Buzuk ka Abud’a 18:8 - Bible azumeina

⁸ Moise mi väd’u ahle suma Ma didina mi lazi ki Faron ki Ezipte-na yam Israel-lîna, ki ndak ka pet ta ti fazi glovot ta Ma didina mi pad’azi woi kura.

Buzuk ka Abud’a 18:8 ပူးပေါင်းရင်းမြစ်များ

Ad’u Tinda 44:34

Ni nana ba, an hulong gen abun bei gor máma ki sed’en nge? Ar an we ndak ka nga d’i mba yam abunda ki iran ndi.

Nehemi 9:32

Ki tchetchemba, ang Alo mamina, angî ma ngolâ, angî ma sib’ika, angî ma kal papana, angî ma nga ngom vun mang ma djindina, angî ma nga mi we hohowa sumina, ar ang gol ndak ka nga d’i lamid’a d’igi vama gor go hina d’i, nala, ndak mamid’a ki d’a amulei maminid’a ki d’a hi suma nglo maminid’a ki d’a hi suma ngat buzu maminid’a ki d’a hi suma djok vun maminid’a ki d’a habuyomi ki sum maminid’a pet ta ami fad’ï kur atchogoid’a hamulei suma Asiri-nid’a dei gak inid’a.

Sawal la giled’a 106:10

Mi sud’uzi woi abo suma a noyôzina, mi prud’uzi woi abo mazi suma djangûna.

Sawal la giled’a 106:8

Wani mi sud’uzi woi yam simiyêm á tak ad’eng mamba woyo.

Sawal la giled’a 107:2

Ar suma Ma didina mi prud’uzi woina a de na! Ar suma mi prud’uzi woi abo mazi suma djangûna,

Sawal la giled’a 66:16

Agi suma pet suma lagi mandara Alonina, agi mbeyegiya, agi humugiya; an mba ni dagi yam ahle suma mi lazi kana.

Sawal la giled’a 81:7

An hlaneka woi kangû, ang tchuk abong ngei ata gagalagad’a mi.

Buzuk ka Abud’a 15:16

Vunadigazi mba d’i pat fek, mandarâ mba mi lazi ngola. Yam ad’eng mang nga ang tagat teid’a, azi mba ngel lei d’igi ahinad’a na gak sum mangâ a mba kal tua, gak suma ang prud’uzi woina a kal tua mi.

Buzuk ka Abud’a 15:6

Ma didina, abong ma ndjufâ mi tak ad’eng manga woyo. Ma didina, abong ma ndjufâ mi hahl mang suma djangûna woyo.

Buzuk ka Abud’a 16:3

Israel-lâ a dazi ala: Ladjï agi arami Ma didina mi tchami sä avo yam ambas sa Ezipte-d’a ata yima ami nga kaka avun duguyo suma hliuna ata yima ami nga tami avungôna hobomi ki na pî ni, kal luo zu? Gola! Agi mbami woi abagei hur fulâ á tchagi ablau d’a tchotcho d’a wanda woi ki meid’a wana.

Buzuk ka Abud’a 18:1

Jetro ma ngat buzu ma Madiyan-na, Moise akunoma, mi hum ahlena pet suma Alona mi lazi yam Moise ki mam suma Israel-lîna ala: Ma didina mi buzuk wa Israel-lâ woi kur Ezipte.

Buzuk ka Abud’a 2:25

Alona mi we Israel-lâ, mi djib’er kaziya.

Buzuk ka Abud’a 23:23

Malaika mana mba mi tit avorogiya, mba mi igi kur ambasa hi suma Amor-râ, hi suma Het-na, hi suma Peris-sâ, hi suma Kanan-na, hi suma Hef-fâ ki d’a hi suma Jebus-sîd’a; an mba ni dap sum ndazina woi avorogiya.

Buzuk ka Abud’a 4:23

An nga ni dangû, ang ar gorona mi iya, kayam mi lan sunda. Le ang aram mi i nga d’uo ni, an mba ni tchang gorong ma ngolâ woyo!

Buzuk ka Abud’a 7:4

Faron mba mi humugi d’i. An mba ni ngop Ezipte-na, an mba ni buzuk man suma Israel-lâ woi kur ambas sa Ezipte-d’a ad’u adezezi ki ngop pa tchod’a.

Buzuk ka Abud’a 7:5

Ata yima an mba ni ngop Ezipte-na, ni buzugï Israel-lâ woi adigazina, azi mba wala an ni Ma didina.

Ndumba 20:14

Ni hur ful ma Kades-sâ ba, Moise mi tchuk sunda ata amul ma Edom-ma, mi dum ala: Ang hum zlad’a hi ami b’oziyong Israel-lîd’a: Ang we ndak ka mba kamid’a pet.