Buzuk ka Abud’a 21:1 - Bible azumeina

¹ Ma didina mi de kua ala: Wana ni vun ma he ma ang mba tinizizi avorozina:

Buzuk ka Abud’a 21:1 ပူးပေါင်းရင်းမြစ်များ

1 Amuleina 6:12

Ang nga min gong nga wanda mi anu. Le ang nga tit kur gat man nda teteng nga an hangzid’a, le ang nga ge yang kä ad’u vun man ma hed’a pet mi ni, an mba ni ndak vun vun ma djin ma an djinim kang ata yima an de zlad’a kabung David-na.

2 Sunda Hamuleinid’a 19:10

Kur sariya d’a lara d’a b’oziyogi suma a nga kaka kur azì mazi ma nglona a mba mbagizid’a, le ni d’a hi mat ma tchid’a, d’oze d’a hi gatid’a, d’oze d’a hi vun ma hed’a, agi gazi humaziya, kayambala zlad’a kak kazi avok Ma didina ba, hurum mi zal kagi ki b’oziyogina d’uo d’a. Agi lagi ni hina, ar zlad’a kak kagi avok Ma didina d’i.

Nehemi 10:29

a zlap tu ki b’oziyozi suma simiyêzi nga mi yï adigazina. A hle vunazi ki gun tad’a á tit yam Gata hAlona d’a mi hat mazong mama Moise-sa á ngom vun ma hed’a hi Salei Ma didina ki hat mamba, á le sunda kazi mi.

Sawal la giled’a 147:19

Nga mi tak zla mamba woi mi Jakob, nga mi he gat mamba ki nga hur mama mi Israel.

Buzuk ka Abud’a 19:7

Moise mi mba, mi yi suma nglona hi Israel-lîna, mi dazi zla ndata pet d’igi Ma didina mi hum vuna na.

Ezekiyel 20:11

An hazi gat manda, an tagazi vun man ma hed’a. Nahle sumala mbeî sana le mi le sunda kaziya ba, mi kak karid’a na.

Ezekiyel 20:25

Ata yi máma an hazi gat ta ata yat tuo d’a ki vun ma he ma azi ndak á kak karid’a kam mbuo na mi.

Sunda hi suma hi Levi-nid’a 18:26

Ar agi tid’igi yam gat manda ki vun man ma hed’a, ar agi d’oze angei ma nga kaka adigagina sa mi lahle suma ndjendje ndazina tu d’i.

Sunda hi suma hi Levi-nid’a 18:5

Agi ngomogi gat manda ki vun man ma hed’a. Sama nga mi tit kazina mba mi kak karid’a ni kaziya, kayam an ni Ma didina.

Sunda hi suma hi Levi-nid’a 19:37

Agi ngomogi gat manda ki vun man ma he ma tetengâ pet, agi lagi sunda kazi mi, kayam an ni Ma didina.

Sunda hi suma hi Levi-nid’a 20:22

Ar agi ngomogi gat manda pet ki vun man ma he ma tetengâ mi, agi lagi sunda kamu, kayam ambas sa an hagizi á kaka kua wanda, ti noyôgi woi d’i.

Ndumba 35:24

wana ni gat ta ablaud’a ti ka ki sariyad’a aduk sama mi tchi matnina ki sama hlatchugulina:

Ndumba 36:13

Wana ni vun ma hed’a ki gat ta teteng nga Ma didina mi hat mi Israel-lâ avun Moise abagei hur ful la Mowap pa go kalum ma Jurdê-na d’a ngagad’a yam Jeriko d’ara.

Matiye 28:20

Agi had’azi á ngom ahlena pet suma an hagi vuna kazina. Gola! An nga ki sed’egi teteu gak dabid’a hi duniyad’id’a mi.

Gat ta a hat á mbàd’id’a 15:12

Moise mi de kua ala: Le wiyegi ma Hebre-na, le natchad’a d’oze mandjufâ, mi gus tam mbei abogi d’igi magoma na ni, ar mi lagi sunda bizad’a karagaya, wani kur biza d’a kid’iziyad’a agi gum akulo.

Gat ta a hat á mbàd’id’a 4:14

Ata yi máma Ma didina mi han vuna á had’agi gata ki vun ma hed’a, kayam agi tid’igi kazi kur ambas sa agi nga kalagi kur á hlat djona wanda.

Gat ta a hat á mbàd’id’a 4:45

Wana ni gata ki vun ma hed’a suma Moise mi djogozi woi mi Israel-lâ bugol buzuk ka a buzugï woi kur Ezipte-d’a.

Gat ta a hat á mbàd’id’a 4:5

Agi wagiya, an had’agi gata ki vun ma hed’a d’igi Ma didina Alo mana mi han vuna na kayambala fata agi kalagi kur ambas sa agi mba hlat á kagagi kura, agi tid’igi kaziya d’a.

Gat ta a hat á mbàd’id’a 4:8

Nandjaf ma ngol ma lara ma nga ki gata ki vun ma he ma d’ingêrâ d’igi gata pet ta an nga ni tagagizi ini wanda na ge?

Gat ta a hat á mbàd’id’a 5:1

Moise mi yi Israel-lâ pet, mi dazi ala: Agi Israel-lâ, agi humugi gata ki vun ma he d’a suma an nga ni dagizi inina, agi ngomogiziya, agi tid’igi kazi mi.

Gat ta a hat á mbàd’id’a 5:31

Wani ang ar ka hî ki sed’enu. An mba ni dang zlad’a yam vun ma hed’a ki gat ta teteng nga ang mba had’azizid’a, tala azi le sunda azi tit kazi kur ambas sa an nga ni hazizid’a d’a.

Gat ta a hat á mbàd’id’a 6:1

Moise mi dazi kua ala: Wana ni vun ma hed’a ki gat ta teteng nga Ma didina Alo magina mi hagi vuna kazi á had’agizi tala agi tid’igi kazi kur ambas sa agi mba kalagi kur á hlagizi wanda d’a,

Gat ta a hat á mbàd’id’a 6:20

Fata grogina a mba djobogi ala: Vun ma hed’a ki gat ta teteng nga Ma didina Alo meina mi hagizi ndata ad’ut nana ge d’a,

1 Tasaloni’â 4:1

B’oziyomina, vama arâ, ami nga tchenegiya, ami nga gigid’egi ki simiyê Salad’a Jesus d’igi ami had’agi avok na, ni nana ba, agi tid’igi tit ta lAlona tam djivid’a ge. Ki tchetchemba, agi nga lagi na mi, ar agi igi iragi avogovogo.