Buzuk ka Abud’a 18:12 - Bible azumeina

¹² Jetro Moise akunoma mi yo he d’a hawa d’a ngala ki he d’a hawa d’a ngat buzuna á hed’a mAlona. Aron azi ki suma nglo suma Israel-lâ pet a mba, a te tena ki Moise akunoma avok Alona.

Buzuk ka Abud’a 18:12 ပူးပေါင်းရင်းမြစ်များ

Ad’u Tinda 12:7

Ma didina mi nde tam mbei ir Abram, mi dum ala: An mba ni handaga ndata mi grong ngolona. Kayam ndata, Abram mi min yima ngal ahle suma ngat buzuna mi Ma didin ma nde tam mbei irama.

Ad’u Tinda 26:25

Ata yi máma Isak mi min yima ngal ahle suma ngat buzuna kua, mi tchen ki simiyê Ma didina, mi ve zlub’u mamba kua; azungeî mama a ka golonga kua mi.

Ad’u Tinda 26:30

Mi lazi tena; azi te, a tche.

Ad’u Tinda 31:54

Jakob mi ngat aho’â buzuna yam ahina ndata, mi yi b’oziyoma á te tena. Kayam ndata, azi a te, a bur yam ahina ndata mi.

Ad’u Tinda 4:4

Abel mi mba ki gro tumiyô mam suma d’or suma vut avo’â, mi ngad’aziya, mi he hliu ma djivi ma kalâ he d’a hawad’a mi Ma didina. Ma didina hurum ve Abel ki he d’a hawa mamba,

Ad’u Tinda 43:25

Azi min he d’a hawad’a yam mbad’a hi Josef-fa faleid’a, kayam azi hum ala mba mi te ini ki sed’eziya.

Ad’u Tinda 8:20

Noe mi min yima ngal ahle suma ngat buzuna mi Ma didina mi tinim iram vamu, mi yo aduk ahle suma djivina, aduk aluwei suma djivina pet, mi ngad’aziya, mi ngalazi woi pet yam yima ngal ahle suma ngat buzu máma.

2 Samuel 9:7

David mi dum ala: Ang le mandar ri. An min lang djivid’a yam abung Jonatan, an nga ni hulongông siliud’a habung ngolo Saul-la pet. Vama kalâ, ang mba te tena ki sed’en yam tabul mana burâ ki burâ.

2 Sunda Hamuleinid’a 30:22

Ezekiyas mi had’enga mi suma hi Levi suma a nga ki wad’ud’a yam sunda hi Ma didinid’ina. A mut ahle suma a tchazi á vun tilîna gak burâ kid’iziya, a hahle suma ngat buzu suma zlap darigïd’a, a gile Ma didina Alona habuyozi ngolona mi.

Wana ni mbaktumba hi Job-pa 1:5

Ata yima lü ma nguid’a dapma, Job mi ge sunda, mi halï groma á mbud’uzi yed’et. Mi nde iram yorogo tcholol, mi hahle suma ngat buzu suma ngala yam nge nge pî adigagiya, kayam Job mi dala: Dam grona a le wa tchod’a, a ngul wa Alona kuruzi krovo kla ge! Job nga mi le hina teteu mi.

Wana ni mbaktumba hi Job-pa 42:11

B’oziyom suma andjofâ, b’oziyom suma aropma ki suma mam wazi adjeuna pet, a mbeï gevemu, a nga te ki sed’em avo hur aziyamu, a nga yoromu, a nga b’lengêm hurum yam ndak ka pet ta Alona mi mbamzi kamba. Nge nge pî mi hum kawei ma hapma tutu ki ngangam ma lora tutu he d’a hawad’a.

Wana ni mbaktumba hi Job-pa 42:8

Ki tchetchemba, agi i yogï amuzleina kid’iziya ki gamlâna kid’iziya mi. Agi igi gen azong mana Job, i hagizi he d’a hawa d’a ngala. Azong mana Job mba mi tchen kagiya; an mba ni humumu, an mba ni lagi tchod’a yam lili magid’a d’i, kayambala agi dagi nga zla d’a gagazid’a kan d’igi azong mana Job na d’uo d’a.

Buzuk ka Abud’a 18:13

Tcha ndjivinda, Moise mi kak kä á ka sariyad’a. Israel-lâ a nga tchola avogom á kazi sariyad’a ki yorogod’a dei gak fladege.

Buzuk ka Abud’a 2:16

Ma ngat buzu ma Madiyan-na grom suma yuguneina a nga kid’iziya. A mba á gul mbina, a oî alum mba del golonga kä d’a ki mbina á hed’a mi d’uwarâ habuzina.

Buzuk ka Abud’a 2:20

Mi de mi groma ala: Sa máma tamba mi ni lara ge? Ni kayam me ba, agi aramza woi ge? Agi i yagizï mi mbeï mi te tena.

Buzuk ka Abud’a 20:24

Agi minin yima ngal ahle suma ngat buzuna kandagad’a. Agi mba han ahle suma ngat buzu suma ngala kahle suma ngat buzu suma zlap darigïd’a ki d’uwar magi ma gureina ki ma nglona kamu. Ata yima lara ma human mba d’i gan yam simiyêna, an mba ni mba gevegiya, an mba ni b’e vunan kagi mi.

Buzuk ka Abud’a 24:11

Alona mi le nga suma nglo suma Israel ndazina va d’i. Azi wumu. Bugola, azi të azi tchë.

Buzuk ka Abud’a 24:5

Mi sun gro azungeî suma Israel-lâ á hahle suma ngat buzu suma ngala mi Ma didina, á ngad’am amuzleina ahle suma ngat buzu suma zlap darigïd’a mi.

Buzuk ka Abud’a 3:1

Moise nga mi pol aho’â hakunoma Jetro ma ngat buzu ma Madiyan-na. Mi i kaho’â sä abo fulâ abo hî, mi i yam ahinad’a hAlonid’a, nala, Horep.

Buzuk ka Abud’a 33:7

Moise mi hô zlub’ud’a, mi i vattcha woi bugol kangâ dei, mi yat ala zlub’u d’a ngaf tad’a. Nge nge pî le mi min djop Alona ni, mi i ni kur zlub’u d’a ngaf ta d’a a vattcha woi bugol kangâ ndata.

Daniel 10:3

Kur dimas sa hindi ndata, an te nga te ma djivi d’oze ni mut nga hliu d’oze ni tche nga süm guguzlu d’oze ni le nga mbul atan nduo mi.

Ndumba 10:29

Moise mi de mi Hobap Rewel ma Madiyan ma akunoma goromina ala: Ami nga imi yam ambas sa Ma didina mi hle vunam kat ala: An mba hagiziya d’a, ang mbei i ki sed’emiya. Ami mba lang djivi d’a Ma didina mba mi lat mi Israel-lîd’a.

Wana ni Zla d’a Djivi d’a Luc mi b’irita 14:1

Jesus mi kal avo hi ma ngolâ hi Fariziyênina kur bur ma sabatna á te tena. Suma a nga ata yi mámina a so irazi kamu.

Wana ni Zla d’a Djivi d’a Luc mi b’irita 14:15

Sana aduk suma a nga te tena ki Jesus-na, kid’a mi hum zla ndatid’a, mi dum ala: Sama mba mi te tena kur leud’a hAlonid’ina, mi le furîd’a.

1 Korente-na 10:18

Agi gologi Israel suma a nga te vama a ngad’am buzunina. Azi nga le ni darigïd’a kAlona ata yima ngal ahle suma ngat buzuna mi d’uo zu?

1 Korente-na 10:21

Agi ndak á tchagi kopma hi Salad’ina ki kopma hi muzuk ma teteng ma tcho ma fileina zlapa tu d’i. Agi ndak á kagagi avun tabulâ hi Salad’ina ki tabulâ hi muzuk ma teteng ma tcho ma fileina zlapa tu d’uo mi.

1 Korente-na 10:31

Le agi nga tagiya, le agi nga tchagiya, d’oze le agi nga lagi ni va ni, ar agi lagi ahlena pet ná subur Alona.

Gat ta a hat á mbàd’id’a 12:7

Ni kua kolâ ba, agi ki sum magina mba tagi ahle suma djivi suma Ma didina Alo magina mba mi b’e vunam kagi agi mba fagizi kur sun magi d’a led’ina, agi mba lagi furîd’a kazi mi.

Gat ta a hat á mbàd’id’a 27:7

Agi hagi ahle suma ngat buzu suma zlap darigïd’a ni kua mi, agi tagi ni kua, agi lagi furîd’a avok Ma didina kua kolâ.