Buzuk ka Abud’a 21:6 - Bible azumeina

⁶ ata yi máma salama mi i ki sed’em avogon an Alona, mi im ata bap ma avun gongina d’oze ata agu ma avun gongina, mi tchom humam ki leleuna; magom máma mi arî kur sunda hi salamid’a ki iram fafat.

Buzuk ka Abud’a 21:6 ပူးပေါင်းရင်းမြစ်များ

1 Amuleina 12:7

Suma nglo ndazina a hulong dum ala: Ini le ang min mbut ma sunda hi sum ndazina, le ang hazi vama azi minima, le ang hulongôzi zla d’a ded’a ki deleng nga djivid’a ni, azi mba arî azungeî mangâ ki irazi fafat.

Sawal la giled’a 82:1

Ni sawal la gile d’a Asaf mi hlata. Alona mi nga tchola aduk tok ka ngol la sä akulod’a, nga mi ka sariyad’a aduk suma a nga yazi ala alona na.

Buzuk ka Abud’a 12:12

Kur andjege ndata, an mba ni kleû tita hur azì ma Ezipte-na, an mba ni tchi gro suma Ezipte suma a vut avo’â woi pet, tinï ad’ud’a yam suma gak mba yam d’uwarâ. An mba ni ka sariyad’a yam alona hi Ezipte-nina pet, kayam an ni Ma didina.

Buzuk ka Abud’a 21:22

Le suma a nga le tazi huneîd’a, a dap atcha d’a wirâ, hurut mi nde woi bei va lat ndad’u ni, ar ndjuvut mi nga wuraka; wani a wuragamzi ni avok suma ka sariyad’a.

Buzuk ka Abud’a 21:5

Le magoma mi de wa ala: An hurun ve salana amanda ki grona, an min nde woi hawa d’uo ni,

Buzuk ka Abud’a 21:7

Le sana mi gus goromba woi á mbut magomba ni, ndat mba d’i nde woi kur magomba d’igi magumei suma andjofâ na d’i.

Buzuk ka Abud’a 22:28

Agi ngulugi an Alo magina d’i, agi ngulugi amul magina d’uo mi.

Isai 1:26

An mba ni hulong tin mang suma ka sariyad’a d’igi suma adjeuna na, an mba ni tin mang suma de d’alâ d’igi suma avo’â na mi. Bugola, a mba yang ala Azì ma ngol ma d’ingêrâ, Azì ma ngol ma d’engzengâ mi.

Sunda hi suma hi Levi-nid’a 25:23

Ma didina mi de kua ala: Agi ndak á guzugi andagad’a woi ki irat fafat ti, kayam andagad’a ni manda. Agi avo hatan ni d’igi angoyogeina ki suma kak ki sed’en ndjöna na.

Sunda hi suma hi Levi-nid’a 25:40

Ar mi kak avo hatang d’igi sama le sun nda yam beged’ina na, d’oze sama mba á kak yam ambas manga ndjöna na. Mam mba mi kak kur sun manga gagak biza d’a ngol la furîd’a.

Sofoni 3:3

Suma nglo suma kuruma a ni d’igi azlo ma nga mi to breîd’ina na, mam suma ka sariyad’a a ni d’igi ngû ma mi nduwan fladege ma nga mi ar va akulo gak yorogo d’uo na na.

Gat ta a hat á mbàd’id’a 1:16

Kur bur máma tamba an he vuna mi magi suma ka sariyad’a ala: Agi humugi b’oziyogina, agi kagi sariyad’a mi nge nge pî aduk tam ki wiyema, d’oze kangeina.

Gat ta a hat á mbàd’id’a 15:16

Wani le magom magina mi dagi ala: An min nde woi avo hatagi d’uo, kayam mam hurum vagi ki sum magina, mi kak avo hatagi ki halasa mi ni,

Gat ta a hat á mbàd’id’a 15:17

ata yi máma agi hlagi leleuna, agi tchom humam ata agu ma avun agre’îna. Mam mba mi arî magom magina ki iram fafat; agi lagi ki magom mba atchad’a ni hina mi.

Gat ta a hat á mbàd’id’a 16:18

Moise mi de kua ala: Agi tinigi suma ka sariyad’a ki suma nglo suma kazina hur azì ma lara ge pet ma Alo magina mba mi hagizina ad’u andjavagiya. Azi ka sariyad’a hi sumid’a ni ki d’ingêra.

1 Samuel 1:22

Wani Anne ti i nga ki ndjuvut ti, ti dum ala: An djup gak gorâ ar apona tua. Bugola, an mba ni i ki sed’em avo Silo á tagam mi Ma didina; mam mba mi ar sä hî ki iram fafat.

1 Samuel 27:12

Akis mi he hurum mi David, mi dala: Mi mbut ndjendjed’a ir simiyêm Israel-lâ; mam mba mi arî azong mana ki iram fafat.

1 Samuel 28:2

David mi de mi Akis ala: Djiviya! Ang mba we vama an azong mangâ mba ni luma. Akis mi de mi David ala: An mba ni tining ma ngomona ki iran fafat.