Buzuk ka Abud’a 22:9 - Bible azumeina

⁹ Le tuguyod’a mba wa aduk suma mbà yam amuhl hloze koro d’oze timi d’oze baru d’oze vama lara ma ba woina, ma hina ala mamba ni na, ma hina ala mamba ni na ni, azi djak a i ki zla ndata avogon an Alona. Sama an Alona kam sariyad’a kama, mi wurak ahlena yam va máma mbàmbà.

Buzuk ka Abud’a 22:9 ပူးပေါင်းရင်းမြစ်များ

Ad’u Tinda 31:39

an mba nga ki har ahu ma amburâ vuma d’i, an ve tan ad’enga kuru; ahu ma a kulum falei d’oze andjegena, ang nga djobon kamu.

1 Amuleina 8:31

Le sana mi tchuk zlad’a yam ndrama ala mi le tchod’a, le a tinim gunda yam tcho ndata, le mi mbeï á gun tam ata yi mang ma ngal ahle suma ngat buzuna kur gong nga wanda ni,

2 Sunda Hamuleinid’a 19:10

Kur sariya d’a lara d’a b’oziyogi suma a nga kaka kur azì mazi ma nglona a mba mbagizid’a, le ni d’a hi mat ma tchid’a, d’oze d’a hi gatid’a, d’oze d’a hi vun ma hed’a, agi gazi humaziya, kayambala zlad’a kak kazi avok Ma didina ba, hurum mi zal kagi ki b’oziyogina d’uo d’a. Agi lagi ni hina, ar zlad’a kak kagi avok Ma didina d’i.

Buzuk ka Abud’a 22:10

Le sana mi he ni korona, d’oze amuhlâ, d’oze timina, d’oze vama lara mi ndrama á gola, le va máma mi mid’a d’oze mi kuza d’oze a kulum bei sa wumu ni,

Buzuk ka Abud’a 22:28

Agi ngulugi an Alo magina d’i, agi ngulugi amul magina d’uo mi.

Buzuk ka Abud’a 22:4

Le vama mi kuluma a vum ki sed’em bei tchid’a, le namuhl hloze koro d’oze timina ni, mi wurak yam vama tuna mbàmbà.

Sunda hi suma hi Levi-nid’a 6:5

Aku d’a nga d’i ngal yam yima ngal ahle suma ngat buzunid’a mba d’i mit tei d’i. Yorogo d’a lara pî ma ngat buzuna mi ndja aguna kad’u, mi tchuk vama a hum he d’a hawa d’a ngalina akulo kad’u, mi ngal mbul vama ngat buzu ma zlap darigïd’a woyo.

Matiye 18:15

Jesus mi had’azi kua ala: Le wiyengâ mi lang tchod’a ni, ang i fumu, ang tagam tcho mamba, ang ki mam mbà go. Le mi humungû ni, ang fe wa wiyengâ.

Matiye 18:35

Jesus mi de kua ala: Le nge nge pî adigagi mi vat nga hurum mbei yam wiyema d’uo ni, Abun ma sä akulona mba mi vat hurum mbei kam mbuo mi.

Gat ta a hat á mbàd’id’a 25:1

Le suma mbà zlad’a nga adigaziya ni, a it avok suma ka sariyad’a. Ma zlad’a vum nga d’uo na, ma ka sariyad’a mi gum akulo; ma zlad’a vuma, mi kam sariyad’a kamu.