangâ.

Wana ni mbaktumba hi Aze-d’a 1:4

Na ni ata yima gong manda nga b’laka kä woina natchogoi d’a djivid’a kagi agi á kagagi kur aziyagi ma djivina zu?

Marik 15:15

Kayam Pilat mi min á b’leng hur ablau suma, mi gazi Barabas akulo. Mi to Jesus ki blafâ, mi hazizi ala a b’alam akulo ata aguna.

Wana ni Zla d’a Djivi d’a Luc mi b’irita 23:51

Mi ndjak nga vunam yam nga hur mazina ki sun mazi d’a led’a d’i, nga mi djup mbad’a hAlonid’a á te leu mamba yam andagad’a mi.

Sunda hi suma a sunuzinid’a 24:27

Wani kid’a bizad’a mbà ndak dad’a, Porsiyus Festus mi vrak balum Felix. Wani kayam Felix mi min á le Juif-fâ tazi djivid’a, mi ar Paul kur dangeina.

Sunda hi suma a sunuzinid’a 25:9

Wani Festus mi min á le Juif-fâ tazi djivid’a, mi de mi Paul ala: Ang min á i Jerusalem á kang sariya manga avoron sä hî zu?

Romê-na 1:32

Sum ndazina a we sariyad’a hAlonid’a ala suma a nga lahle suma hina na a ndak á tchid’a. Wani azi nga i avogovok á lahle ndazina, wani vama kalâ, a nga ndjak vunazi ki suma a nga lahle ndazinina mi.

Gat ta a hat á mbàd’id’a 1:17

Ar agi wagi hohowa sa kur sariya d’a kad’a d’i, agi humugi gogorâ d’igi ma ngolâ na, ar agi lagi mandara sa tu d’i, kayam Alona ni ma ka sariyad’a. Ata yima agi fagi sariya d’a ad’engina, agi mbeyendji avoronu, an humut ki sed’egiya.

Gat ta a hat á mbàd’id’a 16:19

Ar agi b’lagagi sariya d’a d’ingêra d’i, ar agi managi sana yam iram go d’i. Ar agi vagi he d’a hawa d’a mbut ira abo sa d’i, kayam he d’a hawa d’a mbut ira nga d’i duk ir suma ned’a woi á b’lak zlad’a hi suma d’ingêrîd’a.

Gat ta a hat á mbàd’id’a 24:17

Moise mi de kua ala: Ar agi lagi ir angeina d’oze ma hokuyod’a ata yima ka sariyad’a d’i, ar agi vagi barud’a hatcha d’a modonod’a denga d’uo mi.

Josue 24:15

Le agi min á lagi sunda mi Ma didina d’uo ni, agi managi sama agi min lum sunda inina. Agi lagi ni sunda malo ma abuyogi ngolo a kud’uromï abo alum ma sä abo hî na d’oze malona hi suma Amor suma agi nga kaka yam ambas mazid’ina zu? Wani an ki sum mana, ami lami ni sunda mi Ma didina!

1 Samuel 15:24

Saul mi de mi Samuel ala: An le tchod’a, an tchila yam vun ma hed’a hi Ma didinina ki gat manga, kayam an le mandara azigarâ, an hum zla mazid’a.

1 Samuel 15:9

Wani Saul ki azigar mama a ar Agak bei tchid’a kahlena pet suma djivina aduk d’uwarâ, nala, amuzleina, tumiyôna kahok suma gangrangâ, gro tumiyôna kahlena pet suma djivina; azi b’la’î ahle suma tcho suma zlazi nga d’uo na woi hol.