Buzuk ka Abud’a 18:20 - Bible azumeina

²⁰ Ang had’azi vun ma hed’a ki gata, ang tagazi lovot ta ndak azi tit kuad’a ki sun nda azi ndak á lata mi.

Buzuk ka Abud’a 18:20 ပူးပေါင်းရင်းမြစ်များ

Sawal la giled’a 143:8

Ki yorogod’a ang aran an hum zla o mang nga bei dabid’a ba d’a, kayam an tin hurun ni kayam angû. Ang tagan lovot ta ndak an tit kuad’a, kayam an he tan ni mi angû.

Sawal la giled’a 32:8

Ma didina mi dala: An mba ni had’angû, an mba ni tagang lovot ta ang tit kuad’a, an mba ni dang d’alâ, an mba ni tin iran kang mi.

Buzuk ka Abud’a 18:16

Le zlad’a mba adigaziya ni, azi mba avoronu; an kazizi irat teyo, an tagazi vun ma hed’a hAlonina ki gat mamba mi.

Isai 30:21

Fata agi mba d’ezegi woi abo ma ndjufâ d’oze abo ma gulanid’a, agi mba humugi zla d’a ded’a blogogi ala: Lovota avorogi wana! Agi hlagiziya!

Jeremi 42:3

Ar Ma didina Alo mangâ mi tagami lovot ta ndak ami hlata ki vama ami luma mi.

Jeremi 6:16

Ma didina mi de kua ala: Agi i tchologi avun lovota, agi gologiya, agi dagi tagi yam lovot ta adjeud’a ala: Lovot ta djivid’a ni d’a lara ge? Agi tid’igi kuru. Hina wani, agi mba fagi tuk tad’a. Wani azi hulong dala: Ami min tid’imi kur ri.

Ezekiyel 3:17

Ang gor sana, an tining ma ndjola yam Israel-lâ. Ang mba hum zla d’a ndavunanda, ang mba gazi humazi yam zla d’a tcholï atanda mi.

Mise 4:2

Suma ablau ndazina a mba i kua, a mba dala: Agi mbeyegïya. Ei i djagei akulo yam ahinad’a hi Ma didinid’a kur gong nga kud’ora hAlona hi Jakob-mid’a, kayam mi had’ei gat mamba. Ar ei tid’i kur lovot mam mba mi tageizid’a. Kayam Gata mba d’i tcholï ni Siyon, zlad’a hi Ma didinid’a mba d’i tcholï ni Jerusalem mi.

Matiye 28:20

Agi had’azi á ngom ahlena pet suma an hagi vuna kazina. Gola! An nga ki sed’egi teteu gak dabid’a hi duniyad’id’a mi.

Marik 13:34

Bur máma mba mi ka’î d’igi sama mi i akoid’a yam andaga d’a dinga na. Mi ar aziyam abo azungeî mama á gola, mi he nge nge pî sun mamba á led’a, mi gat sama ngom vun azina ala mi kak ki ndjola.

Gat ta a hat á mbàd’id’a 1:18

Nata yi máma ba, an tagagi ahlena pet suma agi ndak á lazina.

Gat ta a hat á mbàd’id’a 4:1

Moise mi dazi kua ala: Agi Israel-lâ, agi humugiya! Agi tid’igi yam gata ki vun ma he ma an nga ni hagizina, kayam agi kagagi karid’a, agi kalagi kur ambas sa Ma didina Alona habuyogi ngolona mi hagizid’a mi.

Gat ta a hat á mbàd’id’a 4:5

Agi wagiya, an had’agi gata ki vun ma hed’a d’igi Ma didina Alo mana mi han vuna na kayambala fata agi kalagi kur ambas sa agi mba hlat á kagagi kura, agi tid’igi kaziya d’a.

Gat ta a hat á mbàd’id’a 5:1

Moise mi yi Israel-lâ pet, mi dazi ala: Agi Israel-lâ, agi humugi gata ki vun ma he d’a suma an nga ni dagizi inina, agi ngomogiziya, agi tid’igi kazi mi.

Gat ta a hat á mbàd’id’a 5:27

Ang tang hut go, ang humï ahlena pet suma Ma didina Alo meina mba mi dangzina, ang mba hulongômi ahlena pet suma Ma didina Alo meina mba mi dangzina ded’a. Ami mba humuziya, ami mba lami sunda kazi mi.

Gat ta a hat á mbàd’id’a 7:11

Agi ngomogi vun ma hed’a ki gat ta teteng nga an hagizi inid’a, agi tid’igi kat mi.

1 Tasaloni’â 4:1

B’oziyomina, vama arâ, ami nga tchenegiya, ami nga gigid’egi ki simiyê Salad’a Jesus d’igi ami had’agi avok na, ni nana ba, agi tid’igi tit ta lAlona tam djivid’a ge. Ki tchetchemba, agi nga lagi na mi, ar agi igi iragi avogovogo.

1 Samuel 12:23

Wani an nga ni ve tan ad’enga ped’et á tchen Ma didina kagiya. Le d’uo ni, an le ni tchod’a avoromu. Wani an mba ni tagagi lovot ta djivi d’a d’ingêra.