Buzuk ka Abud’a 18:23 - Bible azumeina

²³ Le ang le na, Alona mi hang vuna hina mi ni, ang mba ndaga, ablau suma petna a mba hulong avo hatazi ki hur ma b’lenga.

Buzuk ka Abud’a 18:23 ပူးပေါင်းရင်းမြစ်များ

Ad’u Tinda 18:33

Kid’a Ma didina mi de zlad’a mi Abraham dad’a, mi iya; Abraham mi hulong avo hatam mi.

Ad’u Tinda 30:25

Bugol la Rachel ti vut Josef vuta, Jakob mi de mi Laban ala: Ang aran an i avo hatan yam andaga manda.

2 Samuel 18:3

Ablaud’a ti dala: Hawa yak! Ang nga i d’i, kayam le ami ringîmiya ni, sa mba mi djib’er kami d’i. Le a tchi suma hiuna adigami pî, sa mba mi djib’er kami d’i. Wani ki tchetchemba, ang adigami ni d’igi suma 10.000 na; djivid’a ang kak avo, ang mba ndjunumiya.

2 Samuel 19:39

Ata yima suma pet kamulâ a djak alum ma Jurdê-na woina, amulâ mi bet Barzilai kok, mi b’e vunam kamu. Barzilai mi hulong avo hatamu,

2 Samuel 21:17

Wani Abisai Seruya gorotna mi mba mi ndjun David, mi tchi ma Filistê máma. Ata yi máma suma hi David-na a gun tazi a de mi David ala: Ang dok i dur ayîna ki sed’emi tala ang tchi vun adjo ma ar helâ hi Israel-lîna woi d’uo d’a.

Buzuk ka Abud’a 16:29

Gola! An hagi bur ma sabatna. Ni kayam ndata ba, an hagi tena kur bur ma karagayana ir burâ mbà ni na. Ar nge nge pî mi kak ata yima mi nga kuana, ar sa mi nde woi kur bur ma kid’iziyana ata yima mam nga kaka kuana d’i.

Buzuk ka Abud’a 18:18

Ang tang mba kau mi na, suma ki sed’engâ a mba kau mi, kayam sun ndata aneka kang heî. Ang ndak á lat vang tu d’i!

Buzuk ka Abud’a 18:22

Ar azi ka sariyad’a yam suma burâ ki burâ, ar azi mbeï ki zla d’a nglod’a avorongû, ar azi ka sariya d’a gureid’a. Hina wani, a mba hlaneka woi kangû, ar azi zit zlapa ki ang mi.

Buzuk ka Abud’a 18:24

Moise mi hum vun akunoma, mi lahlena pet suma mam dum kazina,

Sunda hi suma a sunuzinid’a 15:2

Ata yi máma, Paul azi ki Barnabas a tchi tuguyod’a ki sed’eziya, a yal tazi ngola. B’oziyoina a man Paul azi ki Barnabas ki b’oziyoi suma ding suma Antiyos-sâ á i Jerusalem gen suma a sunuzina ki suma nglona á djobozi yam zla ndata.

Galat-na 2:2

An iya, kayam Alona tagan ala an iya. An vazi ad’u Zla d’a Djivi d’a an tchat walat aduk andjaf suma dingîd’a. Wani an väd’u zla ndata ni mi suma avorozina woi vaziya, kayam sun man nda avoka ki d’a tchetchemba a mbut vama hawana d’i.

1 Samuel 8:22

Ma didina mi de mi Samuel ala: Ang hum zla mazid’a, ang tinizi amulâ. Bugola, Samuel mi de mi Israel-lâ ala nge nge pî, mi hulong avo hatamu.