Buzuk ka Abud’a 17:2 - Bible azumeina

² a nde yalâ ki Moise, a dum ala: Ang hamï mbiyo ma tched’a. Moise mi hulong dazi ala: Ni kayam me ba, agi yalandi ge? Ni kayam me ba, agi kugugi Ma didina ge?

Buzuk ka Abud’a 17:2 ပူးပေါင်းရင်းမြစ်များ

Sawal la giled’a 106:13

Wani atogo hina zak azi mar rei yam sun mamba, azi djup nga á wäd’u d’al mam ma mi dazizina d’uo mi.

Sawal la giled’a 106:14

Abagei hur fulâ huruzi oî ki d’od’oka; azi nga kuk Alona abagei hur ful ma gangrasâ mi.

Sawal la giled’a 78:18

Azi kuk Alona kuruzi krovo, a tchen te ma djivi ma huruzi minima.

Sawal la giled’a 78:41

Azi hulong kugumu, azi b’lak hur Alo ma tin tam irat vat yam Israel-lîna.

Sawal la giled’a 78:56

Wani azi kuk Alo ma sä akulo ma kal teglesâ, a kak djangûna ki sed’emu, azi ngom nga vun mam ma hed’a d’uo mi.

Sawal la giled’a 95:8

Ar agi b’alagi hurugi d’igi abuyogi ngolo a b’al huruzi kur Meriba na d’i, ar agi b’alagi hurugi d’igi azi b’al huruzi kur bur ma azi nga abagei hur ful ma Masa-na na d’uo mi.

Sawal la giled’a 95:9

Abuyogi ngolo a we sun nda an lata hina pî, a kugunu, a ngan mi.

Buzuk ka Abud’a 15:24

Ablau suma a nde gureî yam Moise, a nga dala: Ei mba tchei hî ni me ge?

Buzuk ka Abud’a 16:8

Moise mi dazi ala: Ma didina nga mi hagi ini fladege hliuna á mutna; avin yorogo mba mi hagi avungôna á hobogiya, kayam mi hum gureî magi d’a agi guruyôgi kamba, kayam ami ni me ko ge? Gureî d’a agi nga guruyôgid’a ni ka ami d’i; agi guruyôgi ni yam Ma didina.

Buzuk ka Abud’a 17:7

Mi yi yi máma ala Masa, mi yum ala Meriba mi, nala, Kuka ki Yalâ, kayam Israel-lâ a yal ki Moise, a kuk Ma didina mi, a dala: Ma didina mi nga adigei d’oze mi nga adigei d’uo zu?

Buzuk ka Abud’a 5:21

Azi dazi ala: Ar Ma didina mi gologiya, mi ka ir zla ndata! Agi mbud’umi ndjendjed’a avok Faron ki sum mama, agi hazi mbigeud’a abozi á tchamiya.

Isai 7:12

Ahas mi hulong dum ala: An nga ni djop va d’i, an min kuk Ma didina d’i.

Malatchi 3:15

Tchetchem mba wanda, hotei ni suma subur tad’a d’o, kayam azi nga ki furîd’a! Gagazi, suma tchona, ahle mazina a nga zula, a nga kuk Alona wan pî, va nga mi lazi d’i!

Ndumba 14:2

Ablau suma Israel-lâ pet a nde gureî yam Moise azi ki Aron, a dazi ala: Ami bomiza adjï navo Ezipte ni hotei, d’oze bomi nabagei hur fulâ ka hî pî ni hotei mi!

Ndumba 14:22

Suma pet suma a we subur manda kahle suma simat suma an lazi avo Ezipte kabagei hur fulâ suma a kugun ndei yazi dogo suma a humun nga vunan nduo na,

Ndumba 21:5

a nde gureîd’a yam Alona azi ki Moise, a dala: Ni kayam me ba, agi buzugumï woi kur ambas sa Ezipte-d’a á tchami woi abagei hur fulâ ka hî ge? Kayam vama te nga d’i, mbiyo ma tche nga d’i, avu ma tcho máma, mi mbut avunami tchod’a mi!

Matiye 4:7

Jesus mi hulong dum ala: A b’ir kur mbaktumba hAlonid’a kua ala: Ang kuk Ma didina Alo mangâ d’i.

Wana ni Zla d’a Djivi d’a Luc mi b’irita 15:12

Ma gorâ mi de mabum ala: Abunu, ang han vama djo ma ndak ang handjina. Abuzi mi b’rawazizi mi.

Wana ni Zla d’a Djivi d’a Luc mi b’irita 4:12

Jesus mi hulong dum ala: A b’ir kur mbaktumba hAlonid’a ala: Ang kuk Ma didina Alo mangâ d’i.

Sunda hi suma a sunuzinid’a 15:10

Ki tchetchemba, ni kayam me ba, agi kugugi Alona á gagi djuk ma abuyoi ngolo ki ei teid’a ndagei á zim mbuo na kel suma a he gagazid’ina ge?

Sunda hi suma a sunuzinid’a 5:9

Wani Pierre mi dat ala: Ni kayam me ba, agi ndjagagi vunagi á kuk Muzu’â hi Salad’ina ge? Gola! Wana nasem suma a i tos ndjuvu’â, a nga abu vun gonga, a mba hlak ini ndak mi.

1 Korente-na 10:9

Ar ei kugi Salad’a d’igi suma dingâ adigazi a kugum hina ba guguyona a tchazi woi na d’i.

Gat ta a hat á mbàd’id’a 6:16

Ar agi kugugi Ma didina Alo magina d’igi agi kugum sä Masa na d’i.

Gat ta a hat á mbàd’id’a 9:22

Adjeu d’a ei mbei Tabera, Masa ki Kibrot-Hatava-d’a, agi zalagi hur Ma didina.

Hebre-na 3:9

Alona mi dala: Abuyogi ngolo a kugunu, a ngan ata yima azi we sun man nda an lata bizad’a dok fid’ina.

1 Samuel 8:6

Samuel tam lum nga djivi yam djop pa azi djobom ala mi tinizi amulâ d’a d’i. Samuel mi nde tchen Ma didina.