Buzuk ka Abud’a 20:4 - Bible azumeina

⁴ Ar ang tchet vama hle tam ki vama akulona d’oze ki vama yam andagad’ina d’oze ki vama aduk mbina kä ad’u andagad’ina d’i.

Buzuk ka Abud’a 20:4 ပူးပေါင်းရင်းမြစ်များ

1 Amuleina 12:28

Ata yi máma amulâ Jerobowam mi hal djib’er ra dinga, mi yor lora gro amuzleina mbà, mi de mi sum mama ala: I d’a agi igi Jerusalem teteud’a ndagagi da’. Gola! Agi Israel-lâ, alo magi ma buzugugï woi kur Ezipte-na ba wana!

2 Amuleina 17:12

Azi kud’or filei ma teteng ma Ma didina mi dazi kam ala azi kud’urom mbuo na.

2 Sunda Hamuleinid’a 33:7

Mi tin filei ma mam tched’ema kur gong nga kud’ora hAlona d’a mam de mi David azi ki goroma Salomon kat ala: Ni kur gong nga kur Jerusalem mba an manat aduk andjafâ hi Israel-lâ peta ba, simiyên mba mi kak kua gak didinu d’a.

Sawal la giled’a 78:58

Azi nga zalam hurum ki tuwal la azi nga tuwal alona handjaf suma bei dingîd’a, azi nga zalam hurum ngola heî ki filei ma azi nga tcholom ata yina tetengâ.

Sawal la giled’a 97:7

Suma a nga kud’or fileinina ki suma a subur tazi kama pet a mba mbut zulona, alona pet mi grif kä avok Ma didina mi.

Buzuk ka Abud’a 20:23

Ar agi yorogi vama kawei ma hap poze vama lora á mbud’um alo ma dingâ á kud’urom zlapa ki an tu d’i.

Buzuk ka Abud’a 32:1

Ata yima Israel-lâ a wala Moise yam sä d’i vakulo yam ahinad’a tua na, a tok gen Aron, a dum ala: Ang tchol akulo, ang yoromi alo ma teteng ma mba mi tit avoromina, kayam Moise ma kol ma buzugumi woi kur ambas sa Ezipte-d’ina, ami wami nga vama luma d’i.

Buzuk ka Abud’a 32:23

Azi dan ala: Ang yoromi alo ma teteng ma mba mi tit avoromina, kayam Moise ma kol ma buzugumi woi kur ambas sa Ezipte-d’ina, ami wami nga vama luma d’i.

Buzuk ka Abud’a 32:4

Mi ve ngangam ma lora aboziya, mi yoromu, mi minim gor amuhlâ. Ata yi máma Israel-lâ a er ad’uzi akulo ala: Gol alo mei ma pad’eï woi kur ambas sa Ezipte-d’ina ba wana!

Buzuk ka Abud’a 32:8

A d’es wa woi atogo zak kur lovot ta an tagazizid’a, a yor wa gor amuhlâ, a grif wa kä avoromu, a hum wa ahle suma ngat buzuna, a dala: Gol alo mei ma pad’eï woi kur ambas sa Ezipte-d’ina ba wana!

Buzuk ka Abud’a 34:17

Ar agi yorogi alo ma kaweina d’i.

Isai 42:17

Suma a tin huruzi yam fileina ki suma a nga de mi kawei ma yora ala: Agi nalo mamina na, a mba didak bugolo, a mba mang ngei abo zulona mi.

Isai 42:8

An ni Ma didina. Wana ni simiyênu! An mba ni he subur manda malo ma ding ngi, an mba ni ar hu manda mi fileina d’uo mi.

Isai 45:16

Gola! Suma a min fileinina a mbut zulona, a tchuk susub’ok, a nga i ki yazi tchoka kä.

Ezekiyel 20:7

An dazi ala: Ar nge nge pî mi ar ahle suma ndjendje suma mam nga mi le d’od’oka kazina woyo, ar agi mbud’ugi tagi ndjendjed’a ki filei ma Ezipte-na d’i. An ni Ma didina Alo magina.

Ezekiyel 8:10

An ni kala, ni gol yina. An wahle suma a hle tazi d’igi ahle suma a dram kä na na na kahle suma a hle tazi d’igi ahle suma ari suma ndjendjed’a na na ki filei ma Israel-lâ a ndjaram akulo huyok gulumuna a nguyum mbei d’uhlâ pet mi.

Ezekiyel 8:3

Mi mad’ï vana mi hle tam d’igi abona na, mi van tumus sa kanda. Kur vama ndum mbei ma mi tcholï ata Alonina, Muzu’â mi hlan ndei akulo aduk andaga kakulod’a, mi i tinin avo Jerusalem avun agrek ma krovona abo ma norâ, ni yima a tin nga filei ma Alona hurum nga mi zal kama kuana.

Sunda hi suma hi Levi-nid’a 19:4

Ar agi mbud’ugi iragi ata alo ma hawa ya’â d’i, agi yorogi kaweina alona d’uo mi, kayam an ni Ma didina Alo magina.

Sunda hi suma hi Levi-nid’a 26:1

Ma didina mi de kua ala: Agi lagi fileina d’i, agi tinigi angus va avorogi d’i, agi tched’egi va d’uo mi. Agi tinigi ahina d’a djif fa hle tat d’igi angus va hina d’a kur ambas magid’a á kud’urogizi d’i, kayam an ni Ma didina Alo magina.

Ndumba 12:8

An dum zlad’a ni vuna ki vuna, an tagam tan ni kur adïd’a d’i; nga mi golon tchola avoromu. Ni kayam me ba, agi nga lagi mandarâ á de zlad’a yam azong mana Moise suo ge?

Sunda hi suma a sunuzinid’a 17:29

Le ei nAlona groma ni, ar ei djib’erei ala Alona ni d’igi filei ma lora d’oze ma kawei ma hapma d’oze ma ahina ma sana mi tched’em kur d’al mamina na d’i.

Romê-na 1:23

Azi nga subur Alo ma bei matna ba na d’i, wani a nga suburî angusa hi sama matna kaluweina kahle suma lara ge pet suma asezi fifid’ina kahle suma a dram kä na mi.

Gat ta a hat á mbàd’id’a 16:22

Agi pagi ahina d’a fileina gevem mbuo mi, kayam ni vama Ma didina Alo magina nga mi minim mbuo na.

Gat ta a hat á mbàd’id’a 27:15

Sama mi langus vama tcheta mi yor kawei mala ni sun nda ndjendje d’a sana mi lat kabom kur d’al mamid’a ba, mi tinit nga gumun á kud’urod’u ni, Ma didina mi gum vuna! Ablau suma petna a hulong ded’a ala: Amin!

Gat ta a hat á mbàd’id’a 5:8

Ar ang tchet vama hle tam ki vama akulona d’oze ki vama yam andagad’ina d’oze ki vama aduk mbina kä ad’u andagad’ina d’i.

Vama ndum mbeina 16:2

Malaika ma avo’â, mi vo mama yam andagad’a. Ata yi máma, ndod’i ma tcho ma bei tchila ba na, mi wet tei yam suma a nga ki nomrod’a hambur máma atazina ki suma a kud’or vama a yoromzina.

Vama ndum mbeina 9:20

Ad’u suma a ar bei tchid’a abo ahle suma hindi ndazinina, a mbut nga huruzi yam ahle suma azi tazi lazina d’i. A ar nga bei kud’or muzuk ma tchona ki filei ma a lum ki lora ki ma kawei ma hapmina ki ma kawei ma hleuna kahinad’a kagunina d’i. Nahle suma ndak nga á wed’a d’oze á humba d’oze á tita d’uo na.

Suma ka sariyad’a 17:3

Mika mi he bege ndata masumu. Asum mbi dala: An min tin bege ndata irat vat kabon mi Ma didina, an min ki filei ma a gulud’um ki kawei ma yorina mi ang gorona. Ni kayam ndata ba, an nga ni hangziya.