Buzuk ka Abud’a 20:10 - Bible azumeina

¹⁰ Wani bur ma kid’iziyana ni bur ma sabat ma ang tinim iram vam yam an Ma didina Alo mangîna. Ar ang le sunda kua d’i, nala, ang tanga, gorongâ, goronga, azong mangâ, wei manga, d’uwar mangâ d’oze angei ma nga kaka avo hatangâ.

Buzuk ka Abud’a 20:10 ပူးပေါင်းရင်းမြစ်များ

Nehemi 10:31

Ami hlami vunami kua ala le andjaf suma yam andaga d’a wandina a mbami ni ki vama gus soze vama tena á guzum mbei kur bur ma sabatna d’oze kur bur ma luna ni, ami mba guzum abozi d’i. Ami hlami vunami kua ala ami mba arami asinemi gumur kä bizad’a kid’iziya, ami mba tezemi sa á wuragami bal luo mi.

Buzuk ka Abud’a 16:26

Agi mba yogizi gak burâ karagaya, wani bur ma kid’iziyana ni bur ma sabatna, agi mba fum mbi.

Buzuk ka Abud’a 31:13

Ang de mi Israel-lâ ala: Alona mi dala: Agi aragi bei ngom bur man ma sabatna d’i, kayam mam mba mi arî vama taka adigagi ki an kur atchogoi magid’a pet. Ni kayam ndata ba, agi mba wagi ala ni an Ma didina ba, ni managi ni tinigi iragi vagiya.

Buzuk ka Abud’a 34:21

Agi lagi sunda burâ karagaya, agi ngomogi bur ma kid’iziya ma sabat ma tuk tad’a. Le ni ata yima zuma d’oze ata yima duta pî, agi ngomomu.

Buzuk ka Abud’a 35:2

Agi lagi sunda burâ karagaya, wani bur ma kid’iziyana agi tinim iram vamu; ni bur ma sabat ma tuk tad’a. Agi tinim iram vam yam Ma didina. Sama lara pî ma le sunda kurâ, a mba tchum mbeyo.

Ezekiyel 14:7

Kayam ma Israel ma lara d’oze angei ma nga kaka aduk Israel-lâ ma mi wal lei ki sed’en ma mi tin hurum yam filei ma nga mi zud’um á le tchod’ina, le mi mba gen ma djogon vunana ala mi djobon kamu ni, ni an Ma didina ba, mba ni hulongôn humba ni an tanda.

Sunda hi suma hi Levi-nid’a 23:3

Agi mba lagi sunda burâ karagaya, wani bur ma kid’iziyana ni bur ma sabat ma tuk tad’a. Agi togogi tok ka a tinit irat vata. Ata yima lara ma agi mba kagagi kuana, agi lagi sunda kur bur máma d’i, kayam ni bur ma sabatna hi an Ma didinina.

Wana ni Zla d’a Djivi d’a Luc mi b’irita 23:56

A hulong avo á min ahle suma his suma afufuîna ki mbul ma his djivid’ina mi. Azi tuk tazi kur bur ma sabatna d’igi gata ti de na.