Buzuk ka Abud’a 20:16 - Bible azumeina

¹⁶ Ar ang le glangâs ma aboina yam ndrangâ d’i.

Buzuk ka Abud’a 20:16 ပူးပေါင်းရင်းမြစ်များ

Sawal la giled’a 15:3

Ni sama nga mi de zla d’a kad’a d’uo na, ni sama nga mi le ndram tcho d’uo na, ni sama nga mi ngul ndram ma azina d’uo na mi.

Buzuk ka Abud’a 23:1

Ma didina mi de kua ala: Agi tid’igi avun suma ki zlad’a aboina d’i, agi ndjagagi vunagi ki sama asa’atna á le glangâs ma aboina á ndjunum mbi.

Zla d’a d’ogolâ 10:18

Sama nga mi ve sana kurum gumuna ni sama ka zlad’a, wani sama lilid’a nga mi tchuk zla d’a aboina yam ndrama aduk suma.

Zla d’a d’ogolâ 11:13

Sama nga mi tchuk zla d’a aboina yam ndrama aduk sumina, nga mi de woi yam zla d’a gumunda, wani sama mi nga ki djib’er ra iratina, mi ngeyet ni kä kurumu.

Zla d’a d’ogolâ 19:5

Sama mi le glangâs ma aboinina, zlad’a nga d’i ba bei vum mbi; sama ka zlad’a heîna, mba mi prut tei bei zlad’a vum mbuo mi.

Zla d’a d’ogolâ 25:18

Sama le glangâs ma aboina yam ndramina, mi ni d’igi tatagama d’oze mbigeu d’a fiyak ka siyat mbàd’a d’oze mi ni d’igi yeû d’a vunat feta dedelemba na.

Sunda hi suma hi Levi-nid’a 19:11

Agi kulugi d’i, agi kagi tagi zlad’a d’i, agi lobogi ir tagi d’uo mi.

Sunda hi suma hi Levi-nid’a 19:16

Ang tchuk zla d’a aboina yam sum mangâ d’i, ang tchol ki zla d’a aboina á tchi ndrangâ d’uo mi, kayam an ni Ma didina.

Sunda hi suma hi Levi-nid’a 19:18

Ang hlatchugul li, ang ve sum mangâ grozina kurung ngi, ang le yam ndrangâ d’igi ang tanga na, kayam an ni Ma didina.

Matiye 19:18

Sa máma mi dum ala: Ni vun ma he ma lara d’ei ge? Jesus mi dum ala: Ang tchi sa d’i, ang le mizeu d’i, ang kul li, ang le glangâs ma aboina d’i.

Wana ni Zla d’a Djivi d’a Luc mi b’irita 3:14

Azigarâ a djobom ala: Ami lami ni nana ge? Mi hulong dazi ala: Agi vagi va abo sa kad’enga d’i, agi tchugugi zla yam sa hawa yak ki, agi tinigi hurugi ni yam wurak magid’a go.

Sunda hi suma a sunuzinid’a 6:13

A yoï suma glangâs suma ka zlad’a suma a dala: Sa máma mi ar nga á de zla d’a tchod’a yam gong mei d’a kud’ora hAlonid’a ki gata hi Moise-sa d’i.

Efes-sâ 4:31

Zla d’a aglara pet kayîna ki hur ma zala ki yalâ ki ngula, ar agi pad’azi woi pet adigagi zlapa kasa’ata pet mi.

Gat ta a hat á mbàd’id’a 5:20

Ar ang le glangâs ma aboina yam ndrangâ d’i.

1 Timote 1:10

yam suma mizeuna, yam suma bur ki ndrozi andjofîna, yam suma kul suma, yam suma ka zlad’a, yam suma gun tazi ir gurzulina, yam suma a lahle suma kak djangûna ki hat ta gagazid’ina pet mi.

2 Timote 3:3

Azi ni suma asa’atna, suma bei we hohowa sumina, suma kad’ud’a, suma bei ve tazina, suma murud’umba, suma a kak djangûna ki djivid’ina.

Jacques 4:11

B’oziyona, ar agi dagi zla d’a tchod’a yam tagi d’i. Le sana mi de zla d’a tchod’a yam wiyema d’oze mi ka sariyad’a kamu ni, mi ka’î djangûna ki gata, mi ka ni sariyad’a yam gata mi. Le angî sama ka sariyad’a yam gatina ni, angî sama nga mi tit yam gatina d’i, wani angî ma ka sariyad’a katna.