Buzuk ka Abud’a 22:21 - Bible azumeina

²¹ Agi lagi ir angeina d’i, agi djobom vunam mbuo mi, kayam agi tagi pî ei ni angoyogeina yam ambas sa Ezipte-d’a mi.

Buzuk ka Abud’a 22:21 ပူးပေါင်းရင်းမြစ်များ

Wana ni mbaktumba hi Job-pa 6:27

Agi lagi togina yam suma hokuyod’a, agi mbud’ugi buniyôgina ni vama mbut abogina.

Sawal la giled’a 146:9

Ma didina nga mi ngom angoyogeina, nga mi ndjun ma hokuyod’a katcha d’a modonod’a, wani nga mi b’lak nga hurâ hi suma asa’atnina woyo.

Buzuk ka Abud’a 20:2

An ni Ma didina Alo mang ma pad’angî woi kur ambas sa Ezipte-d’a ata yima a lang magomba kuana.

Buzuk ka Abud’a 23:9

Agi lagi angeina ndaka d’i, kayam agi tagi pî wagi kaka hangeinid’a, kayam agi tagi kagagï angoyogeina yam ambas sa Ezipte-d’a mi.

Isai 1:17

Agi had’agi á le djivid’a, agi halagi d’ingêra, agi hulongôgi ma a nga djobom vunama kur lovot ta djivid’a, agi kagi ir zlad’a hi ma hokuyod’id’a, agi ndjunugi yam atcha d’a modonod’a mi.

Jeremi 22:3

Ma didina mi dala: Ar agi kagi sariya d’a d’ingêra, agi prud’ugi suma a b’ad’azi ahligiyezina woi abo suma a nga b’ad’azi ahligiyezi kad’engina. Ar agi lagi angeina d’oze ma hokuyod’a d’oze ta modonod’a tchod’a d’i, ar agi lagi murud’umba d’i, ar agi tchagi suma bei zlad’a kazi ba na kä ata yima wana d’uo mi.

Jeremi 7:6

le agi nga kid’eyêgi ir angeina d’oze ma hokuyod’a d’oze atcha d’a modonod’a d’uo, le agi nga tchagi ma bei zlad’a kama ata yima wana d’uo, le agi zlabagi nga tagi kalo ma dingâ d’uo yam hohou d’a nga d’i lagid’a ni,

Ezekiyel 22:7

A nga gol abud’a kasud’a is kurungû, a nga djop vun angeina kurungû, a nga b’at ahlena abo ma hokuyod’a katcha d’a modonod’a kurung mi.

Sunda hi suma hi Levi-nid’a 19:13

Ar ang le ndrangâ ndaka d’i, ang kul luo mi, ang d’el wuraka hi sama lang sundina abong gak avin ndi.

Sunda hi suma hi Levi-nid’a 19:33

Le angeina mba mi kak adigagi yam ambas magid’a ni, agi tum abom mbi.

Sunda hi suma hi Levi-nid’a 19:34

Agi vagi angei ma nga kaka adigagina atagi d’igi gor vuta na, agi lagi kam d’igi agi tagid’a na, kayam agi tagid’a kagagï angoyogeina yam ambas sa Ezipte-d’a mi. An ni Ma didina Alo magina.

Sunda hi suma hi Levi-nid’a 25:35

Ma didina mi de kua ala: Le wiyengâ mi nde houd’a, va nga abom mbuo ni, le nangeina d’oze le ni ma mba kak ki sed’eng yam ambas manga ndjöna pî, ang ndjunumu, kayam mi fe lovota á kak ki sed’engû.

Zakari 7:10

agi kid’eyêgi ir atcha d’a modonod’a d’oze ma hokuyod’a d’oze angeina d’oze ma houd’a d’i, agi lagi tagi tchod’a d’uo mi d’a.

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Gat ta a hat á mbàd’id’a 1:16

Kur bur máma tamba an he vuna mi magi suma ka sariyad’a ala: Agi humugi b’oziyogina, agi kagi sariyad’a mi nge nge pî aduk tam ki wiyema, d’oze kangeina.

Gat ta a hat á mbàd’id’a 10:18

ni ma nga mi ndjun ma hokuyod’a katcha d’a modonod’ina, ni ma nga mi le yam angeinina, ni ma nga mi hum tena ki baruna mi na.

Gat ta a hat á mbàd’id’a 10:19

Agi lagi yam angeina, kayam agi tagi pî, agi kagagi nangoyogeina yam ambas sa Ezipte-d’a mi.

Gat ta a hat á mbàd’id’a 15:15

Agi djib’eregi ala adjeu agi ei ni magomba kur ambas sa Ezipte d’a Ma didina Alo magina mi tchugugï woi akulo kura. Ni kayam ndata ba, an hagi ini vun ma he ma wana wana.

Gat ta a hat á mbàd’id’a 23:16

Agi aram mi kak adigagi ata yima mam hurum minima kur azì ma ngol ma nde irama; agi tinim sun nda aneka kam mbuo mi.

Gat ta a hat á mbàd’id’a 23:7

Agi gologi Edom-ma is si, kayam azi ni b’oziyogina; agi gologi Ezipte-na is suo mi, kayam agi ei nangoyogeina yam ambas mazid’a.

Gat ta a hat á mbàd’id’a 24:17

Moise mi de kua ala: Ar agi lagi ir angeina d’oze ma hokuyod’a ata yima ka sariyad’a d’i, ar agi vagi barud’a hatcha d’a modonod’a denga d’uo mi.

Gat ta a hat á mbàd’id’a 27:19

Sama nga mi ka sariyad’a hangeina ki d’a hi ma hokuyod’a ki d’a hatcha d’a modonod’a ata yat tuo na, Ma didina mi gum vuna! Ablau suma petna a hulong ded’a ala: Amin!