Buzuk ka Abud’a 20:3 - Bible azumeina

³ Ar ang kud’or alo ma ding ngi.

Buzuk ka Abud’a 20:3 ပူးပေါင်းရင်းမြစ်များ

1 Amuleina 11:4

Wani kid’a Salomon mi mbut mamarid’a, amiyôma a tanam á kud’or alo ma dingâ teteng, kayam mi le nga yam Ma didina Alo mama ki hurum pet d’igi abum David na d’i.

Sawal la giled’a 29:2

agi dagi woi yam subura hi Ma didinid’a, agi grivigi kä avok Ma didina kahle magi suma a tinizi irazi vazina.

Sawal la giled’a 73:25

An nga ni ki nge ma ding sä akulo ge? Ni ang tu d’uo zu? Ata yima an nga ki sed’engâ, an nga ni le furîd’a yam vama ding ka hî yam andagad’a d’i.

Sawal la giled’a 81:10

Ar a fe alo ma ka zlad’a avo hatagi d’i! Ar agi grivigi kä avok alo ma ding nguo mi.

Sawal la giled’a 81:9

Sum mana, agi humugiya, an nga ni gagi humagiya! Israel-lâ, ladjï agi tinigi humagi á humunu ni!

Buzuk ka Abud’a 15:11

Ma didina, ni nge ba, aduk alo ma tetengâ d’igi ang na ge? Ni nge ba, ma kal papa ma yed’et ma kal tegles ma ndak á hud’a ma lahle suma ndandalâ d’igi ang na na ni nge ge?

Buzuk ka Abud’a 20:23

Ar agi yorogi vama kawei ma hap poze vama lora á mbud’um alo ma dingâ á kud’urom zlapa ki an tu d’i.

Buzuk ka Abud’a 22:19

Sama bur ki d’uwarîna, mbeî agi tchum mbeyo.

Buzuk ka Abud’a 23:24

Ata yi máma agi grivigi kä avok alo mazina á kud’urom mbi, agi lagi fileina d’igi azi nga le na d’uo mi. Wani agi b’lagagi alo mazina woyo, agi tozi filei mazi ma tcheta woi kakaf mi.

Buzuk ka Abud’a 32:8

A d’es wa woi atogo zak kur lovot ta an tagazizid’a, a yor wa gor amuhlâ, a grif wa kä avoromu, a hum wa ahle suma ngat buzuna, a dala: Gol alo mei ma pad’eï woi kur ambas sa Ezipte-d’ina ba wana!

Buzuk ka Abud’a 34:14

Ar agi grivigi kä avok alo ma ding ngi, kayam an Ma didina simiyên ala Yungôrâ. An nAlo ma yungôrâ mi.

Isai 26:4

Agi dengêgi tagi ata Ma didina teteu, kayam mam mi ahinad’a hatchogoi d’a lara ge pet.

Isai 42:8

An ni Ma didina. Wana ni simiyênu! An mba ni he subur manda malo ma ding ngi, an mba ni ar hu manda mi fileina d’uo mi.

Isai 43:10

Ma didina mi dala: Agi ni glangâs mana, agi nazungeî man suma an managina. Ar agi wagiya, ar agi hagi gagazid’a kanu, ar agi wagi ad’ud’a ala avogon alo ma ding nga d’i, blogon alo ma ding nga d’uo mi.

Isai 44:8

Ar agi lagi mandar ri, ar agi zlagagi d’uo mi. An dagi yam ahle ndazina avok kuo zu? An dagizi woi avok mi d’uo zu? Agi ni glangâs mana. Alo ma ding nga woi keng vam zu? Ahina d’a ngom ta d’a ding nga d’i, an wat nga d’uo mi.

Isai 46:9

Agi djib’eregi yam ahle suma kalâ, kayam an nAlona, ma ding nga d’i. An nAlona, ma hle tam d’igi an na na nga d’uo mi.

Jeremi 25:6

Ma didina mi dala: Le agi zlabagi nga kalo ma dingâ á lum sunda á kud’urom mbuo, le agi zalan nga hurun ki filei ma agi tched’em kabogina d’uo mi ni, an mba ni lagi vama tcho hina nde d’i.

Jeremi 35:15

An nga ni sunugi azungeî man suma djok vuna pet, an nga ni sunugizi burâ ki burâ á dagi ala: Nge nge pî adigagi mi ar tit mam mba tchod’a, mi hulongîya. Agi aragi sun magi d’a tchod’a woyo, ar agi zlabagi tagi kalo ma dingâ á kud’urom mbi. Hina wani, agi mba kagagi kur andaga d’a an hagizi zlapa kabuyogi ngolod’a. Wani agi tinigi nga humagi á humba d’i, agi gagi nga yagi kä ad’un nduo mi.

Jeremi 7:9

Ni me na ge? Agi nga kulugiya, agi nga tchagi matna, agi nga lagi mizeuna, agi nga gunugi tagi ir gurzula, agi nga hagi dubang ma his djivid’ina mi Bäl, agi nga zlabagi kalo ma ding ma agi wum nga d’uo na.

Daniel 3:18

Amulâ, le Alo mamina mi min á prud’umi woi d’uo pî, ami nga dang ngei mbak, ami ndak á lami sunda malo mangâ d’oze kud’uromi filei ma yor ma lor ma ang tinim akulona d’uo mi!

Wana ni mbaktumba hi Oze-d’a 13:4

An ni Ma didina Alo magina ei yam andaga d’a Ezipte-d’a dei, agi wagi nga alo ma ding ngi, ni an tu. Ma sut ma ding nga d’i, ni an tu mi.

Matiye 4:10

Jesus mi hulong dum ala: Seitan, ang huttcha woi dei, kayam a b’ir kur mbaktumba hAlonid’a ala: Ang kud’orî Ma didina Alo mangâ, ni mam tu go ba, ang lum sunda.

1 Korente-na 8:4

Hina, yam ted’a hahle suma a ngad’azi buzuna mi fileinina, ei wei ala: Fileina ni vama gagazi kur duniyad’a ka hî d’i, wani Alona ni tu go.

1 Korente-na 8:6

wani yam eya, Alona ni tu, nAbuya, ni Ma ahlena pet a tcholï atama; ei ni sum mama mi. Ei wei ala Salad’a ni tu mi, ni Jesus Christ, ni Ma ahlena pet a nga kama; ei nga karid’a ni yam mam mi.

Efes-sâ 5:5

Agi wagi woi tetet ala sama mizeuna, sama le sun nda ndjendjed’a, sama le d’od’oka yam beged’ina, nala ma tuwal fileina, suma hina na a mba te leud’a hi Christ-sa kAlona d’i.

Gat ta a hat á mbàd’id’a 5:7

Ar ang kud’or alo ma ding ngi.

Gat ta a hat á mbàd’id’a 6:14

Ar agi zlabagi kalo ma ding ma aduk alona teteng hi suma a nguyugina d’i,

Gat ta a hat á mbàd’id’a 6:5

Ang le yam Ma didina Alo mangâ ki hurung pet ki tang pet kad’engêng pet mi.

Filip-ma 3:19

Sum ndazina, dabi mazid’a ni bad’a, alo mazina ni hayaziya. Azi nga subur tazi yam ahle mazi suma zulona, djib’er mazid’a ni yam ahle suma yam andagad’a ka hina go.

Kolos-sâ 2:18

Ar sa mi yogi wurak magid’a ata lovot ta ge yamba kä kukud’uk á kud’or malaikana d’i. Sama hina na mi tin djib’er mamba ni yam ahle suma a nde tazi woi irama. Ni sama yam mba ad’enga kur djib’er mamba hi hliwim mba hawa yakina,

Vama ndum mbeina 19:10

Ata yi máma, an puk kä asem á kud’uromu, wani mi dan ala: Ang gol tang djiviya, an ni ndrang ma sunda d’igi b’oziyong suma a ve zla d’a gagazi d’a Jesus mi ndat teid’a na. Ang kud’orî Alona hol. Zla d’a gagazi d’a Jesus mi ndat teid’a, ti zut suma djok vun Alona á dat teyo.

Vama ndum mbeina 22:9

Wani mi dan ala: Ang gol tang djiviya. An ni ndrang ma sunda d’igi ang na, d’igi b’oziyong suma djok vun Alona azi ki suma pet suma a ge yazi kä ad’u zla d’a kur mbaktum ndatid’a na. Ang kud’orî Alona hol.

Suma ka sariyad’a 6:10

An dagi ala: An ni Ma didina Alo magina. Agi lagi mandara alo ma teteng ma hi suma Amor suma agi nga kaka yam ambas mazid’ina d’i. Wani agi humun nga vunan ndi.