Ve tad’a hi Ezipte-nid’a mba d’i dap peyo. An mba ni pleyêzi d’al mazina woyo, a mba djop alo ma ka zlad’a ki suma a djop ki suma azuleinina ki suma mbuta ki suma a nga de zlad’a yam vama nga mi mbana mi.
Wani zla d’a azi nga djogogizid’a ni zla d’a kad’a. Le agi humugiziya ni, a mba yogi igi sä woi dei kandaga magid’a, an mba ni digigi woyo, agi mba dabagi woi mi.
Ar agi humugi magi suma djok vuna, magi suma a nga de zlad’a yam vama nga mi mbana, magi suma a nga dagi zlad’a hadïd’ina, magi suma a nga dagi zlad’a yam ahle suma akulo kur d’ugulina, d’oze magi suma mbut suma a nga dagi ala: Agi mba lagi sunda mamul ma Babilon-na d’uo na d’i.
Ar agi mbud’ugi iragi ata suma a nga djop ki muzuk ma tchonina d’oze suma a nga djop yam ahle suma a mba le avina d’i. Ar agi halazi tala agi mbud’ugi tagi ndjendjed’a ki sed’eziya d’a d’i, kayam an ni Ma didina Alo magina.
Le mandjufâ d’oze atchad’a a nga djop ki suma azuleina d’oze a djop yam vama nga mbana ni, agi duruzi kahinad’a, agi tchazi woyo. Buzuwazi mba mi hulong kaziya.
Le sana mi i avun suma a nga djop ki suma azuleinina d’oze suma a nga de zlad’a yam ahle suma a nga mbana á mbut tam ndjendjed’a ki sed’eziya ni, an mba ni mbut iran ata sa máma, an mba ni pad’am mbei aduk sum mama.
Suma dingâ ablaud’a adigazi ni suma kuma ma mbuta. A tok mbaktum mazid’a, a ngalat tei avok suma pet. A ndum bege d’a a gus ki mbaktum ndatid’a, ni d’igi bege d’a hapa dudubud’a dok vahl na.
Wani suma a le sun nda ndjendjed’a ki suma ve kumana ki suma mizeuna ki suma tchi matna ki suma tuwal fileina ki suma ka zlad’a pet, a nga tchola bugol azina woi hina dei.
Kur bur máma Samuel mi mit tei da’. Israel-lâ a tchimu, a tozom avo hatam Rama. Saul mi tchi suma a nga djop ki suma azuleinina ki suma a nga djop fileinina woi kur ambasa.
Wani atcha ndata ti hulong dum ala: Ang tanga we vama Saul mi luma; mi tchi suma a nga djop ki suma azuleina ki suma a nga djop fileinina woi kur ambasa. Ni kayam me ang gunun iran á tchid’a ge?
