Buzuk ka Abud’a 22:25 - Bible azumeina

²⁵ Le sama hohoud’a aduk sum mana, mi nde beged’a abogiya ni, agi lum d’igi suma he bal suma dingâ a nga le hina d’i, agi djobot mbiyot ti.

Buzuk ka Abud’a 22:25 ပူးပေါင်းရင်းမြစ်များ

2 Amuleina 4:1

Bur tu atchad’a hi ma dingâ aduk adesâ hi suma a djok vun Alonina, ti mba fe Elise, ti tchenem ala: Salana, ang we azong mangâ ndjuvun ni sama kud’or Ma didinina. Ki tchetchemba, mi mit wa, wani sama ami hlami beged’a balâ aboma, mi mba á yo gron suma mbàna á mbud’uzi magumei mama.

2 Amuleina 4:7

Atcha ndata ti mba, ti väd’u ahle ndazina mi sana hAlonina Elise. Mi dat ala: Ndak i gus mbul máma woyo, ndak wurak ki bal ma ka’â, ad’u bege d’a ara ndak te ki gro’â.

Nehemi 5:7

An nga hurun á ngop suma nglona ki suma avok sumina, an dazi ala: Ni kayam me ba, agi vagi beged’a ki mbiyot abo b’oziyogina ge? An ge tok ka ngola yam zla mazi ndata.

Sawal la giled’a 15:5

Ni sama nga mi he bege mamba á mbina d’uo na, ni sama nga mi ve beged’a abo sa á b’lak sariyad’a hi sama d’ingêrîd’a woi d’uo na. Sama nga mi le hina na, mba mi puk kä d’i.

Zla d’a d’ogolâ 28:8

Sama nga mi i ndjondjoî mamba avok ki bege d’a mi hat mi suma ki mbiyo ma ngolîd’a, mi togot ni mi sama nga mi hahlena mi suma kid’akina.

Jeremi 15:10

Jeremi mi dala: Asunu, ni zla d’a hohoud’a kanu, kayam ndak vud’un sama yalâ sama huneîd’a kur ambas ndata pet! An he nga va mi sa ki mbiyom mbi, an ve nga vama mbiyo abo sa d’uo mi. Wan pî, suma pet a nga ngulunu.

Ezekiyel 18:13

le nga mi he va mi sa ki mbina, le nga mi hal mbina abo sana ni, gor máma mba mi kak karid’a zu? Mba mi kak karid’a d’i. Le nga mi le sun nda ndjendje d’a hina d’a ped’u ni, gagazi, a mba tchumu. Mi tchi tamî vamu.

Ezekiyel 18:17

le nga mi le sama hohoud’a tcho d’uo, le nga mi he va mi sa ki mbina d’uo, le nga mi hal mbina abo sa d’uo, le nga mi ngom vun man ma hed’a, le nga mi tit yam gat manda mi ni, sama hina na nga mi mit yam tchod’a habumba d’i. Gagazi, mba mi kak karid’a.

Ezekiyel 18:7

nga mi b’at va abo sa kad’enga d’i, nga mi hulong vama sana mi dengêmzina, nga mi kul li, nga mi he te mama mi sama meid’a tchuma, nga mi he baruna mi sama gandilad’a,

Ezekiyel 18:8

nga mi he va mi sa ki mbina d’i, nga mi hal mbina abo sa d’i, nga mi ve bege d’a mbut ira abo sa d’i, nga mi ka sariya d’a gagazid’a aduk sana ki ndrama,

Ezekiyel 22:12

Suma a nga ve beged’a gumun á tchi matnina a nga kurungû, suma a nga hal beged’a ki mbinina a nga kurungû, suma a nga b’at ahlena abo ndrozinina a nga kurung mi. Wani a mar rei kanu. An Salad’a Ma didina ni de na.

Amos 2:8

A nga bur kä gen yima ngal ahle suma ngat buzu ma lara ge yam baru d’a suma houd’a a nga dengêzizid’a, a nga tche süm guguzlud’a kur gonga halo mazinid’a ki bege d’a a kat yam suma ata lovod’ot tuo d’a.

Matiye 25:27

ang i handji bege manda abo suma ngom beged’a, an mba ka hina wani, an fat ni ki mbiyod’u.

Wana ni Zla d’a Djivi d’a Luc mi b’irita 19:23

Le ni na ni, ni kayam me ba, ang he bege manda mi suma ngom beged’a, tala an hulong fat ki mbiyot tuo d’a ge?

Gat ta a hat á mbàd’id’a 15:7

Le ma houd’a mi nga aduk b’oziyogina ki sed’egi kur ambas sa Ma didina Alo magina nga mi hagizid’a ni, agi b’alagi hurugi kiki djinigi abogi ad’enga á hum va d’uo d’a d’i.

Gat ta a hat á mbàd’id’a 24:13

Agi hulongômzi bei afata nika, kayam ni ndat ba, mam zlubut kam kä andjege. Hina wani, mam mba mi b’agi vuna kagiya; wana ni sun magi d’a d’ingêr ra avok Ma didina Alo maginid’a.