Buzuk ka Abud’a 19:18 - Bible azumeina

¹⁸ Andosâ mi rip yam ahina d’a Sinai-d’a ririp, kayam Ma didina mi tchugï asem kä aduk akud’a. Andos máma mi tchol akulo d’igi andosâ halam mba ngolina na, ahinad’a ki zla tat pet ti giget ngola.

Buzuk ka Abud’a 19:18 ပူးပေါင်းရင်းမြစ်များ

Ad’u Tinda 11:5

Kayam ndata, Ma didina mi tchugï asem kä á gol azina ki gong nga fiyak ka akulo d’a suma a nga minita.

Ad’u Tinda 15:17

Kid’a afata nik dad’a, yina mbut nduvunda i’îlik. Gola! Ata yi máma andos nga mi buzugï aduk akud’a ki sin akud’a bibiliu a nga kal aduk hliu ma mi walam mbeina.

Ad’u Tinda 19:28

mi gol iram abo ma Sodom ki ma Gomor-râ ki ful mata pet, mi we andosâ nga mi d’us yam andagad’a d’igi andosâ halamba ngolina na.

Nehemi 9:13

Ang tchuk aseng kä yam ahina d’a Sinai-d’a, ang dazi zlad’a ei akulo, ang hazi gat ta d’ingêra, hat ta gagazid’a ki vun ma he ma djivi ma kal teglesâ mi.

Sawal la giled’a 104:32

Ang gol andagad’a, andagad’a ti zlaga, ang do ahuniyôna, andosâ rip kaziya.

Sawal la giled’a 114:4

Ahuniyôna a nga gal d’igi gamlâna na, ahuniyô suma gureina a nga dubar d’igi gro aho’â na mi.

Sawal la giled’a 114:7

Ndak andagad’a, ndak zlak avok Salad’a, avok Alona hi Jakob-ma.

Sawal la giled’a 144:5

Ma didina, ang hud’ï akulo manga kä go, ang tchugï aseng kä, ang do ahuniyôna kabongû, ar azi fo akud’a.

Sawal la giled’a 18:9

Andosâ buzuk kei atchinamu, sin akud’a nde woi avunamu, nga d’i yak kä tchutchum d’igi gordjona na.

Sawal la giled’a 68:9

andagad’a ti yira, akulod’a ti se alona avorongû; ahina d’a Sinai-d’a ti yir avorong ang Alona, Alona hi Israel-lîna.

Sawal la giled’a 77:18

D’ugula nga d’i se mbina kûkû, d’ugula nga d’i breî mi. Gagazi, wile manga nga d’i djang kikilir ata yina pet d’igi yeûd’a nga d’i djang na.

Sawal la giled’a 77:19

Del la breîd’a halo mangîd’a, ti nga aduk mbirlimba, wiled’a nga d’i b’o yam suma kur duniyad’ina, andagad’a nga d’i le mandarâ, nga d’i yir mi.

Buzuk ka Abud’a 19:13

Sa mba mi tin abom atam mbi, wani a mba durumî kahinad’a, d’oze a mba yed’emî ki yeûd’a. Le ni sana d’oze d’uwarâ, a mba aram bei tchid’a d’i. Ata yima adifa tchina, suma an manazina a djak akulo yam ahinad’a.

Buzuk ka Abud’a 19:17

Moise mi buzuk suma woi kur kangâ á d’ugol Alona; azi tchol kä ad’u ahinad’a.

Buzuk ka Abud’a 20:18

Israel-lâ pet a hum breîd’a halonid’a ki tchina hadifina, a we wiled’a kandos ma nga mi d’us yam ahinad’ina, a nde zlaka abo ahle ndazina, a tchol sä woi hina dei.

Buzuk ka Abud’a 24:17

Subura hi Ma didinid’a ti nde woi ir Israel-lâ ni d’igi sin aku d’a nga d’i ngal akulo yam ahinad’id’a na.

Buzuk ka Abud’a 3:2

Malaikana hi Ma didinina mi nde tam mbei iram aduk sin akud’a aduk azlupa. Moise mi nde gola. Gol wani, azlupa vakud’a, wani ti nga d’i ngal li!

Buzuk ka Abud’a 34:2

Ang min tang avin yorogo tcholol, ang djak akulo yam ahina d’a Sinai-d’a, ang tchol akulo avoron yam ahinad’a yat ta ked’iwurenga.

Isai 6:4

Agu ma vun gongina mi yir abo delezi d’a de zlad’a, andosâ mi rip kur gonga ririp.

Isai 64:1

Ang mbut ni d’igi aku d’a ti ngal tchagalakid’a na, d’igi aku d’a ti zal mbinid’a na, tala mang suma djangûna a wang simiyêng andjaf suma a zlak avorongû d’a.

Jeremi 4:24

An gol ahuniyô suma fuyogeina, a nga giged’a; yima ndingâ nga mi giget mi.

Habakuk 3:6

Alona mi tchol akulo, andagad’a nga d’i giged’a; nga mi gola, andjaf suma a nga zlaga; ahina d’a dedeid’a nga d’i wizek keyo, ahina d’a gurei d’a djodjohla nga d’i galal leyo. Lovota ti mal lei avoron d’igi ti nga nadjeu dedei na.

Zakari 14:5

Ata yi máma agi mba ringîgi kur hor ra aduk ahuniyô manid’a, kayam hor ndata mba d’i i gak Asal. Agi mba ringîgi d’igi abuyogi ngolo a ring abo giget ta andagad’a ti giget kur atchogoid’a hi Oziyas amul ma Juda-nid’a na. Ata yi máma Ma didina Alo mana mba mi mba ki mam suma mi tinizi irazi vazina.

Matiye 24:7

Kayam andjaf ma dingâ mba mi tchol djangûna kandjaf ma dingâ, leu d’a dinga mba d’i tchol djangûna ki leu d’a dinga, baktarad’a mba d’i nde, andagad’a mba d’i yir gigidji ata yina teteng mi.

Gat ta a hat á mbàd’id’a 33:2

Mi dala: Ma didina mi tcholï yam ahina d’a Sinai-d’a, mi mba mi tak tam mbei kazi yam ahina d’a Seir-ra, mi b’o yina woi yam ahina d’a Paran-nda. Mi ndeï aduk malaika mam suma dudubuna, gat ta akud’a nga ved’a abom ma ndjufâ kaziya.

Gat ta a hat á mbàd’id’a 4:36

Ei akulo mi tagagï delem mbei á had’agiya. Yam andagad’a ka hî mi tagagï aku mamba ngola. Agi humum zla mam mba ded’a aduk akud’a mi.

Gat ta a hat á mbàd’id’a 5:22

Wana ni zla d’a Ma didina mi dat mablau magid’a ki delem akulo yam ahinad’a, aduk akud’a, aduk d’ugula, aduk andos ma tin d’ugula ndusâ bei mi de zla d’a ding kat kua ba. Mi b’irit kä kur ahina d’a bebed’e d’a tcheta mbà, mi handjiya.

Gat ta a hat á mbàd’id’a 5:4

Ma didina mi dagi zlad’a yam ahinad’a aduk akud’a ni kä iragi na.

2 Tasaloni’â 1:7

Agi suma nga fagi ndakina, agi mba tugugi tagi zlapa ki sed’emiya, kayam fata Salad’a Jesus mi nde woi kur akulod’a ki malaika mam suma ad’engâ

2 Tasaloni’â 1:8

aduk sin akud’id’a, kur bur máma Saleina mba mi mba kayî mama yam suma a wum nga d’uo na ki suma a ge nga yazi kä ad’u Zla d’a Djivid’a hi Saleina Jesus-d’a d’uo na.

Hebre-na 12:18

Agi mbagi nga ni go kahinad’a d’igi Israel-lâ na d’i. Nahina d’a Sinai d’a suma a ndak á dot ta nga d’i ngal akud’a bibiliud’a, ni yima wurana ki nduvun nda i’îlika ki babar ma ndundulâ

Hebre-na 12:26

Ni ma delem mbi giget andagad’a kur bur mámina, wani ki tchetchemba, mi hle vunam ala: Ar kua yan tu, an mba ni giget nandagad’a hol li, wani akulod’a mi.

2 Pierre 3:10

Wani burâ hi Salad’ina mba mi mba ni d’igi sama kula na. Kur bur máma akulod’a mba d’i kal lei ki siwel la ngola, ahle suma akulona pet akud’a mba d’i b’lagazi woyo. Andagad’a kahle suma kurutna pet a mba ngal lei mi.

Vama ndum mbeina 15:8

Andosâ nga oîd’a kur gong nga kud’ora hAlonid’a ki subura kad’enga hAlonid’a. Sana mi ndak á kal kur gong ndata d’i, gak tugud’ei d’a tcho d’a kid’iziya d’a malaikana vat abozid’a ti dap tua.

Vama ndum mbeina 9:2

Ti mal vun zul la yiyika woyo. Andosâ mi buzuk kei kur zul ndata d’igi andosâ halamba ngolina na, afata ki simetna a mbut nduvunda abo andosâ hi zula ngol ndatina.

Suma ka sariyad’a 5:5

Ahuniyôna a zlak avok Ma didina, Sinai pî ti zlak avok Ma didina Alona hi Israel-lîna mi.