Buzuk ka Abud’a 22:30 - Bible azumeina

³⁰ Agi lagi hina ki d’uwar magi ma nglona ki ma gurei ma mi vut avo’â. Agi aram mi le burâ kid’iziya kasumu; bur ma klavandina agi ngad’andji buzuna.

Buzuk ka Abud’a 22:30 ပူးပေါင်းရင်းမြစ်များ

Ad’u Tinda 17:12

Gro andjuvei suma agi mba vud’uzina pet, magumei suma a mba vut avo hatagina d’oze suma agi mba guzuzi ki beged’a abo suma dingîna, ma lara ma nandjavagi d’uo na, agi ngad’azi bayâd’a kur bur ma klavandina kur atchogoi d’a lara ge pet.

Buzuk ka Abud’a 13:12

agi mba hagi grogi suma agi vud’uzi avo’â mi Ma didina, suma d’oze d’uwarâ. Suma andjofâ pet ni suma hi Ma didinina.

Ezekiyel 4:14

An dala: Alë! Salad’a Ma didina, an wal lei kahle suma ndjendjed’a ni dedei, an te nga vama mat toze vama vana vuma yan tu d’i, kazongôn dei gak ini. Vama ndjendje tu pî, mi ngen nga avunan ndi!

Sunda hi suma hi Levi-nid’a 11:44

An ni Ma didina Alo magina; agi mba mbud’ugi tagi yed’et, agi mba kagagi suma yed’etna, kayam an ni Ma bei tchod’a ba na. Ar agi mbud’ugi tagi ndjendjed’a kahle suma gurei suma a dram kä yam andagad’ina d’i.

Sunda hi suma hi Levi-nid’a 11:45

An ni Ma didin ma ni buzugugi woi kur ambas sa Ezipte-d’a á mbut Alo maginina. Agi mba kagagi ni suma yed’etna, kayam an ni Ma bei tchod’a ba na.

Sunda hi suma hi Levi-nid’a 12:3

Kur bur ma klavandina, agi ngad’agi gorâ bayâd’a.

Sunda hi suma hi Levi-nid’a 17:15

Le ma Israel ma lara d’oze angei ma nga kaka adigagina, mi mut vama mitna d’oze ma vana mi vuma ni, mi mbus baru mama woyo, mi mbus tam mbei aduk mbina, wani mba mi kak ki ndjendjed’a gak fladege. Ni hina tua ba, mi mbut yed’et.

Sunda hi suma hi Levi-nid’a 22:27

Gor amuhlâ d’oze gor timina d’oze gor b’ëna, ata yima a vud’uma, aram mi le burâ kasum kid’iziya. Kur bur ma klavandina ki bur ma ar avok hina, mi ndak á hum vama ngat buzu ma ngala mi an Ma didina.

Sunda hi suma hi Levi-nid’a 22:8

Ar mi mut vama mitna d’oze ma vana vuma á mbut tam ndjendjed’a ki sed’em mbi, kayam an ni Ma didina.

Sunda hi suma hi Levi-nid’a 7:23

Ang i de mi Israel-lâ ala: Agi tagi mbul amuhl hloze hi timina d’oze hi b’ënina d’uo mi.

Sunda hi suma hi Levi-nid’a 7:24

Mbulâ hi vama mitna d’oze hi vama vana vuma, djivid’a agi lagi ki sun nda lara ge pet, wani agi ngenegizi avunagi d’i.

Sunda hi suma hi Levi-nid’a 7:26

Ata yima lara ma agi mba kagagi kuana, agi tagi buzuwa aleina d’oze hi d’uwarîna d’i.

Gat ta a hat á mbàd’id’a 14:21

Agi mud’ugi vama mat ti. Agi hagizi ni mangei ma nga avo hatagina, kayam mi mud’umu, d’oze agi guzum mbei abo angeina, kayam agi ni suma a tinigi iragi vagi mi Ma didina Alo maginina. Ar agi yagi gor ahuna kambira hasumba d’i.

Gat ta a hat á mbàd’id’a 15:19

Moise mi de kua ala: Agi tinigi gro d’uwar magi ma andjof ma mi vut avok aduk d’uwar magi ma nglona ki ma gureinina irazi vazi mi Ma didina Alo magina. Ar agi lagi sunda ki gor amuhl ma mi vut avo’â d’i, ar agi tchawagi gor timi ma mi vut avo’â woi d’uo mi.