Buzuk ka Abud’a 17:6 - Bible azumeina

⁶ Gola! An nga ni tchol sä avorong sä hî yam ahina d’a Horep-pa. Ang mba wat ahinad’a, mbina mba mi djang ngei irad’u, suma a mba tchumu. Moise mi le hina ir suma nglo suma Israel-lâ.

Buzuk ka Abud’a 17:6 ပူးပေါင်းရင်းမြစ်များ

Nehemi 9:15

Ata yima meid’a tchazina, ang hazi avungô ma ei akulona; ata yima vunazi sona, ang hazi mbiyo ma buzugï aduk ahinad’ina. Ang dazi ala a i hlambas sa ang hle vunang kat á hazizid’a.

Sawal la giled’a 105:41

Mi mal ir ahinad’a, mbina buzuk keyo, mi djang hur ful ma gangrasâ d’igi aluma na.

Sawal la giled’a 114:8

Mi mbut ahinad’a apod’a, mi mbut ahina d’a ad’enga golong nga laud’a mi.

Sawal la giled’a 74:15

Angî ma nga lau golongeîna ki horina, angî ma nga so alum ma nglo ma bei sod’a ba na woina.

Sawal la giled’a 78:18

Azi kuk Alona kuruzi krovo, a tchen te ma djivi ma huruzi minima.

Sawal la giled’a 78:20

Gola! Mi wat ahinad’a, ti djang mbina d’igi toliyonda na gak ti wet teyo! Na ni mi ndak á hei tena ki hliuna mi zu?

Sawal la giled’a 81:7

An hlaneka woi kangû, ang tchuk abong ngei ata gagalagad’a mi.

Buzuk ka Abud’a 14:16

Wani ang hle totogo manga, ang hlabong akulo yam alum ma ngolâ, ang walam mbei aduk mbà. Israel-lâ a mba kal kur alum ma ngolâ kasezi sod’a tchitching.

Buzuk ka Abud’a 16:10

Kid’a Aron nga mi de zlad’a mablaud’a hi Israel-lîd’a tua d’a, a mbut irazi abo ma hur fulîna. Gol wani, subura hi Ma didinid’a ti ndeï woi kur d’ugula.

Isai 48:21

Vunazi mba mi so yam andaga d’a so d’a gangras sa mba mi tinizi kuad’a d’i, mba mi djangâzi mbina ata ahinad’a, mba mi wak ahinad’a, mbina mba mi djang ngei mi.

Ndumba 20:8

Ang hle totogo manga, ang ki wiyengâ Aron agi togogi ablaud’a hi Israel-lîd’a, agi dagi zlad’a mahinad’a irazi kä; mba d’i he mbina. Ang mba buzugï mbina ata ahina ndata, ang mba hum mablaud’a ki d’uwar matna.

Jean 4:10

Jesus mi hulong dat ala: Ladjï ndak we he d’a hawad’a hAlonid’a ki an ma ni dak ala: Ndak hanï mbiyo do’, an tche na ni, ni ndak ba mba tchenen mbiyo ma tched’a, an mba ni hak mbiyo ma he arid’ina mi.

Jean 4:14

Sama lara pî ma tche mbiyo ma an humzina, vunam dok so d’uo d’a, wani mbiyo ma an humzina mba mi mbut ir mbiyo ma laud’a kurum á hum ari d’a didinda.

1 Korente-na 10:4

Azi pet a tche ni mbina hAlonina mi, kayam azi tche ni mbiyo ma lawï ata ahinad’a hAlona d’a nga d’i tit blogozid’a. Ahina ndata ni Christ.

Gat ta a hat á mbàd’id’a 1:2

A tcholï Horep, a hle lovot ta yam ahina d’a Seir-ra gak a mba Kades-Barneya, a le burâ ni dogo yam tu.

Gat ta a hat á mbàd’id’a 8:15

Ni mam ma mi tid’ï ki sed’egi hur ful ma tcho ma duwak ma guguyo suma ayîna ki hurdud’a a nga kuana; ata yima ga’al ma bei mbina ba na, mi ndagi mbina ata ahina d’a ad’eng mata kal teglesa mi.

Vama ndum mbeina 22:17

Muzu’â hAlonina katcha d’a telet awilid’a a dala: Ang mbeya! Sama huma, mi dala: Ang mbeya! Sama vunam sona, ar mi mbeya; sama min mbiyo ma arinina, a mba humzi ni hawa.